Milosevic jarðsettur í Belgrad

Háttsettir menn í flokki Slobodans Milosevic, fyrrverandi leiðtoga Júgólsavíu, tilkynntu í gærkvöld að Milosevic yrði jarðsettur í Belgrad, höfuðborg Serbíu. Lík Milosevic, sem lést í Haag í síðustu viku, er nú á Schipholflugvelli í Hollandi en verður væntanlega flutt á leiðarenda í dag. Eiginkona Milosevic, Mira Markovich og sonur þeirra vildu að hann yrði jarðsettur í Moskvu, þar sem þau hafa búið undanfarin ár en þau hafa verið eftirlýst í Serbíu vegna valdníðslu á valdatíma Milosevic. Dómstóll í Belgrad felldi úr gildi handtökutilskipun á hendur henni í gær, svo hún gæti fylgt manni sínum til grafar.