Fjórir teknir af lífi

Palestínsk yfirvöld tóku aftur upp dauðarefsinguna í gær þegar fjórir fangar voru teknir af lífi. Dauðarefsingin hafði verið við lýði í Palestínu síðan árið 1994 en Yasser Arafat heitinn, fyrrum leiðtogi Palestínu, bannaði hana árið 2002 vegna harðrar gagnrýni frá Evrópulöndum og mannréttindahópum. Leiðtogi Palestínu, Mahmoud Abbas tók refsinguna upp aftur til að halda lögum og reglum í landinu en hann hefur verið gagnrýndur af mannréttindahópum rétt eins og forveri hans. Þrír af mönnunum voru hengdir en einn tekinn af lífi af aftökusveit. Nú eru 47 fangar á dauðadeild í Palestínu og gætu sömu örlög beðið þeirra.