Bush vísar fréttum á bug

Bush Bandaríkjaforseti vísar alfarið á bug fréttum í fjölmiðlum um nýliðna helgi þess efnis að Bandaríkjamenn ætli að ráðast gegn hernaðarlegum skotmörkum í Íran með kjarnorkuvopnum.

Blaðið New Yorker birti um helgina grein þar sem blaðamaðurinn Seymour Hersh staðhæfði að Bandaríkjamenn væru að undirbúa stórfelldar herðnaðaraðgerðir gegn Írönum til að koma í veg fyrir að þeir komi sér upp kjarnavopnum. Bush sagði bandarísk stjórnvöld stefna að því að semja um lausn á kjarnorkudeilunni við stjórnvöld í Teheran.

Fyrr í dag sakaði Ahmadinejad, Íransforseti, stjórnvöld í Washington um að beita sálfræðihernaði í deilunni og sagði að hvergi yrði hvikað og auðgun úrans fram haldið.