Fundin eftir 10 ára fjarveru

Bandarísk kona sem hvarf fyrir áratug þegar hún var á táningsaldri er fundin. Hún hafði verið í gíslingu hjá nágranna fjölskyldu hennar í tíu ár.

Tanya Nicole Kach er nú 24 ára. Síðustu tíu árin hefur hann verið í haldi á heimili manns sem býr aðeins í þriggja kílómetra fjarlægð frá heimili fjölskyldu hennar í úthverfi Pittsburg í Bandaríkjunum. Thomas Hose, sem er á fimmtugsaldri, var öryggisvörður í skóla Tanyu þar sem hún var nemandi. Ekki liggur fyrir á þessari stundu hvernig það vildi til að hún fór inn á heimili hans en ætla má að henni hafi verið rænt.

Það var í fyrradag sem Tanya gaf sig á tal við eiganda verslunar í nágrenninu og sagði honum hvernig væri farið með hana. Hann hafi þegar samband við lögreglu sem frelsaði konuna. Þá kom upp úr dúrnum að fyrstu fjögur árin, frá 14 til 18 ára aldurs, var Tanyu bannað að fara út úr húsinu. House mun hafa lagt henni línurnar hvað varðaði klæðaburð og matarvenjur. Hún var svo læst inni í svefnherbergi hans þegar gesti bar að garði. Ekkert virðist þó benda til þess að Tanya hafi verið bundin með neinum hætti á meðan á gíslingu hennar stóð.

Málið er því allt hið dularfyllsta að mati lögreglu. Búist er við að House verði birtar ákærur á næstu dögum.