Börnum bjargað af eyju

Þrjú áströlsk börn, sem lifðu af nokkurra daga dvöl á lítilli eyju í hafinu norður undan Ástralíu, segjast hafa lifað á ostrum, kókoshnetum og berjum. Börnin eru á aldrinum tíu til fimmtán ára. Fyrir tveimur vikum syntu þau fyrir lífu sínu, eftir skipun frá mömmu sinni og pabba, í kjölfar þess að bátur fjölskyldunnar sökk. Ekkert hefur spurst til foreldra þeirra og þriggja ára bróður.  Börnin syntu og ráku níu kílómetra vegalengd á opnu hafi, umkringd hákörlum og krókódílum, þar til þau rak upp í fjöru á lítilli eyju. Þegar fæðu þraut eftir þrjá daga þar syntu þau á aðra eyju þar sem þau voru í aðra þrjá daga þar til frændi þeirra fann þau. Í gær tjáðu börnin sig í fyrsta sinn opinberlega um lífsreynsluna og fóru með fjölmiðlum út í eyjarnar. Hægt er að horfa á fréttina úr morgunsjónvarpi Stöðvar 2 með því að smella á hlekkinn hér að neðan.