Heilsuvænir nammisjálfsalar

Nammisjálfsalar standa vart undir nafni sem slíkir öllu lengur í Bandaríkjunum. Nú er svo komið að hlutur heilsusamlegra matvæla eykst stöðugt í slíkum sjálfssölum. Og það er ekki af hugsjóninni einni saman sem eigendur sjálfsalanna hafa brugðið á þetta ráð því að eftirspurnin eftir heilsufæði hjá fólki sem hefur knappan tíma er einfaldlega að aukast. Þannig má nú víða nálgast gulrótarpoka, rúsínur, hnetur, ósaltað snakk og þurrkaða ávexti með því einu að stinga smámynt í rauf á sjálfsala. Sælkerarnir þurfa þó ekki að örvænta því enn er einhver bið í að súkkúlaðistykki með karamellufyllingu, gosdrykkir og brimsalt snakk hverfi með öllu úr hillum sjáfsalanna.