Minnisvarði afhjúpaður

Minnisvarði um fórnarlömbin sex sem létust af völdum flugslyssins í Skerjafirði var afhjúpaður í gærkvöld.  Þá voru liðin fimm ár frá slysinu, en vélin flutti farþega frá Þjóðhátíð í Vestmannaeyjum. Kristín Dýrfjörð, móðir eins þeirra sem lést, flutti stutt ávarp við athöfnina. Hún þakkaði þeim sérstaklega sem unnu að björgunarstörfum þennan örlagadag sem og starfsfólki sjúkrahúsanna. Þá færði hún þakkir frá aðstandendum hinna látnu til íslensku þjóðarinnar sem sýndi þeim mikinn samhug. Það voru systkini og börn hinna látnu sem afhjúpuðu minnisvarðann.