Boðar niðurskurð vegna hamfara

George Bush, forseti Bandaríkjanna, segir að stjórnvöld í Bandaríkjunum verði að grípa til niðurskurðar á einhverjum sviðum til að geta greitt kostnaðinn sem hlýst af uppbyggingunni á hamfarasvæðunum í suðurhluta Bandaríkjanna. Forsetinn segir ljóst að uppbyggingin komi til með að kosta gríðarlega mikla peninga, en hann gefur að svo stöddu ekki upp hvar verði skorið niður í efnahagslífinu til að mæta þeim kostnaði. Bush segir að skynsemin verði látin ráða í þessum efnum og ekki verði farið út í aðgerðir nema að vel athuguðu máli.