RÚV tapaði 85 milljónum

Tap Ríkisútvarpsins á rekstrarárinu 1. september árið 2011 til 31. ágúst 2012 nam 85 milljónum króna. Samkvæmt efnahagsreikningi er bókfært fé félagsins um 651 milljón krónur en eiginfjárhlutfall félagsins nemur 11.7 prósentum. Eignir Ríkisútvarpsins nema 5.6 milljörðum króna.

Gott nef mikilvægt í bókaútgáfu

JPV feðgarnir eru menn ársins í atvinnulífinu að mati Frjálsrar Verslunar.

Baltasar og Leifur eru stærstu hluthafar í Truenorth

Töluverðar breytingar urðu á hluthafahópi kvikmyndaframleiðslufyrirtækisins Truenorth í janúar á þessu ári. Með breytingunni urðu Leifur B. Dagfinnsson og Baltasar Kormákur Baltasarsson stærstu eigendur fyrirtækisins, en þeir eiga 32% hlut hvor eða samtals 64%. Fjórir lykilstarfsmenn hjá fyrirtækinu eiga svo hin 36%. Það eru þau Helga Margrét Reykdal, Finnur Jóhannsson, Rafnar Hermannsson og Þór Kjartansson.

Hátt reitt til höggs

"Það er alveg ljóst að það var hátt reitt til höggs,“ segir Þórður Bogason, verjandi Guðmundar Hjaltasonar í Vafningsmálinu. Guðmundur og Lárus Welding, forstjóri Glitnis, fengu í dag níu mánaða fangelsisdóm, þar af sex mánuði skilorðsbundna. Guðmundur Hjaltason var ekki viðstaddur dómsuppsögu. Það var hins vegar Lárus Welding en hvorki hann né Óttar Pálsson, verjandi hans, vildu tjá sig um dómsuppsöguna. Þórður Bogason segir að niðurstaðan sýni að sérstakur saksóknari þurfi að fara í naflaskoðun á því hvernig hann vinnur hlutina.

Lárus Welding og Guðmundur Hjaltason sakfelldir

Lárus Welding, fyrrverandi forstjóri Glitnis, og Guðmundur Hjaltason, fyrrverandi framkvæmdastjóri fyrirtækjasviðs Glitnis, voru báðir dæmdir í níu mánaða fangelsi fyrir stórfelld umboðssvik í Heraðsdómi Reykjavíkur í dag.

Björgólfur fékk Viðskiptaverðlaun Viðskiptablaðsins

Björgólfur Jóhannsson, forstjóri Icelandair Group, hlýtur Viðskiptaverðlaun Viðskiptablaðsins árið 2012. Björgólfur Jóhansson veitti verðlaununum viðtöku við hátíðlega athöfn á Grillinu á Hótel Sögu nú í hádeginu.

Feðgarnir í forlaginu menn ársins að mati Frjálsrar verslunar

Feðgarnir í Forlaginu, Jóhann Páll Valdimarsson og Egill Örn Jóhannsson, eru menn ársins í atvinnulífinu á Íslandi árið 2012, að mati Frjálsrar verslunar. Þeir eru útgefendur í annan og þriðja ættlið og þekkja útgáfusögu Íslands betur en flestir aðrir.

Kvikmyndaárið mikla 2012 gert upp

Kvikmyndafyrirtækið True North þjónustaði fjögur stór, erlend upptökuverkefni hér á landi á árinu. Markaðurinn ræddi við Leif B. Dagfinnsson framleiðanda um metárið og möguleikana í erlendri kvikmyndagerð á Íslandi.

Samherji seldi á hærra verði

Útflutningsverð Samherja á botnfiski er að jafnaði hærra en samkeppnisaðila í greininni. Þetta sýna niðurstöður IFS greiningar sem greindi allan fiskútflutning Íslendinga á árunum 2007-2012 að beiðni Samherja. Tilefni greiningarinnar var það að í mars síðastliðnum fékk Seðlabanki Íslands húsleitarheimild hjá Samherja sem byggja á útreikningum á útflutningsverði karfa.

Mest lesnu innlendu viðskiptafréttir ársins 2012

Vísir var með fjölbreytta umfjöllun um viðskipti á árinu. Þetta voru jafn ólíkar fréttir og þær voru margar. Sumar hverjar í léttum dúr, eins og frétt af fyrirhugaðri opnun H&M og líka grafalvarlegar fréttir af nauðasamningum, en ekki sér enn fyrir endann á því ferli.

