Skýstrókur í München

Nokkuð óvenjuleg sjón blasti við íbúum í grennd við München í Þýskalandi í dag. Skýstrókur gekk yfir svæðið við Starnberger-vatn og reyndist það töluvert sjónarspil. Þrátt fyrir að strókurinn væri nokkuð öflugur á tímabili olli hann ekki alvarlegu tjóni. Veðurfræðingar höfðu varað við að skýstrókur kynni að ganga yfir vegna slæms veður. Ýmsir göntuðust hins vegar með það í dag að þetta væri kannski táknrænt fyrir kosningadaginn í Þýskalandi þar sem átök og spenna lægi í loftinu.