Greftrun Jacksons enn frestað

Greftrun poppgoðsins Michael Jackson hefur enn verið frestað um fimm daga. Samkvæmt lögfræðingi móður Jacksons var ágreiningur innan fjölskyldunnar um dagsetninguna, þar eð einhverjir vildu að goðið yrði jarðsett á afmælisdegi sínum 29. ágúst eins og til stóð, en aðrir hafi verið því mótfallnir.

Calvin Harris eyddi Tinchy Stryder út af Twitter

Breski raftónlistarmaðurinn Calvin Harris eyddi samlanda sínum, rapparanum Tinchy Stryder, út af Twitter vinalistanum sínum, því hann skildi varla upp né niður í skilaboðunum rapparans.

Borgarstjóri á ferð og flugi á fjölmennri Menningarnótt

„Dagurinn er búinn að vera mjög góður og hátíðin gengur vel fyrir sig. Þetta er fjölbreytt menningarnótt og mikið að gerast," segir Hanna Birna Kristjánsdóttir, borgarstjóri Reykjavíkur.

Innrás Indverja rétt að byrja

„Þetta er bara byrjunin. Ísland hefur verið að vaxa í áliti hjá Indverjum og þeim á eftir að fjölga mikið sem koma hingað til lands," segir veitingakonan Chandrika Gunnarsson hjá Austur-Indíafélaginu við Hverfisgötu. Sífellt færist í vöxt að tökulið frá Indlandi taki upp tónlistarmyndbönd fyrir kvikmyndir sínar hér á landi. Fréttablaðið hefur greint frá tveimur; annars vegar kvikmyndagerðarfólki frá Kollywood og svo frá Tollywood en bæði þessi nöfn draga heiti sín af þeim hluta Indlands eða tungu þar sem framleiðslan fer fram. Chandrika og hennar fólk hefur séð um að indversku gestirnir hafi fengið mat við sitt hæfi.

Ósætti um íslenska tískuviku

Mikil umræða hefur skapast í kringum viðburðinn Iceland Fashion Week og eru Gunnar Hilmarsson, formaður Fatahönnunarfélags Íslands, og Steinunn Sigurðardóttir, fatahönnuður, í hópi þeirra hönnuða sem eru óánægðir með viðburðinn.

Ragnheiði Clausen aftur hent út af Facebook

„Ég veit ekki hvort það sé Facebook-liðið eða eitthvað fólk sem vill mig burt. Ég hef engar skýringar á þessu og er eiginlega bara þreytt og pirruð. Ég sem hélt að þetta ætti að vera eitthvað gaman,“ segir Ragnheiður Elín Clausen, fyrrum sjónvarpsþula. Henni hefur nú verið hent, aftur, útaf Facebook-vinasamfélaginu án skýringa.

Vann þúsund bjórdósir á Hellu

Kristján Jónsson sigraði í Bjórreið á Hellu um síðustu helgi. „Það eru níu hundruð eftir, það má alveg brúka það, halda gott partí eða eitthvað,“ segir Kristján Jónsson knapi, en hann sigraði í svokallaðri bjórreið sem haldin var á Hellu um síðustu helgi í tengslum við Töðugjöld. Í sigurlaun voru hundrað kassar af Egils Gulli sem gerir um þúsund bjóra, reyndar litlar dósir, en engu að síður töluvert magn af bjór.

Laxdæla Lárusar fær nýtt nafn

Tökum á kvikmyndinni Laxdælu Lárusar lauk í vikunni. Fyrsta verk leikstjórans var að ákveða að breyta nafni myndarinnar.

Órafmögnuð Lay Low í Flatey

Nýr tvöfaldur diskur með tónlistarkonunni Lay Low kemur að öllum líkindum út hérlendis fyrir jólin og erlendis eftir áramót.