Bestu Viðskipti ársins

Kaup bandaríska líftækni- og lyfjafyrirtækisins Amgen á öllu hlutafé móðurfélags Íslenskrar erfðagreiningar fyrir 415 milljónir dala, um 52 milljarða króna, eru viðskipti ársins.

Björgólfur er viðskiptamaður ársins

Dómnefnd Markaðarins valdi Björgólf Jóhannsson, forstjóra Icelandair Group, viðskiptamann ársins 2012. Árið var enda viðburðaríkt hjá félaginu. Það opnaði hótel við höfnina í Reykjavík og stækkaði hótel sitt á Akureyri. Hryggjarstykki félagsins, Icelandair, jók verulega sætaframboð og hefur flutt tvær milljónir farþega á árinu sem er met. Þá gekk félagið frá kaupum á tólf flugvélum frá Boeing í nóvember.

Segir tryggingagjaldið ekki lækka nóg

Samtök atvinnulífsins gagnrýna þá ákvörðun fjármálaráðherra að lækka tryggingagjaldið um einungis 0,1%.

Fjárhagslegri endurskipulagningu lokið

Sveitarfélögin Álftanes og Garðabær munu sameinast um áramótin undir heiti Garðabæjar.

Dómurinn kveðinn upp í Vafningsmálinu á morgun

Dómur verður kveðinn upp í Vafningsmálinu svokallað á morgun, 28. desember. Ákærðir í málinu eru Guðmundur Hjaltason, fyrrverandi framkvæmdastjóri fyrirtækjasviðs Glitnis, og Lárus Welding, fyrrverandi forstjóri Glitnis. Þeir eru sakaðir um umboðssvik, í tengslum við 10 milljarða peningamarkaðslán til Milestone hinn 8. febrúar 2008.

Hagnaður kvikmyndafyrirtækisins Truenorth 44 milljónir króna

Hagnaður kvikmyndafyrirtækisins True North nam 44,2 millljónum króna á síðasta ári. Þetta kemur fram í ársreikningi fyrirtækisins sem skilað var til ársreikningaskrár rétt fyrir síðustu mánaðamót. Fyrirtækið sérhæfir sig í kvikmyndaframleiðslu og hefur meðal annars þjónustað alla helstu Hollywoodframleiðendur sem hafa komið hingað til lands að undanförnu.

Lönduðu fiski fyrir hálfan milljarð króna

Það var heldur betur handagangur í öskjunni hjá Þorbirni hf. í Grindavík rétt fyrir jólin þegar þrír frystitogarar fyrirtækisins lönduðu allir á svipuðum tíma.

Gengi krónunnar í algjöru lágmarki

Gengi krónunnar hefur verið að lækka umtalsvert seinustu misseri og allt útlit er fyrir að hún verði lægri þegar markaðir loka í dag, en hún hefur verið á árinu. Jafnframt hefur mikil sveifla verið á genginu í ár og er t.d. um 14% munur á hæsta og lægsta gengi evru á móti krónu árið 2012.

Myndbandaleiga skuldaði hátt í milljarð

Bónusvídeó í Lágmúla hefur verið tekið til gjaldþrotaskipta samkvæmt tilkynningu sem finna má í Lögbirtingablaðinu.

Segir tekjur af gistináttaskatti ekki ofmetnar

Katrín Júlíusdóttir, fjármálaráðherra, vísar því á bug að ríkið sé ofmeta tekjur af hækkun virðisaukaskatts á hótel og gistirými.

Óásættanleg framtalsskil

Aðeins tíu prósent lögaðila skiluðu skattframtali áður en frestur rann út. Flestir skiluðu skattframtölum fjórum til fimm mánuðum of seint

Krónan veikst nokkuð undanfarið ár

Íslenska krónan hefur veikst frá á sama tíma í fyrra gagnvart vel flestum myntum, sé mið tekið af opinberu gengi íslensku krónunnar á vef Seðlabanka Íslands. Samkvæmt opinberu gengi krónunnar 24. desember 2011 var mögulegt að fá 121,6 krónur fyrir hvern Bandaríkjadal, en nú ári síðar er hægt að fá tæplega 127 krónur fyrir hvern dal. Svipaða sögu er að segja af evrunni. Í fyrra var hægt að fá rúmlega 159 krónur fyrir hverja evru nú ári síðar ríflega 166 krónur. Krónan hefur því veikst nokkuð gagnvart þessum tveimur helstu viðskiptamyntum heimsins, sé horft yfir liðið ár.

