Aflaverðmætið jókst um 7,2% milli ára

Aflaverðmæti íslenskra skipa nam 122,8 milljörðum króna á fyrstu níu mánuðum ársins 2012 samanborið við 114,5 milljarða á sama tímabili 2011. Aflaverðmæti hefur því aukist um 8,3 milljarða eða 7,2% á milli ára.

Hagstofan mælir 4,4% atvinnuleysi í nóvember

Í Vinnumarkaðsrannsókn Hagstofu Íslands í nóvember kemur fram að atvinnuleysi var 4.4% í mánuðinum. Að jafnaði voru 174.200manns á vinnumarkaði. Af þeim voru 166.500 starfandi og 7.600 án vinnu og í atvinnuleit. Atvinnuþátttaka mældist 77,4%, hlutfall starfandi 74% og atvinnuleysi var 4,4%.

Verulega dregur úr utanlandsferðum á næsta ári

Verulega mun draga úr ferðum Íslendinga til útlanda á næsta ári. Þetta má m.a. lesa úr stórkaupavísitölu Capacent Gallup.

Gullið hlutabréf til Seðlabankans

Þrotabú Glitnis hefur formlega óskað eftir samþykki Seðlabanka Íslands fyrir undanþágu frá gjaldeyrishöftum til að geta staðfest fyrirhugaðan nauðasamning sinn. Samkvæmt heimildum Fréttablaðsins felur tillaga Glitnis meðal annars í sér útgáfu á sv

Stjórnarmanni vikið úr stjórn Stapa út af þekkingar- og reynsluleysi

Fjármálaeftirlitið hefur gert Sigurði Jóhannessyni að hætta störfum sem stjórnarmaður hjá Stapa lífeyrissjóði samkvæmt tilkynningu sem finna má á vef FME. Ástæðan var sú að hann taldist ekki búa yfir nægilegri þekkingu og starfsreynslu til að geta gegnt stöðu sinni á tilhlýðilegan hátt.

Þriðja félagið á markað í Kauphöllinni

Viðskipti hófust með bréf í Fjarskiptum, sem rekur Vodafone á Íslandi, í Kauphöllinni í morgun. Um er að ræða þriðju nýskráninguna á þessu ári en fasteignafélagið Reginn var skráð í markað í byrjun júlí síðastliðnum og Eimskip var skráð í Kauphöllina um miðjan nóvember. Samtals eru nýskráningarnar nú orðnar fjórar frá hruni en í desember á síðasta ári riðu Hagar á vaðið.

Landsbréf verða einn af eigendum Bláa Lónsins

Grímur Sæmundsen, Edvard Júlíusson og Landsbréf hf., dótturfélag Landsbankans, hafa stofnað nýtt félag, Hvatningu, utan um kjölfestuhlut í Bláa Lóninu hf.

Opnað fyrir viðskipti með bréf í Fjarskiptum

Viðskipti hefjast í dag með hlutabréf Fjarskipta hf. á Aðalmarkaði NASDAQ OMX Iceland. Fjarskipti, sem rekur Vodafone á Íslandi, tilheyrir fjarskiptageiranum og flokkast sem lítið félag. Vodafone á Íslandi er þriðja félagið sem skráð er í Kauphöllina á Íslandi á þessu ári. "Þetta er stór dagur í okkar sögu og fyrir íslenska hlutabréfamarkaðinn. Með skráningu félagsins hefur bæst við ný atvinnugrein á hlutabréfamarkaðinn og sem eina fjarskiptafélagið þar hlökkum við til að vinna með nýjum eigendum og fjárfestum,“ segir Ómar Svavarsson, forstjóri Vodafone.

Meðallaun á Íslandi rétt undir meðallagi ESB ríkjanna

Árið 2010 voru meðallaun á Íslandi rétt undir meðaltali Evrópusambandsríkjanna. Þegar horft er til starfsstétta voru stjórnendur, sérfræðingar, tæknar og skrifstofufólk með laun undir meðaltali samsvarandi hópa í Evrópusambandinu en laun þjónustu- og sölufólks, iðnaðarmanna og iðnverkafólks, véla- og vélgæslufólks og ósérhæfðs starfsfólks voru yfir meðaltali.

