Segja faraldur í Indónesíu

Yfirvöld á Indónesíu segja að upp sé kominn fuglaflensufaraldur í landinu. Í nótt lést fimm ára stúlka í Djakarta sem jafnvel er talin hafa smitast af fuglaflensu. Sex manns á sama spítala eru taldir vera með flensuna. Þegar hefur verið staðfest að fjórir hafi látist af völdum flensunnar í landinu undanfarna mánuði. Heilbrigðissérfræðingar hvaðanæva að úr heiminum streyma nú til Indónesíu og munu hjálpa þarlendum yfirvöldum við að finna leiðir til að sporna við frekari útbreiðslu faraldursins.