Hannes Smárason var ráðgjafi við sölu á Íslenskri erfðagreiningu

Hannes Smárason athafnamaður var ráðgjafi við sölu á Íslenskri erfðagreiningu til bandaríska fyrirtækisins Amgen fyrir 52 milljarða króna. Kári Stefánsson segir að ráðgjöf Hannesar hafi ekki skipt öllu máli um hvort fyrirtækið yrði selt en segir hann hafa veitt aðstoð í tengslum við fjármál.

Íslandsbanki gerir vef sinn aðgengilegri fyrir nýja tækni

Íslandsbanki hefur breytt vef sínum á þann veg að hann er nú orðinn aðgengilegri fyrir snjallsíma og spjaldtölvur, en bankastarfsemi hefur í vaxandi mæli verið að færast á þessu vinsælu tæki.

Kaupmáttur launa minnkaði í nóvember

Vísitala kaupmáttar launa í nóvember er 111,7 stig og lækkaði um 0,1% frá fyrri mánuði. Síðustu tólf mánuði hefur vísitala kaupmáttar launa hækkað um 0,4%.

Verðbólgan minnkar niður í 4,2%

Ársverðbólgan mældist 4,2% í desember og minnkar því um 0,3%. Þetta er þvert á spár sérfræðinga sem gerðu ráð fyrir óbreyttri verðbólgu frá fyrri mánuði eða að hún myndi aukast lítilsháttar.

Ólafur Jóhannesson selur hugmynd í Hollywood

Bandaríski kvikmyndaframleiðandinn Summit Entertainment hefur keypt hugmynd að vísindaskáldsögumynd af leikstjóranum Ólafi Jóhannessyni.

Landsframleiðsla á Íslandi 11% yfir meðaltali ESB ríkjanna

Landsframleiðsla á mann á Íslandi, leiðrétt fyrir kaupmætti í hverju landi fyrir sig, var 11% yfir meðaltali Evrópusambands ríkjanna á síðasta ári samkvæmt tölum sem hagstofa Evrópusambandsins, Eurostat, hefur birt.

Íbúar Garðabæjar og Álftanes skulda 700.000 á mann

Skuldir á hvern íbúa hins sameinaða sveitarfélags Garðabæjar og Álftanes munu nema rúmlega 700.000 krónum á næsta ári.

Reginn festir kaup á Ofanleiti 2

Reginn hf. hefur fest kaup á fasteigninni að Ofanleiti 2 af félaginu SVÍV. Félagið er sjálfseignastofnun Viðskiptaráðs Íslands um viðskiptamenntun.

FME: Sigurður var ekki hættur í stjórn Stapa

Að gefnu tilefni vill Fjármálaeftirlitið (FME) taka fram að stjórnarmaður í lífeyrissjóði sem eftirlitið vék nýlega frá störfum, var ekki hættur sem stjórnarmaður.

Miðborgin er ekki lengur dýrust

Leiguverð er orðið hærra í Reykjavík milli Kringlumýrarbrautar og Reykjanesbrautar en í miðborginni og Vesturbænum. Leiguverð á höfuðborgarsvæðinu hefur hækkað um að meðaltali 7,6 prósent á síðustu tólf mánuðum.

Vill bíða með nauðasamninga

Nefnd fulltrúa allra þingflokka um afnám gjaldeyrishafta hefur áhyggjur af fyrirhuguðum nauðasamningum Glitnis og Kaupþings og telur óráðlegt að samþykkja þá fyrr en heildræn stefna um afnám hafta og samningsafstaða liggur fyrir. Þetta kemur fram í bréfi sem nefndin sendi formönnum allra stjórnmálaflokka í gær. Fréttablaðið hefur bréfið undir höndum.

Milljarða tugir í hagnað

Afkoma í sjávarútvegi var afburðagóð á árinu 2011, samkvæmt samantekt Hagstofunnar. Framlegð sjávarútvegsins nam rétt tæpum 80 milljörðum króna á árinu 2011 fyrir afskriftir, fjármagnsliði og skatta (EBITDA) auk greiðslu á 3,7 milljörðum króna í veiðigjald.

