Enn mótmælt í Minsk

Mörg hundruð mótmælendur komu saman í Minsk, höfuðborg Hvíta-Rússlands, í nótt til að mótmæla niðurstöðu forsetakosninga þar í landi á sunnudag. Alexander Lúkasjenko var þá endurkjörinn forseti með rúmum 80% atkvæða.

Stjórnarandstæðingar segja brögð hafa verið í tafli og alþjóðlegir kosningaeftirlitsmenn segja kosningarnar hvorki hafa verið frjálsar né sanngjarnar. Lúkasjenko sagði í gær að andstæðingum hans hefði ekki náð að velta sér úr sessi með stuðningi Vesturveldanna.

Ekki er víst hvort stjórnarandstæðingum takist ætlunarverk sitt, að koma forsetanu frá líkt og gert var í Úkraínu. Þeir hafa þó heitið því að það verði mótmælt allan sólahringinn, eins lengi og með þurfi. Nokkuð færri mættu þó í nótt en í fyrrinótt.