Erlent

Sjónvarpsstöð falsaði myndskeið af Jackson

Myndskeið, sem fór eins og eldur í sinu um Netið í júlí og virtist sýna Michael Jackson heitinn stíga sprelllifandi út úr bíl dánardómstjóra, var að sjálfsögðu gabb en nú hefur þýska sjónvarpsstöðin RTL viðurkennt að hafa útbúið myndskeiðið og sett það á Netið.

Erlent

Stefnir Tinna fyrir kynþáttafordóma

Þeir eru ófáir sem styttu sér stundir í æsku yfir teiknimyndasögunum um Tinna sem belgíski teiknarinn Georges Prosper Remi, betur þekktur undir höfundarnafninu Hergé, gerði ódauðlegan ásamt drykkfellda skipstjóranum Kolbeini, prófessor Vandráði og fleiri góðum mönnum.

Erlent

Ný von í baráttu við skógarelda

Örlítið tók að kólna í veðri í Kaliforníu í gærkvöldi og gefur það slökkviliði og íbúum Los Angeles von um að draga muni úr útbreiðslu skógarelda sem nú hafa brennt tæpa 500 ferkílómetra skóglendis og ógna þúsundum heimila.

Erlent

Milljónir gátu ekki opnað Gmail

Margar milljónir notenda tölvupóstforritsins Gmail, sem er ókeypis þjónusta á vegum Google, urðu fyrir óþægindum í gærkvöldi þegar pósturinn var óaðgengilegur í tæpar tvær klukkustundir.

Erlent

Saksóknari vill grafa upp lík

Saksóknari í New York hyggst fara fram á það við yfirvöld að þau láti grafa upp lík konu sem varð átta manns að bana þegar hún ók gegn akstursstefnu og framan á aðra bifreið í lok júlí, til þess að rannsaka hvort hún hafi verið undir áhrifum áfengis og marijúana þegar slysið varð.

Erlent

Bílsprengja sprakk í Aþenu

Bílsprengja sprakk við kauphöllina í Aþenu, höfuðborg Grikklands, í morgun og skemmdi átta bíla auk þess sem töluvert tjón varð á kauphöllinni. Kona slasaðist lítillega í sprengingunni en dagblaði í borginni hafði borist aðvörun skömmu áður en sprengjan sprakk.

Erlent

Fjöldi ára hefur farið í súginn

Alþjóðlegt uppbyggingarstarf í Afganistan hefur að mörgu leyti verið unnið fyrir gýg árum saman vegna þess að samhæfingu hefur skort. Þetta segir Kai Eide, yfirmaður Sameinuðu þjóðanna í Afganistan, sem heldur því fram að ríkin sem standa að uppbyggingarstarfi í Afganistan verði að átta sig á því að samhæfa verði starfið og setja þeim heildstæð markmið.

Erlent

Sextíu þúsund milljarðar á ári

Auðugustu ríki heims þyrftu að afhenda fátækari hluta heimsins sextíu þúsund milljarða króna árlega til þess að fátæku ríkin gætu brugðist við loftslagsbreytingum.

Erlent

Á topp hæsta húss Malasíu

Alain Robert, sem hefur verið uppnefndur Köngulóarmaðurinn, var handtekinn í Malasíu í gær eftur að hann hafði klifrað upp annan tvíburaturnanna í höfuðborginni Kúala Lúmpúr.

Erlent

Sjötíu ár frá stríðsbyrjun

Leiðtogar Evrópuríkja gátu ekki alveg gleymt deilumálum sínum þegar þeir komu saman í Póllandi til að minnast upphafs seinni heimsstyrjaldarinnar.

Erlent

Meðlimur Mansonfjölskyldunnar vill reynslulausn

Susan Atkins sem tilheyrði Mansonfjölskyldunni illræmdu kemur fyrir náðunar- og skilorðsnefnd á morgun. Susan var ásamt fjórum öðrum sakfelld í október árið 1969 fyrir hrottaleg morð en þá var hún 21 árs.

Erlent

Slökkviliðsmenn binda vonir við lægra hitastig

Slökkviliðsmenn sem berjast við skógareldanna sem breiðst hafa stjórnlaust um stórt svæði norður af Los Angelesborg í Kaliforníuríki binda miklar vonir við að kaldara hitastig og aukinn raki muni hægja verulega á eldunum á morgun og á fimmtudag. Þrátt fyrir að vel á þriðja þúsund slökkviliðsmenn taki þátt í baráttunni við eldanna hefur þeim aðeins tekist að slökkva í litlum hluta þess svæðis sem logar.

