Stuðningur við Bush Bandaríkjaforseta aldrei minni

Ánægja meðal Bandaríkjamanna með frammistöðu Bush Bandaríkjaforseti hefur aldrei verið minni samkvæmt nýrri skoðanakönnun bandarísku fréttastöðvarinnar CNN. Aðeins 32% þeirra sem tóku afstöðu eru sáttir við frammistöðu forsetans en stuðningur við hann hefur verið að minnka síðustu mánuði.

Samkvæmt könnuninni eru 60% Bandaríkjamanna ósátt við frammistöðu forsetans. Síðustu mánuði hefur stuðningur við forsetann verið fyrir neðan 40%.

Talið er að helst sé um að kenna aukinni andstöðu við Íraksstríðið, óánægju með fyrstu viðbrögð við áföllum í tengslum við fellibylinn Katrínu og hækkandi bensínverði.