Fleiri fréttir | Viðskipti innlent

Íslandsbanki og SAT fá heimild fyrir SA tryggingum

Fjármálaeftirlitið hefur veitt Íslandsbanka og SAT heimild til þess að fara með virkan eignarhlut í SA tryggingum. Þetta kemur fram á vefsíðu eftirlitsins.

Viðskipti innlent 16.10.2009 13:34

Kauphöllin tekur skuldabréf Nýsis úr viðskiptum eftir gjaldþrot

Kauphöllin hefur ákveðið að taka skuldabréf Nýsis hf. úr viðskiptum samanber reglur kauphallarinnar með vísan til tilkynningar frá félaginu dags. 15. október 2009 þar sem fram kemur að félagið hafið verið tekið til gjaldþrotaskipta.

Viðskipti innlent 16.10.2009 13:18

Þrotabú Samson stefnir Nýja Kaupþingi

Fyrirtaka er í þar næstu viku í Héraðsdómi Reykjavíkur vegna stefnu þrotabús Samson gegn Nýja Kaupþingi. Málið snýst um að Nýja Kaupþing tók fé, samtals 520 milljónir kr., af reikningi Samson í bankanum til að greiða inn á lán sem Björgólfsfeðgar fengu upphaflega í Búnaðarbankanum 2003 til að fjármagna þriðjung af kaupverði Landsbankans.

Viðskipti innlent 16.10.2009 13:00

Íslandsbanki ekki lengi í eigu kröfuhafa Glitnis

Kröfuhafar Glitnis munu ekki eiga Íslandsbanka lengi, en stefnt er að því að selja bankann eftir nokkur ár. Það ræðst á næstu vikum hvort kröfuhafar gamla Kaupþings eignist nýja bankann.

Viðskipti innlent 16.10.2009 12:10

Góðar líkur á besta þjónustujöfnuði síðan 1990

„Af þróun kortaveltunnar má þannig ráða að talsverður afgangur muni reynast af þjónustujöfnuði á þriðja fjórðungi ársins, og teljum við ekki úr vegi að ætla að hann gæti orðið á bilinu 12-18 milljarðar kr. Ef grunur okkar reynist réttur verður afgangurinn á þriðja ársfjórðungi sá mesti síðan Seðlabankinn hóf að taka saman ársfjórðungslegar greiðslujafnaðartölur árið 1990."

Viðskipti innlent 16.10.2009 11:57

Verðbólgan enn langmest á Íslandi en fer lækkandi

Verðbólgan á Íslandi fer úr 16,0% í ágúst í 15,3% í september og lækkar því um 0,7 prósentustig milli mánaða samkvæmt samræmdri vísitölu neysluverðs. Innan evrópska efnahagssvæðisins er verðbólgan langmest hér á landi.

Viðskipti innlent 16.10.2009 11:30

Frekari lækkun íbúðaverðs er óhjákvæmileg

Í því efnahagsástandi sem nú ríkir hér á landi er frekari lækkun á íbúðaverði óhjákvæmileg að mati greiningar Íslandsbanka. Hin mikla uppsveifla undanfarinna ára á íbúðamarkaði hefur orðið til þess að nú þegar ládeyða hefur verið á þessum markaði situr eftir mikill fjöldi nýrra óseldra íbúða á framboðshlið markaðarins sem skapar frekari þrýsting til verðlækkunar.

Viðskipti innlent 16.10.2009 10:48

Kreditkortaveltan minnkaði um 5,6% í september

Heildarvelta kreditkorta í septembermánuði var 26,0 milljarðar kr. samanborið við 27,5 milljarða kr. á sama tíma í fyrra og er þetta 5,6% samdráttur milli ára.

Viðskipti innlent 16.10.2009 08:45

Magma með hlutafjárútboð til að fjármagn HS Orku kaupin

Kanadíska orkufyrirtækið Magma Energy stendur nú fyrir lokuðu hlutafjárútboði sem ætlað er að fjármagn kaupin á 8,6% hlut fyrirtækisins í HS orku. Ganga á frá þeim kaupum fyrir lok mánaðarins.

Viðskipti innlent 16.10.2009 08:28

Glitnir stefnir Exista og krefst 650 milljóna

Exista hefur borist stefna frá Glitni eignarhaldsfélagi ehf. þar sem gerðar eru þær dómkröfur að Exista greiði félaginu samtals rúmar 650 milljónir króna vegna ógreiddra afborgana af skuldabréfaflokknum EXISTA 07 2.

