Segir uppreisnarmenn innan hers

Uppreisnarmenn hafa náð að lauma sér inn í írakskar öryggissveitir. Þetta sagði ráðgjafi Íraksstjórnar í sjónvarpsviðtali í gærkvöldi. Hann sagðist þó ekki vita hve mikið af uppreisnarmönnum væru innan raða öryggissveitanna. Mikil spenna virðist komin upp milli breskra og írakskra stjórnvalda eftir að breskar hersveitir brutust inn í fangelsi í Basra í fyrradag til að frelsa þaðan tvo breska fanga. Talsmenn breskra stjórnvalda segja aðgerðina fullkomlega réttmæta enda hafi handtaka mannanna verið ólögleg og þeir færðir í hendurnar á herskáum sjítum sem hafi stofnað lífi þeirra í hættu. Hjá írökskum stjórnvöldum kveður við annan tón. Þar er sagt að mennirnir hafi skotið að lögreglumönnum og drepið einn þeirra án þess að tilefni hafi verið til.