Bíó og sjónvarp

Fréttamynd

Tyra Banks kærir Netflix fyrir æru­meiðingar

Tyra Banks hefur kært Netflix fyrir ærumeiðingar vegna heimildarþátta sem þau gerðu um America‘s Next Top Model. Þættirnir voru frumsýndir fyrr á árinu og vöktu mikla athygli. Í málsókn sinni segir Tyra að framleiðendur hafi klippt margra klukkustunda viðtal við hana niður í nokkra stutta búta til að búa til „falska frásögn“.

Bíó og sjónvarp

Fréttir í tímaröð

Fréttamynd

Ekki talað við Franco lengi og vill ekki vinna með honum aftur

Leikarinn Seth Rogen segist ekki hafa talað við sinn gamla vin, James Franco, í áraraðir og hann hafi ekki í hyggju að vinna með honum frekar. Þeir hófu ferilinn saman í sjónvarpsþáttunum Freaks and Geeks og unnu náið saman við fjölda mynda. Í MeToo-bylgjunni stigu fram fimm konur og sökuðu Franco um kynferðislega áreitni sem gerði út af við feril hans í Hollywood og greinilega einhver vinasambönd.

Bíó og sjónvarp
Fréttamynd

Þórður leik­stýrir kvik­myndaút­gáfu Dead by Daylight

Leikstjórinn Þórður Pálsson hefur verið fenginn til liðs við teymi sem vinnur nú að kvikmynd sem byggð er á hrollvekju- og spennuleiknum Dead by Daylight. Hann vakti víða athygli fyrir hrollvekjuna „Hin fordæmdu“ (á ensku The Damned) sem var frumsýnd í janúar 2025. Hann hefur einnig skapað og leikstýrt fyrstu íslensku Netflix Original þáttaröðinni „Brot“ (á ensku The Valhalla Murders) sem var frumsýnd á streymisveitunni árið 2020.

Bíó og sjónvarp
Fréttamynd

Youtube-leikstjórar kaf­færðu Stjörnu­stríði

Nýafstaðin bíóhelgi vestanhafs var söguleg. Hryllingsmyndirnar Backrooms og Obsession sem eru báðar eftir unga leikstjóra sem byrjuðu ferilinn á Youtube höfðu betur gegn stórmyndinni Mandalorian og Grogu. Stjörnustríð virðist vera að missa tak sitt á menningunni því aðsókn á Mandalorian og Grogu dróst saman um sjötíu prósent milli helga.

Bíó og sjónvarp
Fréttamynd

Stjörnustríðs-leynivopnið Marcia Lucas látin

Marcia Lucas, sem hlaut Óskarsverðlaun fyrir klippingu á einni af Stjörnustríðsmyndunum í leikstjórn fyrrverandi eiginmanns síns, George Lucas, lést á miðvikudaginn, þann 27. maí, í Rancho Mirage í Kaliforníu. Hún var áttatíu ára þegar hún lést og hefur bandaríski miðillinn Variety eftir lögmanni fjölskyldunnar sem staðfesti að hún hefði látist úr krabbameini.

Bíó og sjónvarp
Fréttamynd

Ástin sem eftir er sigursælust á Eddunni

Ástin sem eftir er hlaut sjö verðlaun á Eddunni í kvöld en hún var valin kvikmynd árins, þrír leikarar hennar voru verðlaunaðir auk þess sem Hlynur Pálmason hlaut verðlaun fyrir leikstjórn, handrit og kvikmyndatöku. Sjónvarpsþáttaröðin Vigdís hlaut sex verðlaun sem og hamfaramyndin Eldarnir. Miðaldaþættirnir King and Conqueror sem hlutu ellefu tilnefningar fengu engin verðlaun.

Bíó og sjónvarp
Fréttamynd

„Þetta er búið að vera eins og ein­hver brandari“

Jóhannes Haukur Jóhannesson leikari segist ekki hafa átt von á því að hreppa hlutverkið í Hollywood mynd um He-Man þegar hann tók þátt í prufu fyrir hlutverkið. Hann segist alla tíð hafa verið mikill aðdáandi ævintýraheimsins og sjálfur átt He-Man leikföng þegar hann var lítill. Hann er farinn að eiga marga aðdáendur vestanhafs, meðal annars suma sem fara yfir strikið í skilaboðasendingum.

Bíó og sjónvarp
Fréttamynd

Rick og Morty á stóra skjáinn

Teiknimyndaþættirnir Rick and Morty um geðvonda og brjálaða uppfinningamanninn Rick og taugaóstyrka afabarnið Morty eru á leið á stóra skjáinn. Framleiðsla kvikmyndar um félagana er í frumstigum. Þættirnir hófu göngu sína 2013 og fer níunda þáttaröðin í loftið um helgina.

Bíó og sjónvarp
Fréttamynd

Ní­tján ára þegar Óskarsverðlaunahafi sýndi henni punginn

Leikkonan Hayden Panettiere segir „mikilsvirtan“ Óskarsverðlaunahafa, sem er bæði leikari og leikstjóri, hafa berað sig fyrir framan hana og sýnt henni pung sinn þegar hún var nítján ára. Panettiere gaf nýverið út ævisögu sína þar sem hún gerir upp feril sinn í Hollywood og hafa safaríkustu kaflarnir ratað í fjölmiðla.