Viðskipti innlent 16.10.2009 08:16

Hagsjá: Spáir 8,9% ársverðbólgu í október

Hagfræðideild Landsbankans spáir því að verðbólga milli september og október mælist 0,4%. Gangi spáin eftir mun 12 mánaða verðbólga lækka þó nokkuð og mælast 8,9% í október samanborið við 10,8% í september. Þetta yrði því í fyrsta skipti í 18 mánuði sem 12 mánaða verðbólga mælist undir 10%.

Viðskipti innlent 16.10.2009 08:06

Afskráning Existu úr Kauphöllinni hefur engin áhrif á fjárfesta

Engin viðskipti hafa verið með skuldabréf Exista í rúmlega eitt ár, samkvæmt upplýsingum sem fréttastofa Stöðvar 2 og Vísis hefur frá Existu. Áhrifin af afskáningu skuldabréfa félagsins úr Kauphöll Íslands sé því afar takmörkuð fyrir fjárfesta.

Viðskipti innlent 15.10.2009 19:08

Saxhóll óskar eftir gjaldþrotaskiptum

Eigendur einkahlutafélagsins Heiðarsólar ehf, sem áður hét Saxhóll ehf, óskaði í dag eftir því að félagið yrði tekið til gjaldþrotaskipta. Í tilkynningu frá Heiðarsól kemur fram að helstu eignir Heiðarsólar ehf. séu fólgnar í skuldabréfum, hlutabréfum og fasteignum, en auk þess hafi handbært fé félagsins um áramót verið umtalsvert eða á fjórða milljarð króna.

Viðskipti innlent 15.10.2009 18:10

Össur hækkaði í töluverðum viðskiptum

Össur hf. hækkaði um 0,8% í töluverðum viðskiptum í kauphöllinni í dag. Veltan með hluti í félaginu nam um 133 milljónum kr.

Viðskipti innlent 15.10.2009 16:15

Vísitala íbúðaverðs í borginni lækkaði um 10,2% á ári

Vísitala íbúðaverðs á höfuðborgarsvæðinu var 313,9 stig í september 2009 og lækkar um 0,1% frá fyrra mánuði. Síðastliðna 3 mánuði hækkaði vísitalan um 1%, síðastliðna 6 mánuði hefur hún lækkað um 2,7% og lækkun síðastliðna 12 mánuði var 10,2%.

Viðskipti innlent 15.10.2009 16:09

Björgvin: Sáum tækifæri sem við ákváðum að grípa

Björgvin Guðmundsson sem sagt hefur starfi sínu lausu sem ritstjóri viðskiptablaðs Morgunblaðsins mun á næstu dögum taka við stöðu aðstoðarritstjóra Viðskiptablaðsins. Með honum á Viðskiptablaðið fara tveir aðrir blaðamenn af Morgunblaðinu. „Við sáum tækifæri sem við ákváðum að grípa," segir Björgvin um þessa ákvörðun þeirra þremenninganna.

Viðskipti innlent 15.10.2009 15:56

EBÍ greiðir 300 milljóna arð til sveitarfélaga

Eignarhaldsfélagið Brunabótafélag Íslands (EBÍ) greiðir í dag samtals 300 milljónir króna í framlag til ágóðahlutar. Greiðslan rennur til þeirra sveitarfélaga sem aðild eiga að Sameignarsjóði EBÍ í réttu hlutfalli við eignaraðild þeirra að sjóðnum.

Viðskipti innlent 15.10.2009 15:36

Ísland á útsölu í Seattle

Bandaríska blaðið The Seattle Times birtir frétt undir fyrirsögninni „Ísland á útsölu frá Seattle" þar sem fjallað er um mjög hagstæð kjör sem í boði eru hjá Icelandair frá Seattle til Reykjavíkur í beinu flugi.

Viðskipti innlent 15.10.2009 15:29

Viðskiptablaðamenn Morgunblaðsins hættir

Fjórir blaðamenn af viðskiptablaði Morgunblaðsins er hættir störfum á blaðinu. Auk Björgvins Guðmundssonar fréttaritstjóra viðskiptahlutans hafa þeir Þorbjörn Þórðarson, Þórður Snær Júlíusson og Magnús Halldórsson sagt upp störfum.