Orrustubjarki stígur á svið

Tónlistarmaðurinn Orrustubjarki spilar með vini sínum Krumma og trommaranum Frosta Gringó í portinu hjá skemmtistaðnum Kultura í dag. „Við erum að spila í fyrsta sinn saman og ég er mjög spenntur,“ segir Orrustubjarki, eða Bjarki Markússon. „Við vorum að prufa eina æfingu í gær [fimmtudag] og það kom mjög vel út.“ Þeir félagar ætla að bjóða upp á tilraunakennt sýrurokk og hefja þeir leik klukkan 15.

Sirkus sýnd

Stuttmynd um hinn fornfræga skemmtistað Sirkus verður sýnd í kvöld á sérstöku útitjaldi á palli skemmtistaðarins Boston við Laugaveg 28b. Stuttmyndin, sem ber einfaldlega heitið Sirkus, er klippt af Þorgeiri Guðmundssyni, kvikmyndagerðarmanni, og var frumsýnd á Skjaldborg fyrr í ár. Sýningar hefjast klukkan 23.00 og verður myndin sýnd nokkrum sinnum yfir kvöldið. Þeir sem stunduðu Sirkus eru hvattir til að kíkja á Boston og endurupplifa hina einstöku stemningu sem ríkti á staðnum.

Tónleikastríð á Menningarnótt

„Margir hafa verið að velta fyrir sér hvort við ættum ekki að vera að „presentera“ Rásar 2 tónleikana og þeir okkar, en Bylgjan hefur verið að þróast mikið og er ekki eins fyrirsjáanleg og fólk myndi halda,“ segir Jóhann Örn Ólafsson, kynningarstjóri Bylgjunnar, um tónleika útvarpsstöðvarinnar á Ingólfstorgi á Menningarnótt.

Ljósmyndir úr geimnum

Ljósmyndasýningin From Earth to the Universe hefst í dag fyrir framan Hallgrímskirkju. Ljósmyndirnar, sem floti geimsjónauka og stjörnusjónauka á jörðu niðri hefur tekið, sýna vel hvernig niðurstöður stjarnvísinda geta á stundum líkst listaverkum.

Lokaverk úr tveimur listaháskólum

„Einhvers konar upphaf er ekki endilega með þeim fyrirsjáanlega endi sem þú hélst í byrjun,“ segir Katrín Dagmar Beck, danshöfundur og dansari, um ný sviðslistaverk hennar, Móðurmál og Föðurland. Verkin voru lokaverkefni hennar, en Katrín útskrifaðist í vor úr Listaháskólanum og Salzburg Experimental Academy of Dance.

Smáskífa frá Sometime

Hljómsveitin Sometime hefur gefið út aðra smáskífu sína af plötu sinni Supercali-fragilisticexpialidocious. Smáskífan nefnist Heart of Spades og kemur út á netinu og á kassettu í fimmtíu númeruðum eintökum. Með kassettunni fylgir frítt niðurhal af henni á síðunni Tónlist.is. Á smáskífunni eru fimm endurhljóðblandanir eftir Steed Lord, SvenBit, Introbeats, Oculus og Trulz & Kjex. Kassettan fæst einungis í tískuverslununum KVK og KronKron. Einnig er hægt að kaupa lögin á tonlist.is, grapewire.net og fleiri síðum. Sometime fagnar útgáfunni í kvöld klukkan 20.20 í versluninni KVK, Laugavegi 58a.-fb

Nepalskar konur halda árlega hátíð

„Það er mikill heiður fyrir mig að fá að matreiða fyrir konurnar þetta kvöld,“ segir Deepak Panday á veitingastaðnum Kitchen á Laugavegi. Þar munu um þrjátíu nepalskar konur koma saman í kvöld og halda upp á hina árlegu nepölsku Teej-hindúahátíð sem er tileinkuð eiginmönnum þeirra.

Grínistar fá tækifæri

Spjallþáttastjórnandinn Jay Leno hlakkar til að koma ungum grínistum á framfæri í nýja þættinum sínum sem hefst á sjónvarpsstöðinni NBC 14. september. „Ég vona að fólkið verði frægt og verði boðið að koma fram í öðrum sjónvarpsþáttum,“ sagði Leno, sem hóf feril sinn sem uppistandari.

