San Antonio vann Lakers

San Antonio Spurs lögðu Los Angelers Lakers 105-96 í NBA-deildinni í nótt. Tim Duncan skoraði 26 stig fyrir Spurs og hirti 16 fráköst. Kobe Bryant skoraði 28 stig fyrir Lakers. Meistarar Detroit Pistons steinlágu fyrir Toronto Raptors 101-89 í Kanada. Önnur úrslit voru þau að Indiana sigraði Boston 100-94, Orlando bar sigurorð af New Orleans 90-89, Portland vann LA Clippers með sjö stiga mun, 91 stigi gegn 84, Utah Jazz gjörsigraði Golden State 102-80, Phoenix sigraði Philadelpha 108-98 þar sem Amare Stoudemire skoraði 29 stig fyrir Phoenix og Allen Iverson 25 fyrir Philadelpha. Houston lagði Memphis 89-81, New Jersey rétt marði Chicago Bulls 111-106 í framlengdum leik og Seattle burstaði Atlanta með 21 stigs mun, 106-85.