Segir Hisbollah ekki afvopnast

Hisbollah-skæruliðar í Líbanon munu ekki leggja niður vopn þar sem landið þarf enn á uppreisnarmönnum að halda til að verjast ágangi Ísraels. Þetta sagði yfirmaður hreyfingarinnar, Hassan Nasrallah, við fréttamenn fyrr í dag, en þrýst hefur verið á hana að afvopnast til þess að liðka um fyrir friðarumleitunum fyrir botni Miðjarðarhafs. Þá hvatti Nasrallah stuðningsmenn Sýrlendinga í Líbanon til að safnast saman í Beirút næstkomandi þriðjudag til að mótmæla erlendri íhlutun í Líbanon. Búist er við að mótmælin fari fram á torgi sem nærri Píslarvottatorginu í Beirút þar sem andstæðingar Sýrlendinga hafa safnast saman undanfarnar vikur til að krefjast þess að sýrlenski herinn hverfi frá Líbanon.