Hringurinn fékk Jackson-söfnunarfé

„Svona hefði Jackson sjálfur eflaust viljað gera þetta,“ segir Páll Óskar Hjálmtýsson, sem afhenti Barnaspítala Hringsins eina og hálfa milljón á fimmtudag. Peningagjöfin var ágóði miðasölu af minningarkvöldi um Jackson á Nasa sem haldið var 11. júlí síðastliðinn, þar sem ein milljón króna safnaðist, en Byr sparisjóður bætti um betur og lagði fram hálfa milljón til viðbótar.

Fær vonandi Kurt Russell kött

Hugleikur Dagsson kynnir nýja bók, Eineygði kötturinn kisi og og ástandið: seinni hluti – Flóttinn frá Reykjavík, á Menningarnótt, annars vegar í Eymundsson, Austurstræti, þar sem gestir geta komið og myndað kött sinn með Hugleiki, og hins vegar á Bakkusi.

Spila í Listasafninu

Páll Óskar og Monika halda tvenna tónleika í Listasafni Einars Jónssonar í dag klukkan 16 og svo aftur klukkan 18. Þau munu flytja vinsælustu lög Palla í sérstökum útsetningum fyrir hörpuna, auk ýmiss annars góðgætis af efnis-skránni þeirra. Aðgangur er ókeypis.

Fljótandi markaður

„Við vorum nokkrir vinir sem tókum okkur saman í vetur og ákváðum að taka til í skápum og geymslum og halda flóamarkað um borð í Hvalasetrinu.

Fallegir drengir opna gallerí á Hverfisgötu

Hópur ungra listamanna sem kalla sig Pretty Boys Group opnar nýtt gallerí við Hverfisgötu 34 í dag.

Jói Fel á hrefnuveiðum

„Auðvitað ætti bara að skipta út hvalaskoðunarferðum fyrir þetta, menn gætu bara farið á hvalveiðar, komist í almennilegt návígi við dýrið,“ segir Jóhannes Felixson, betur þekktur sem Jói Fel.

Opnunarpartý - myndir

„Þetta eru ljósmyndir sem ég tek. Bara hráar. Svo klippi ég þær út og vinn bakgrunninn og öll element þar til ég er sátt við söguna sem ég er að segja þannig að þetta verði ævintýralegt,“ svarar Ólöf Erla Einarsdóttir grafískur hönnuður sem opnaði ljósmyndasýningu á neðri hæð í Gerðubergi í Breiðholti í gær. „Ég er menntaður grafískur hönnuður úr Listaháskólanum árið 2002 en er amatör ljósmyndari," segir hún. „Ég er komin með alls konar bakgrunn og hef ferðast um landið og myndað. Svo set ég vini og vinkonur í hlutverkin. Annars starfa ég hjá RÚV. Ég vinn í grafíkinni í sjónvarpinu. Þá í sjónvarspáttunum og auglýsingunum." Á bleiku skýi eftir opnunarpartý „Vinir og vandamenn komu og fullt af alls konar fólki frá Rúv. Ég sendi fullt af boðskortum. Ég er í skýjunum. Ég svíf bara um á bleiku skýi í dag en er að reyna að vinna."

Indverskir kvikmyndagerðarmenn flykkjast til Íslands

„Þetta fólk er miklar stjörnur í sínu heimalandi. En er algjörlega laust við stjörnustæla,“ segir Elísabet Agnarsdóttir hjá Jöklum ehf. en hún hefur vart undan að taka við fyrirspurnum frá indverskum kvikmyndagerðarmönnum sem vilja ólmir koma til landsins og taka upp efni fyrir kvikmyndir sínar.

