Enn deilt hart um dauða Milosevic

Slobodan Milosevic, fyrrverandi forseti Júgóslavíu, verður grafinn í Belgrad án viðhafnar. Stjórnmálaskýrendur telja að allt að ein miljón manna verði við útförina. Dómstóll í Belgrad dró í gær til baka handtökutilskipunina á Miru Markovitch, ekkju Milosevic en Mira hefur dvalist í Rússlandi undanfarin ár ásamt syni sínum. Þau hafa verið eftirlýst í Serbíu, sökuð um að misnota vald sitt á valdatíma Milosevic.

Enn er hart deilt um hvernig bar að dauða Milosevic í fangelsi Stríðsglæpadómstólsinsn í Haag á laugardag þar sem hann var ákærður fyrir stríðglæpi. Niðurstaða krufningar sem gerð var í gær er að Milosevic hafi látist úr hjartaáfalli. Ekki eru þó allir jafn vissir og hafa rússnesk stjórnvöld farið fram á það við Alþjóða stríðsglæpadómstóllinn að rússneskir læknar fái að kryfja lík Milosevic.