Sigurður keypti fyrir 23,7 milljónir í Icelandair

Sigurður Helgason, stjórnarformaður Icelandair hefur keypt rúma þrjár milljónir hluta í félaginu fyrir samtals 23,7 milljónir króna.

Spáir óbreyttri verðbólgu í desember

Greiningardeild Arion banka spáir 0,3% hækkun vísitölu neysluverðs í desember. Gangi spáin eftir mun ársverðbólgan mælast óbreytt í 4,5% í desember.

Fjárfestingar sveitarfélaga í algeru lágmarki

Fjárfestingar sveitarfélaganna hafa verið í algeru lágmarki þetta árið. Þetta sést best á útboðum ársins hjá Lánasjóði þeirra.

Skráð atvinnuleysi jókst lítillega í nóvember

Skráð atvinnuleysi mældist 5,4% í nóvember sl., 0,2 prósentustigi meira en í október, samkvæmt tölum sem Vinnumálastofnun birti fyrir helgina. Fjölgaði einstaklingum á skrá um 375 á þessu tímabili.

Færri samningar en meiri velta á fasteignamarkaðinum

Fjöldi þinglýstra kaupsamninga á höfuðborgarsvæðinu í síðustu var 109. Þetta er nokkuð minna en nemur meðaltalinu á viku undanfarna þrjá mánuði sem er 120 samningar.

Árangurslaus fundur um norsk-íslensku síldina

Fyrir helgina var haldinn árangurslaus framhaldsfundur strandríkja vegna stjórnunar veiða úr norsk-íslenska síldarstofninum á næsta ári. Boðað verður til annars fundar um miðjan janúar að því er segir á vefsíðu stjórnaráðsins.

Efnahagsleg "rússíbanareið“

Sé horft yfir áratuginn frá 2001 til og með 2010 er ekki hægt að segja annað en að þetta hafi verið mikil "rússíbanareið“. Þetta segir Björn Þór Sigbjörnsson, sem er höfundur bókarinnar Ísland í aldanna rás 2001 til 2010 ásamt Bergsteini Sigurðssyni, blaðamanni Fréttablaðsins. Björn Þór er gestur nýjasta þáttar Klinksins, spjallþáttar um efnahagsmál- og viðskipti hér á Vísi. Fjallað er ítarlega um gang mála í viðskiptum og efnahagsmálum.

„Getum ekki staðið undir vöxtunum í þessu landi“

"Það að kenna verðtryggingu um vandamál hér er eins og að kenna gifsinu um það að maður geti ekki hlaupið hratt.“

Auglýsa styrk tengdum nafni Jóhannesar Nordal

Seðlabankinn hefur auglýst eftir umsóknum um styrk tengdum nafni Jóhannesar Nordal.

Spáir því að verðbólgan hækki lítilsháttar í desember

Greining Íslandsbanka spáir því að vísitala neysluverðs muni hækka um 0,4% í desember frá nóvembermánuði. Gangi spáin eftir eykst ársverðbólgan lítilsháttar, fer úr 4,5% í 4,6%.

Íslenskir minkabændur fengu 13.000 fyrir skinnið

Ekkert lát er á verðhækkunum á minkaskinnum og heldur því uppgangur íslenskra loðdýrabænda áfram.

Lán ÍLS hafa dregist saman um 8,5 milljarða á árinu

Heildarútlán Íbúðalánasjóðs (ÍLS) námu 1,4 milljörðum króna í nóvember en þar af voru 1,3 milljarðar króna vegna almennra lána. Til samanburðar námu almenn útlán í nóvember í fyrra einnig 1,3 milljörðum króna.

Seðlabankinn seldi síðustu leifarnar af Avenspakkanum

Endalokin á Avens fléttunni fóru fram í gær þegar Seðlabankinn seldi síðustu leifarnar af ríkisverðbréfum sem hann yfirtók frá Seðlabanka Lúxemborgar árið 2010.

Jólamaturinn hækkar um allt að 70 prósent milli ára

Verð á jólamat hefur hækkað umtalsvert síðan í fyrra, að því er kemur í nýrri verðkönnun sem verðlagseftirlit ASÍ gerði í verslunum á dögunum. Þannig hefur verðlag hækkað um allt að 70%, en algengast er að sjá um 5-10% hækkun á vöruverði.

