Esso og Skeljungur hækka

Olíufélögin Essó og Skeljungur hækkuðu verð á bensíni í morgun og tóku þar með til baka lækkunina fyrir helgi og gott betur. Almennt sjálfsafgreisðluverð hjá félögunum á Reykjavíkursvæðinu er nú 109 krónur og 50 aurar, eða 40 aurum hærra en áður en þau lækkuðu verðið óvænt upp úr miðri síðustu viku, í kjölfar hækkunar, nokkrum dögum áður. Með fullri þjónustu er lítrinn kominn upp í 113,5 krónur. Með hækkuninni fyrir rúmri viku sögðu félögin að þau væru að fyglja hækkun á heimsmarkaði, en olíuverð nú er enn hærra en þá, þannig að lækkunin í síðustu viku var í ósamræmi við þá staðhæfingu félagannna að verð hér innanlands endurspeglaði verð á heimsmarkaði. Eftir sem áður er bensínið hjá Esso og Skeljungi ódýrast í grennd við bensínstöðvar Atlantsolíu í Kópavogi og Hafnarfirði, en þar hefur verðið verið óbreytt síðan 25. ágúst, eða tæpar 104 krónur lítrinn. Esso og Skeljungur tilkynntu hækkanri sínar nær samtímis í morgun, og vænta má að Olís tilkynni einnig hækkun á hverri stundu.