Forsetar safna fé

 Fjársöfnunin er með sama sniði og sú sem hrundið var af stað eftir flóðbylgjurnar við Indlandshaf og nefnist Bush-Clinton Katrínarsjóðurinn. "Við erum mest spenntir fyrir því að bretta upp á ermarnar og hefjast handa," sagði Bush. "Við þörfum öll að vinna saman til að ná markmiði okkar." Bush og Clinton heimsóttu fórnarlömb flóðanna sem hafast við í flóttamannaskýlum í Houston í Texas. Clinton sagði að hann og Bush hefðu ekki afráðið að leggja söfnuninni lið sitt vegna þess að þeim þætti alríkisstjórnin ekki vera að standa sig heldur til þess að fylla í göt á aðstoð yfirvalda og hjálpa fólki sem annars gæti verið horft fram hjá. Tugmilljónir bandaríkjadala hafa þegar safnast og hafa stórfyrirtæki í Bandaríkjunum ekki látið sitt á eftir liggja. Meginmarkmið sjóðsins verður að hjálpa fólki að koma undir sig fótunum að nýju eftir hamfarirnar.