Útlit fyrir tap Íslandspósts þrátt fyrir einkaleyfi

Taprekstur vegna minnkandi póstmagns kallar á að dregið verði úr kostnaði Íslandspósts vegna alþjónustu.

Rekja óánægju kúnna Dróma til aðgerðarleysis Arion banka

Hluti óánægju viðskiptavina Dróma má rekja til aðgerða og aðgerðarleysis Arion banka en lánasafn Dróma er þjónustað af bankanum. Þetta kemur fram í skýrslu úttektarnefndar um aðgerðir vegna banka- og gjaldeyrishrunsins.

Veltu milljarði út af góðu veðri

Velta Kjörís í Hveragerði fór í fyrsta sinn yfir einn milljarð króna í veltu á einu starfsári samkvæmt frétt sem birtist á vef Sunnlenska.is í dag. Þetta gerðist þann 21. nóvember síðastliðinn.

Álögur á bensín og bjór verða ekki hækkaðar

Fallið hefur verið frá hækkunum á opinberum gjöldum á bensíni, olíu, bjór, léttvíni og útvarpssgjaldi og bifreiðargjöldum, sem gert var ráð fyrir í fjárlagafrumvarpinu fyrir næsta ár. Helgi Hjörvar, formaður efnahags- og viðskiptanefndar, greindi frá þessu í umræðum um frumvarpið í dag.

Mun betri afkoma í sjávarútvegi en reiknað var með

EBITDA framlegð sjávarútvegsins (hagnaður fyrir fjármagnsliði og afskriftir) nam rétt tæpum 80 milljörðum króna á árinu 2011, eftir greiðslu á 3,7 mö.kr. í veiðigjald, en nam tæpum 64 mö.kr. árið 2010, eftir greiðslu á 2,3 mö.kr. í veiðigjald. Þetta kemur fram í tilkynningu frá atvinnuvega- og nýsköpunarráðuneytinu, og er vitnað til talna frá Hagstofu Íslands sem komu í morgun.

Saksóknari verst frétta af tilkynningum RNA

Mörg þeirra mála sem rannsóknarnefnd Alþingis (RNA) tilkynnti til embættis sérstaks saksóknara þegar hún skilaði skýrslu sinni á vormánuðum 2010, eru enn til rannsóknar hjá embættinu. Ólafur Þór Hauksson saksóknari verst frétta af gangi rannsóknanna, en segir mörg mál vera langt komin í rannsókn.

Leiguverð hækkaði í nóvember

Leiguverð hækkaði um 0,6% í nóvembermánuði samkvæmt mælingum Þjóðskrár Íslands sem birtir mánaðarlega vísitölu leiguverðs á höfuðborgarsvæðinu. Leiguverð hefur samkvæmt þessu hækkað um tæp 8% undafarna 12 mánuði.

Hagnaður fyrirtækja í sjávarútvegi eykst milli ára

Hagnaður sjávarútvegsfyrirtækja fyrir afskriftir, fjármagnskostnað og tekjuskatt sem hlutfall af heildartekjum jókst milli áranna 2010 og 2011.

Mannvit fær styrk til jarðvarmaverks í Ungverjalandi

Jarðvarmaverkefni sem Mannvit í Ungverjalandi hefur þróað í samstarfi við þarlenda aðila er meðal 23 grænna evrópskra orkuverkefna sem hlutu styrk samkvæmt NER300 áætlun framkvæmdastjórnar Evrópusambandsins.

Dráttarvextir verða óbreyttir

Dráttarvextir verða óbreyttir í 13% fyrir janúarmánuð. Þetta kemur fram í tilkynningu á vefsíðu Seðlabankans. Vextir verðtryggðra útlána haldast einnig óbreyttir í 3,75%. Hinsvegar hækka vextir óverðtryggðra útlána í 6,75% og vextir af skaðabótakröfum hækka í 4,5%.

Gjaldeyrisútboð Seðlabankans þykir velheppnað

Gjaldeyrisútboð Seðlabankans í vikunni þykir vel heppnað því þar náðist einn minnsti munur á aflandsgengi krónunnar og því gengi, sem bankinn skráir opinberlega.