Lög um starfsemi starfsmannaleiga

Þing Alþýðusambands Norðurlands skorar á félagsmálaráðherra að sett verði lög um starfsemi starfsmannaleiga á íslenskum vinnumarkaði hið fyrsta. Jafnframt er skorað á Alþingi að bæta réttarstöðu starfsmanna leiganna og tryggt að af þeim verði greidd lögboðin gjöld. Segir í ályktun þings Alþýðusambandsins að ljóst sé orðið að erlent verkafólk fái í mörgum tilfellum lægri laun og lakari starfskjör en íslenskir kjarasamningar og lög geri ráð fyrir. Kvartanir verkalýðsfélaga hafi svo þau áhrif ein að skipt sé um starfsmenn.