Jón Daði og Emil koma aftur inn og Kolbeinn er með en annars fáar breytingar

Erik Hamrén, þjálfari íslenska karlalandsliðsins í fótbolta, hefur valið 25 manna hóp fyrir mjög mikilvæga leiki á móti Albaníu og Tyrklandi í undankeppni EM 2020.

Erik Hamrén og aðstoðarmaður hans, Freyr Alexandersson, héldu blaðamannafund í dag þar sem þeir fóru yfir valið sitt í þennan hóp.

Hópurinn er stærri en vanalega vegna þess að það eru einhverjir leikmenn tæpir fyrir þetta verkefni.

Hamrén og Freyr gera fáar breytingar á hópnum síðan í mars þegar íslenska liðið spilaði tvo fyrstu leiki sína í undankeppninni á móti Andorra og Frakklandi. Íslenska liðið fékk 3 stig út úr þessum tveimur leikjum en steinlá 4-0 fyrir Frakklandi í seinni leiknum.

Jón Daði Böðvarsson og Emil Hallfreðsson koma aftur inn í hópinn eftir meiðsli og þá velja landsliðsþjálfarnir einnig Kolbeinn Sigþórsson sem er farinn að spila með AIK í Svíþjóð. Viðar Örn Kjartansson heldur einnig sæti sínu í hópnum.  Erik Hamrén mætti á æfingu hjá Kolbeini og segir að hann sé leikfær.

Báðir þessir leikir fram undan fara fram á Laugardalsvellinum, sá fyrri gegn Albaníu 8. júní og sá síðari gegn Tyrklandi 11. júní.

Hópurinn fyrir leikina gegn Albaníu og Tyrklandi í undankeppni EM 2020.

Our squad for the two @EuroQualifiers matches against Albania and Turkey in June.#fyririslandpic.twitter.com/1tzDLLLYBn

— Knattspyrnusambandið (@footballiceland) May 31, 2019

Íslenski landsliðshópurinn á móti Albaníu og Tyrklandi:

Markverðir

Hannes Halldórsson, Val

Rúnar Alex Rúnarsson, Dijon

Ögmundur Kristinsson, Larissa

Varnarmenn

Ari Freyr Skúlason, Lokeren

Hörður Björgvin Magnússon, CSKA Moskva

Jón Guðni Fjóluson, Krasnodar

Ragnar Sigurðsson, Rostov

Kári Árnason, Genclerbirligi

Sverrir Ingi Ingason, PAOK

Hjörtur Hermannsson, Bröndby

Birkir Már Sævarsson, Valur

Miðjumenn

Arnór Ingvi Traustason, Malmö

Emil Hallfreðsson, Udinese

Aron Einar Gunnarsson, Cardiff

Guðlaugur Victor Pálsson, Darmstadt

Birkir Bjarnason, Aston Villa

Rúnar Már Sigurjónsson, Grasshopper

Jóhann Berg Guðmundsson, Burnley

Rúrik Gíslason, Sandhausen

Sóknarmenn

Arnór Sigurðsson, CSKA Moskva

Albert Guðmundsson, AZ Alkmaar

Viðar Örn Kjartansson, Hammarby

Jón Daði Böðvarsson, Reading

Gylfi Sigurðsson, Everton

Kolbeinn Sigþórsson, AIK