Erlent

Fimm börnum bjargað úr klóm barnaníðinga

Lögreglan á Bretlandi hefur bjargað fimm börnum úr klóm barnaníðinga víðsvegar um landið en mennirnir höfðu sent níðingsverkin sem þeir frömdu á börnunum út á internetinu. Um er að ræða drengi og stúlkur á aldrinum sjö til þrettán ára og fundust þrjú þeirra í Skotlandi og tvö í Englandi. Nokkrir hafa að sögn lögreglu verið handteknir grunaðir um aðild sína að málunum og bíða nú ákæru.

Erlent

Fundu bein í bakgarðinum hjá Garrido

Lögreglan hefur fundið bein í bakgarði Philip Garrido sem handtekinn var í síðustu viku ásamt eiginkonu sinni eftir að Jaycee Lee Dugard sem hvarf árið 1991 fannst í bakgarði þeirra. Frá handtökunni hefur lögregla leitað í hverjum krók og kima á landareign þeirra hjóna en grunur leikur á að Garrido tengist nokkrum morðum á vændiskonum og brotthvörfum þriggja annarra ungra stúlkna á tíunda áratugnum.

Erlent

Kínverskir tölvuþrjótar sækja að eldri konum

Óprúttnum aðilum, sem stunda hvers kyns tölvuglæpi, hefur vaxið mjög fiskur um hrygg í Kína og vinna skipulögð gengi nú að því að brjótast inn í tölvur fólks og freista þess að nálgast þar viðkvæmar bankaupplýsingar auk hvers kyns persónuupplýsinga sem hægt er að nýta til að komast yfir skjót- og illa fenginn gróða.

Erlent

Merkel segist enn vongóð

Angela Merkel, kanslari Þýskalands, segist enn gera sér vonir um að mynda hægristjórn með Frjálslyndum demókrötum eftir þingkosningar, sem haldnar verða 27. september.

Erlent

Hlýnun jarðar rædd

Um 1.500 vísindamenn, embættismenn og stjórnmálamenn taka þátt í loftslagsráðstefnu á vegum Sameinuðu þjóðanna, sem haldin er í Genf nú í vikunni.

Erlent

Flóttafærin látin ónotuð

Jaycee Lee Dugard tók virkan þátt í prentþjónustufyrirtæki Garrido-hjónanna. Sérfræðingar segja ýmsar skýringar á því að hún lét ógert að flýja.

Erlent

Skógareldarnir ógna 12 þúsund heimilum

Skógareldar breiðast nú stjórnlaust um stórt svæði norður af Los Angelesborg í Kaliforníuríki. Ríflega 180 ferkílómetra skóg- og ræktarland hafa orðið eldunum að bráð. Talið er að þeir ógni um 12 þúsund heimilum í jaðri borgarinnar og hafa mörg þúsund íbúar verið fluttir frá heimilum sínum.

Erlent

Meira enn helmingur Afríkumanna beittir líkamlegu ofbeldi

Ráðist hefur verið á rúmlega 60% Afríkumanna sem búsettir er í Moskvu, höfuðborg Rússlands, og þeir beittir líkamlega ofbeldu vegna litarháttar og uppruna þeirra. Í mörgum tilvikum er um afar grófar árásir að ræða. Þetta kemur fram í nýrri rannsókn sem greint er frá á vef breska ríkisútvarpsins.

Erlent

Breskir hermenn féllu í Afganistan

Tveir breskir hermenn féllu í sprengjuárás í Helmand-héraði í suð-vestur Afganistan í kvöld. Nú hafa 210 breskir hermenn fallið í landinu frá því Bretar hófu afskipti af málum þar árið 2001, þar af á annan tug í ágústmánuði. Talíbanar eru sagðir bera ábyrgð á ódæðunum.

Erlent

Telur sig hafa persónutöfra

Ég hef víst persónutöfra sagði Ban Ki-moon, framkvæmdastjóri Sameinuðu þjóðanna, í heimsókn sinni til Noregs í dag. Fastafulltrúi Norðmanna hjá Sameinuðu þjóðunum hafði áður gagnrýnt stjórnunarstíl framkvæmdastjórans harðlega og sagt hann gjörsneiddan persónutörfum.

Erlent

Eyru og nef skorin af Afgana þegar hann ætlaði að kjósa

Eyru og nef voru skorin af átta barna föður í fjallahéruðum Afganistans þegar hann reyndi að kjósa í forsetakosningunum í landinu fyrr í mánuðinum. Hann kennir Talíbönum um. Bandarískur hershöfðingi segir að endurskoða þurfi baráttuna gegn þeim eigin hún að hafa áhrif. Við vörum við myndunum sem fylgja sjónvarpshluta þessarar fréttar.

Erlent

Grunur um svínaflensudauðsfall í Svíþjóð

Grunur leikur á að sænskur karlmaður á fertugsaldri hafi látist af vödlum svínaflensu. Endanlegrar niðurstöðu rannsókna er að vænta á morgun. Verði það staðfest yrði það fyrsta dauðsfall af völdum flensunnar á Norðurlöndunum.

Erlent

Mest lesið