Óvenju snjóþungur vetur

Óvenju mikið hefur snjóað það sem af er vetri. Aðeins draumkonur geta sagt til um hvernig veturinn verður þegar allt kemur til alls, segir Trausti Jónsson veðurfræðingur. Það hefur varla verið hægt að komast á skíði undanfarna vetur vegna snjóleysis. Tíðarfar hefur verið óvenju gott og hvert hitametið á fætur öðru slegið. Yfirstandandi vetur stefnir í að skera sig úr, óvenju oft hefur snjóað og janúar vel yfir meðallagi hvað snjó varðar. Trausti Jónsson veðurfræðing segir að snjórinn hafi verið þrálátari en undanfarin ár en þó þurfi ekki að fara mjög mörg ár aftur í tímann til að finna jafnþrálátan snjó. Það hafi verið í febrúar 2002, en þá hafi verið alhvítt allan mánuðinn. Spurður um afganginn af vetrinum segir Trausti að freka ætti að ræða við draumkonur en hann um það. Þegar Trausti er inntur eftir því hvort Íslendingar eigi inni svolítið af snjó eftir snjóleysi undanfarinna ára segir hann að það megi kannski segja það. Sjálfur sé hann ekki mikill snjómaður núorðið en hafi haft gaman af honum sem krakki og hann geti glaðst með krökkum í dag.