Trillukarl fangar sel

"Þetta er vöðuselskópur úr Norðuríshafi að nálgast fullorðinsár. Hann kemur svo sjaldan að ströndum landsins að ég þarf að láta Fiskistofu vita," segir Kjartan Kjartansson, fyrrverandi fangavörður, sem fékk sjaldgæfan sel í grásleppunetin í gær. Kjartan, sem verður 73 ára á árinu og hefur stundað sjóinn frá barnæsku, fær að jafnaði tvo seli í netin á ári hverju. "Sjórinn hefur alltaf togað í mig. Ég fór fyrst á sjóinn níu ára og tókst að halda því áfram þó ég hafi starfað sem fangavörður í fangelsinu á Skólavörðustíg í 30 ár," segir Kjartan.