38 prósent aukning á sölu stafrænnar tónlistar

Mikil aukning hefur orðið á þessu ári í sölu stafrænnar tónlistar á netinu á Íslandi. Fjöldi seldra laga á Tónlist.is hefur aukist um 38% milli ára og þar er Ásgeir Trausti fremstur meðal jafningja.

Töluverður aflasamdráttur milli ára í nóvember

Heildarafli íslenskra skipa í nýliðnum nóvembermánuði, metinn á föstu verði, var 17,4% minni en í nóvember í fyrra. Það sem af er árinu hefur aflinn aukist um 12,1% miðað við sama tímabil í fyrra, sé hann metinn á föstu verði.

Laun hækkuðu um 0,5% milli ársfjórðunga

Regluleg laun voru að meðaltali 0,5% hærri á þriðja ársfjórðungi 2012 en í ársfjórðungnum á undan. Frá fyrra ári hækkuðu laun um 5,6% að meðaltali, hækkunin var 5,8% á almennum vinnumarkaði og 5,1% hjá opinberum starfsmönnum.

Norska stórþingið fjallar um Drekasvæðið

Tillaga sem heimilar norska ríkinu að taka þátt í olíuleit á íslenska Drekasvæðinu hefur verið lögð fram í Stórþinginu í Osló.

FME segist ekki hafa gefið Dróma heilbrigðisvottorð

Fjármálaeftirlitið (FME) segir það ekki vera rétt að eftirlitið hafi gefið út eitthvert allsherjar heilbrigðisvottorð til Dróma.

Lárus og Magnús Arnar ákærðir sem aðalmenn

Sérstakur saksóknari hefur gefið út ákæru á hendur fjórum mönnum í Aurum-málinu svokallaða, þeim Jóni Ásgeiri Jóhannessyni, Lárusi Welding, Magnúsi Arnari Arngrímssyni og Bjarna Jóhannessyni. Þeir eru ákærðir fyrir umboðssvik í tengslum við sex milljarða lánveitingu Glitnis í maí 2008.

Jón Ásgeir um Aurum málið: Nýbúið að selja félagið á 36 milljarða

Jón Ásgeir Jóhannesson hefur ekki svararð ítrekaðri beiðni Vísis um viðtal. Fréttablaðið fullyrðir í dag að hann og Lárus Welding hafi verið ákærðir í svokölluðu Aurum máli, en eftir því sem Vísir kemst sem ákærður hefur verið í svokölluðu Aurum máli, hefur ekki svarað ítrekaðri beiðni Vísis um viðtal. Vísir hefur aftur á móti undir höndum bréf sem hann sendi sérstökum saksóknara vegna rannsóknar málsins þann 10. desember

Erlendir fjárfestar eiga yfir þriðjung ríkisbréfa

Erlendir fjárfestar eiga nú um 35% af öllum ríkisverðbréfum á Íslandi. Þetta kemur fram í Morgunkorni greiningar Íslandsbanka. Þar segir að fjárhæð útistandandi verðbréfa, að verðbréfalánum meðtöldum, nam 617,8 milljörðum kr. í lok nóvember.

Launakostnaður dregst saman

Heildarlaunakostnaður á greidda stund dróst saman á þriðja ársfjórðungi frá fyrri ársfjórðungi um 1,1% í byggingarstarfsemi, 2,0% í iðnaði, 4,3% í samgöngum og um 4,6% í verslun.

Kortaveltan eykst enn milli ára

Heildarvelta debetkorta í nóvember s.l. var 32,4 milljarðar kr. sem er 2,6% aukning miðað við sama mánuð árið áður en 4,5% minnkun frá fyrri mánuði.

Sérstakur saksóknari tjáir sig ekki um rannsóknina á Aurum

Fram hefur komið í fréttum að grunur leikur á að Glitnir hafi veitt félaginu FS38 sex milljarða lán árið 2008 til kaupa á eignarhlut Fons í breska félaginu Aurum Holdings, sem er umsvifamikið fyrirtæki í rekstri skartgripaverslana. Bæði Fons og FS38 voru í eigu Pálma Haraldssonar. Grunsemdir eru um að kaupverðið hafi verið margfalt hærra en raunvirði hlutarins og að lánveitingin hafi meðal annars verið framkvæmd til að losa um tvo milljarða króna í reiðufé, annan fyrir Pálma og hinn fyrir Jón Ásgeir Jóhannesson.Sérstakur saksóknari, Ólafur Þór Hauksson, vill ekkert tjá sig um stöðu Aurum málsins. Fréttavefur DV fullyrti í kvöld að búið væri að gefa út ákæru í málinu. Ekki væri vitað hverjir eru ákærðir.

