Banaslys við Hallormsstaðaskóg

Karl og kona um fimmtugt létust og einn slasaðist alvarlega í hörðum árekstri fólksbíls og vöruflutningabíls við Hallormsstaðaskóg á fimmta tímanum í gær. Þrír voru í fólksbílnum og létust báðir farþegarnir í slysinu. Ökumaður hans, sem er kona, er lífshættulega slösuð og var flutt með þyrlu til Reykjavíkur nokkrum klukkustundum eftir slysið. Hún var í gjörgæslu þegar blaðið fór í prentun í gærkvöldi. Ökumaður vöruflutningabílsins slasaðist ekki alvarlega, en bíllinn fór út af veginum og valt. Þjóðvegurinn við Hallormsstaðaskóg var lokaður fram undir miðnætti meðan tildrög slyssins voru rannsökuð og vegurinn hreinsaður.