Palestínumenn reiðir Bretum og Bandaríkjamönnum

Vesturlandabúar hafa verið skotmörk æfareiðra Palestínumanna á Gasaströndinni og Vesturbakkanum í dag vegna umsátursástand við fangelsi í Jeríkó. Ísraelsher gerði áhlaup á það í morgun og var ætlunin að taka höndum Ahmed Saadat, einn helsta leiðtoga herskrárra Palestínumanna. Palestínumenn kenna Bretum og Bandaríkjamönnum um.

Palestínskur dómstóll komst að þeirri niðurstöðu á dögunum að Saadat hefði ekki haft hönd í bagga með tilræði við ísraelska ferðamálaráðherrann árið 2001 og því ætti að láta hann lausann sem fyrst. Bandarískir og breskir eftirlitsmenn hafa haldið til í fangelsinu síðustu fjögur ár til að gæta öryggis Saadat. Þeir hurfu á brott fyrir nokkrum dögum þar sem þeir töldu ekki lengur hægt að tryggja öryggi þeirra.

Það virðist því sem Ísraelsmenn hafi ákveðið að láta til skarar skríða í dag og klófesta Saadat áður en hann fengi frelsi. Ísraelsher hefur þó enn ekki náð Saadat en talið að á bilinu þrjátíu til áttatíu fangar séu enn í fangelsinu og hefur Saadat sagð í símaviðtali við fjölmiðla í dag að hann láti Ísraelsmönnu ekki ná sér á lífi.

Palestínumenn eru æfareiðir Bretum og Bandaríkjamönnum fyrir að hafa horfið á braut og kenna þeim um. Þeir hafa látið reiði sína bitna á vesturlandabúum á Vesturbakkanum og Gasaströndinni í dag. Þeir hafa lagt eld að menningarsskrifstofu Breta á Gasas, rænt stjórnanda Rauða krossins á svæðinu, tveimur áströlskum kennurum og tveimur frönskum starfsmönnum hjálparsamtaka. Liðsmenn al-Aqsa hafa hvatt Breta og Bandaríkjamenn til að yfirgefa landsvæði Palestínumanna nú þegar.