Starbucks kannar Ísland

Bandaríska kaffihúsakeðjan Starbucks gæti verið á leiðinni til landsins og hefur þegar stigið fyrstu skrefin til undirbúnings.

Hægt verði að standa við ákvæði kjarasamninga

Vilhjámur Egilsson framkvæmdastjóri Samtaka atvinnulífsins reiknar með að hægt verði að standa við ákvæði kjarasamninga um almennar launahækkanir hinn 1. febrúar næst komandi. Hann segir forsendur kjarasamninga hins vegar hafa veikst af ýmsum ástæðum. Í hádegisfréttum okkar sagði Már Guðmundsson seðlabankastjóri að ekki væru miklar forsendur til launahækkana á næsta ári umfram kjarasamninga.

Býst við milljarða tapi af Vaðlaheiðargöngum

Tap á framkvæmdum við Vaðlaheiðargöng gætu numið um 4,3 milljörðum króna. Þetta sýna niðurstöður Vilhjálms Hilmarssonar hagfræðings sem vann meistaraverkefni í hagfræði við Háskóla Íslands þar sem hann kannaði málið. Vilhjálmur hlaut Verðlaun Skúla fógeta, sem verðbréfafyrirtækið Gamma, veitir fyrir verkefnið sitt. Það var Ásgeir Jónsson, doktor í hagfræði, sem veitti verðlaunin en hann var formaður dómnefndar.

Vaxtagjöld heimilanna hafa dregist saman

Vaxtagjöld íslenskra heimila drógust nokkuð saman árin 2010 og 2011 í kjölfar lægri vaxta og endurskipulagningar á efnahagsreikningum heimila. Þetta kemur fram í svari fjármála- og efnahagsráðherra við fyrirspurn á Alþingi um vexti og framfærslukostnað.

Sá besti með tæplega 60 prósent ávöxtun

Sá sem bestum árangri hefur náð í Ávöxtunarleiknum hefur náð að ávaxta spilapeninga sína um 59,6 prósent, en sá sem er í öðru sæti hefur náð að ávaxta spilapeninga sína um 41,86 prósent.

Vextir Seðlabankans óbreyttir

Peningastefnunefnd Seðlabanka Íslands hefur ákveðið að halda vöxtum bankans óbreyttum.

Ætla að koma 3.700 atvinnulausum í vinnu eða endurhæfingu

Ætlunin er að koma á fót verkefni sem myndi veita 3.700 atvinnulausum vinnu eða starfsendurhæfingu á næsta ári.

Jarðboranir með nýjan samning á Dominica

Jarðboranir undirrituðu í vikunni nýjan borsamning við stjórnvöld á eyjunni Dominica. Um er að ræða boranir á tveimur jarðhitaholum.

Leigusamningum fjölgaði milli ára í nóvember

Þinglýstir leigusamningar um íbúðarhúsnæði á landinu öllu voru 690 talsins í nóvember s.l. og er það fjölgun um 1,9% frá sama mánuði í fyrra. Hinsvegar fækkaði samningunum um 21,6% miðað við október s.l.

Stöðugleiki virðist ríkja á gjaldeyrismarkaði

Greining Íslandsbanka segir að stöðugleiki virðist nú ríkja á gjaldeyrismarkaði og það sé kærkomið eftir miklar sveiflur fyrr árinu.

PWC krefst frávísunar

Endurskoðunarfyrirtækið PWC krefst þess að máli slitastjórnar Glitnis gegn fyrirtækinu verði vísað frá dómi, en fyrirtaka var í málinu Héraðsdómi Reykjavíkur í dag. Slitstjórn Glitnis krefst viðurkenningar á bótaskyldu PWC þar sem ársreikningar bankans hafi ekki gefið rétta mynd af stöðu hans.