Bíó og sjónvarp
Fréttamynd

Dóra og Glassriver náðu sam­komu­lagi

Dóra Jóhannsdóttir hefur náð samkomulagi við framleiðslufyrirtækið Glassriver vegna sjónvarpsseríunnar Húsó, sem var skrifuð af henni og byggði á hennar eigin reynslu. Dóra hefur barist fyrir því síðustu þrjú ár að höfundaréttur hennar og réttur til nafngreiningar í þáttunum yrði virtur. Greiðsla hafi farið fram en lítið standi eftir sökum lögfræðikostnaðar.

Bíó og sjónvarp
Fréttamynd

Stefnir Cameron fyrir að stela and­liti hennar

Leikkonan Q’orianka Kilcher hefur stefnt leikstjóranum James Cameron og Walt Disney-samsteypunni fyrir að hafa tekið andlitsdrætti hennar í leyfisleysi til að skapa útlit Neytiri í Avatar-myndunum. Cameron hefur sjálfur lýst því yfir að Kilcher sé innblásturinn að Neytiri.

Bíó og sjónvarp
Fréttamynd

Stór­mynd Sádanna stefnir í stærsta flopp sögunnar

Eyðimerkurepíkin Desert Warrior átti að vera fyrsti liðurinn í menningarátaki Sádi-Arabíu og stórmynd sem gæti keppt við það besta í Hollywood en stefnir í að verða eitt stærsta flopp sögunnar. Framleiðsla myndarinnar kostaði 150 milljónir Bandaríkjadala en eftir fyrstu vikuna er aðeins hálf milljón komin í kassann.

Bíó og sjónvarp
Fréttamynd

Bestu kvik­myndir 21. aldarinnar

Fyrsti fjórðungur 21. aldarinnar er liðinn og af því tilefni ákváðu tveir íslenskir háskólaprófessorar að taka saman lista yfir 25 bestu kvikmyndir tímabilsins. Þeir leituðu til 149 íslenskra álitsgjafa og úr varð forvitnilegur listi með afgerandi sigurvegara og miklum kynjahalla.

Bíó og sjónvarp
Fréttamynd

Patrick Muldoon er látinn

Bandaríski leikarinn og framleiðandinn Patrick Muldoon lést sviplega á sunnudaginn, 57 ára að aldri, eftir að hafa fengið hjartaáfall. Muldoon er þekktastur fyrir leik sinn í sápuóperunum Days of Our Lives og Melrose Place og költklassíkinni Starship Troopers.

Bíó og sjónvarp
Fréttamynd

Endurlífguðu Kilmer með gervi­greind fyrir fornleifamynd

Val Kilmer hefur verið endurlífgaður með hjálp gervigreindar fyrir kvikmyndina As Deep as the Grave. Kilmer réði sig í hlutverk prestsins Fintan í myndinni en gat ekki klárað verkið vegna veikinda og lést svo í apríl 2025 úr hálskrabbameini. Í samráði við dóttur leikarans og dánarbú hans notuðu framleiðendurnir gervigreind til að endurskapa hann.

Bíó og sjónvarp
Fréttamynd

„Þetta pólýsamband er orðið að mormónahjónabandi“

Grínþættirnir 20 og eitthvað verða frumsýndir á Rúv í kvöld en þeir hafa verið fjögur ár í bígerð. Æskuvinirnir Óli Gunnar og Arnór ákváðu, eftir áralangt samstarf, að opna sambandið og bæta Vigdísi Hafliðadóttur í hópinn. Umfjöllunarefni þáttanna er þrítugsaldurinn, þetta mikla óvissutímabil þar sem fólk er að komast á fullorðinsaldur.

Bíó og sjónvarp
Fréttamynd

Cruise tekur á loft í þriðja sinn

Herþotuflugmaðurinn Pete „Maverick“ Mitchell tekur á loft á ný því kvikmyndastúdíóið Paramount hefur tilkynnt að Hollywood-stjarnan Tom Cruise verði með í hasarmyndinni Top Gun 3 sem er komin í framleiðslu.

Bíó og sjónvarp
Fréttamynd

Gaylord Focker deyr ekki drottni sínum

Gaylord Focker kom áhorfendum fyrst fyrir sjónir um aldamótin í Meet the Parents. Síðan hafa bæst við tvær framhaldsmyndir um Focker-fjölskylduna og nú er sú fjórða á leiðinni, Focker-in-Law. Stórstjarnan Ariana Grande bætist þar í hópinn líkt og sjá má í glænýrri stiklu.

Bíó og sjónvarp
Fréttamynd

Joy Harmon er látin

Joy Harmon, sem verður eilíflega þekkt fyrir litla rullu sína í klassíkinni Cool Hand Luke með Paul Newman, er látin 87 ára að aldri. Harmon lék í tugum sjónvarpsþáttasería og þó nokkrum kvikmyndum á tæplega tuttugu ára leiklistarferli, starfaði svo hjá Disney Studios og rak bakarí.

Bíó og sjónvarp
Fréttamynd

Tæp­lega helmingur til­nefndra leikara til Eddunnar er­lendur

Tilnefningar til Eddunnar í ár hafa verið tilkynntar en kvikmyndin Ástin sem eftir er hlaut flestar tilnefningar eða þrettán talsins. Hamfaramyndin Eldarnir hlaut tólf tilnefningar og sjónvarpsþáttaseríurnar Felix & Klara og King and Conqueror fengu ellefu tilnefningar hvor. Athygli vekur hve margir erlendir leikarar eru tilnefndir, eða tíu af 23 sem eru tilnefndir.

Bíó og sjónvarp