Viðskipti innlent 15.10.2009 14:21

Tapið nam 12,7 milljörðum hjá borginni á fyrri helming ársins

Rekstrarniðurstaða samstæðu Reykjavíkurborgar (A og B-hluta), þar sem fyrirtæki í meirihlutaeigu Reykjavíkurborgar eins og Orkuveita Reykjavíkur eru talin með, var neikvæð um 12,7 milljarða kr. á fyrstu sex mánuðum ársins.

Viðskipti innlent 15.10.2009 14:09

Fjórðungur fyrirtækja ætlar að fækka starfsmönnum

Sex af hverjum tíu aðildarfyrirtækjum Samtaka atvinnulífsins (SA) hyggjast ekki gera breytingar á starfsmannafjölda á næstu sex mánuðum, 14% áforma fjölgun starfsmanna en 26% hyggjast fækka þeim. Af þeim sem hyggjast fjölga starfsmönnum ætla tveir þriðju að fjölga um innan við fimm starfsmenn.

Viðskipti innlent 15.10.2009 13:02

Steingrímur ánægður með samkomulagið

Kröfuhafar Glitnis munu eignast 95% í Íslandsbanka. Fjármálaráðherra fagnar niðurstöðunni, en kostnaður ríkisins verður um 37 milljörðum króna minni en upphaflega var áætlað.

Viðskipti innlent 15.10.2009 12:50

Þjóðverjinn Daniel Gros í bankaráð Seðlabankans

Daniel Gros, framkvæmdastjóri hugveitunnar Centre for European Policy Studies (CEPS), var á Alþingi í dag kosinn aðalmaður í bankaráð Seðlabanka Íslands, eftir tilnefningu af hálfu þingflokks Framsóknarmanna.

Viðskipti innlent 15.10.2009 12:33

Portfarma gerir samning upp á hundruð milljóna

Íslenska samheitalyfjafyrirtækið Portfarma hefur skrifað undir samning við Grindeks, eitt stærsta lyfjasölufyrirtæki í Eystrasaltsríkjunum, um dreifingu og sölu á lyfjum fyrirtækisins í nær öll apótek í Eistlandi, Lettlandi og Litháen. Verðmæti samningsins hleypur á hundruðum milljóna íslenskra króna á ári.

Viðskipti innlent 15.10.2009 12:25

SA: Nauðsynlegt að fjölga konum í forystu fyrirtækja

Samtök atvinnulífsins (SA) telja bæði nauðsynlegt og skynsamlegt að fjölga konum í forystusveit íslensks atvinnulífs og hvetja því fyrirtæki til að nýta betur kraft kvenna.

Viðskipti innlent 15.10.2009 12:16

Exista greiðir ekki vexti af skuldabréfum

Exista hefur ákveðið að greiða ekki vaxtagreiðslur af skuldabréfum sínum sem voru á gjalddaga í gær, 14. október. Þetta er gert með vísan í samningaviðræður sem eru í gangi við handhafa skráðra skuldabréfa og víxla félagsins um frestun á greiðslum.

Viðskipti innlent 15.10.2009 10:45

Langtímaatvinnuleysi hefur fjórfaldast á einu ári

Langtímaatvinnuleysi hefur fjórfaldast frá því í fyrra. Á þriðja ársfjórðungi höfðu um 800 manns verið atvinnulausir í meira en tólf mánuði, en á sama tímabili í fyrra voru um 200 manns sem höfðu verið atvinnulausir lengur en í 12 mánuði.

Viðskipti innlent 15.10.2009 10:25

Erlendir eignast 95% í Íslandsbanka, ríkið sparar 37 milljarða

Skilanefnd Glitnis hefur, fyrir hönd kröfuhafa, ákveðið að nýta sér ákvæði í samningi við íslenska ríkið og eignast 95% hlutafjár í Íslandsbanka. Þessa ákvörðun tók skilanefnd Glitnis eftir ítarlega áreiðanleikakönnun sem framkvæmd hefur verið af hálfu ráðgjafa Glitnis á rekstri Íslandsbanka.

Viðskipti innlent 15.10.2009 09:45

Krafa um lengingu á fresti vegna nauðungarsölu íbúða

Þann 1. nóvember n.k. lýkur þeim fresti sem veittur hefur verið varðandi nauðungarsölu íbúða. Hagsmunasamtök heimilanna krefjast þess að fresturinn verði framlengdur um 6 mánuði þannig að reynslan af aðgerðum ríkisstjórnarinnar komi í ljós áður.

Viðskipti innlent 15.10.2009 09:11