Hróarskeldusvefnpokar gefnir

Yfir 1.600 svefnpokar og 510 tjalddýnur, sem gestir Hróarskelduhátíðarinnar skildu eftir á tónleikasvæðinu í sumar, verða gefnir heimilislausum í Kaupmannahöfn. Frá því árið 2003 hafa aðstandendur hátíðarinnar gefið eftirleguvarning af þessu tagi til góðgerðarmála. „Uppskeran" í ár var mun meiri en nokkru sinni áður, þar á meðal 1.642 svefnpokar og 510 tjalddýnur, auk hrauka af stuttermabolum, teppum, koddum, útilegustólum og gúmmístígvélum. Alls seldust um 65.000 miðar á tónleika hátíðarinnar í ár. Um eitt þúsund Íslendingar mættu.