Sveppi og Auddi í hlutverk handrukkara, róna og sjómanna

„Þetta verður svona yfirbragðið á þáttunum núna, þeir verða þematengdir. Sveppi og Auddi ætla að vera sjómenn, handrukkarar og núna eru þeir að prófa hvernig það er að vera róni í Reykjavík,“ segir Kristófer Dignus, framleiðandi sjónvarpsþáttanna með þeim Auðunni Blöndal og Sverri Þór Sverris-syni. Eðli málsins samkvæmt var ekki hægt að ná tali af þeim Audda og Sveppa þar sem þeir voru útigangsmenn í gær og það þykir fremur sjaldgæf sjón að sjá þá tala við fjölmiðla í gsm-síma.

Latibær býður upp á tónleika

„Í fyrra voru um 5.000 hlauparar og um 12.000 manns á svæðinu, en við búumst við heldur fleirum í ár,“ segir Gunnar Helgason, leikari og umsjónarmaður skemmtidagskrár, um Latabæjarhlaupið. Hlaupið fer fram í fjórða sinn á morgun klukkan 13, en upphitun hefst í Hljómskálagarðinum um 20 mínútum fyrr.

Fimmtíu íslenskar umsóknir á RIFF

Alls bárust fimmtíu umsóknir frá íslensku kvikmyndagerðarfólki til Alþjóðlegrar kvikmyndahátíðar í Reykjavík sem verður haldin 17. til 27. september. Af þeim verða vel á annan tug mynda sýndar, bæði myndir í fullri lengd og stuttmyndir. Á meðal þeirra er Louise Michel eftir Sólveigu Anspach, stuttmyndin Flæktar sálir og fáein símanúmer eftir Ísold Uggadóttur og heimildarmyndin Edie & Thea: A Very Long Engagement sem Gréta Ólafsdóttir framleiðir. Susan Muska leikstýrir síðastnefndu myndinni, sem hlaut áhorfendaverðlaun sem besta heimildarmyndin á Outfest-hátíðinni fyrr á árinu.

Nýjum sjónvarpsþætti fagnað

Aðstandendur sjónvarpsþáttaraðarinnar Ástríðar fögnuðu frumsýningu á skemmtistaðnum Barböru við Laugaveg 22.

Selja ferðamönnum fjallaloft í dósum

Það virðist vera ýmislegt sem hægt er að selja erlendum ferðamönnum hér á landi, þess á meðal er dós full af íslensku fjallalofti.

Læknar Jacksons kærðir

Bandarískir og breskir fjölmiðlar héldu því fram í gær að tveir af einkalæknum Michaels Jackson yrðu færðir í gæsluvarðhald og hugsanlega kærðir fyrir aðild að dauða poppgoðsins.

ELM sýnir á tískuviku í París

Hönnunarfyrirtækið ELM Design frumsýnir vor- og sumarlínu fyrir árið 2010 á tískuviku í París og New York í næsta mánuði. Fyrirtækið hefur verið starfrækt í tíu ár og selur hönnun sína í um níutíu verslunum víðs vegar um Bandaríkin og yfir fimmtíu verslunum í Evrópu, þar á meðal í Selfridges, Browns og Liberties í London.

Bandarísk fegurðardís heilluð af Íslendingasögum

Carrie Roy, fyrrverandi Ungfrú Norður-Dakóta og sjónvarpsstjarna í Boston, var nýverið í heimsókn hér á landi hjá vinum sínum sem hún kynntist er hún stundaði nám í íslenskum þjóðsögum við Háskóla Íslands.

Íslenskir víkingar í Póllandi

Tveir af meðlimum bardagafélagsins Einherja í Reykjavík fengu höfðinglegar móttökur þegar þeir sóttu stærstu víkingahátíð í heimi sem haldin er ár hvert í bænum Wolin.

Hópflúrun og þaktónleikar

„Við vorum með tónleika hérna í fyrra með Sign og Nögl og fleirum og það var alveg stappað af fólki og rosalega gaman. Þannig að við ákváðum að gera þetta bara stærra og betra núna,“ segir Linda Mjöll Þorsteinsdóttir hjá Reykjavík Ink við Frakkastíg um dagskrá menningarnætur hjá þeim.

Berjasprettan gerist vart betri

Berjadagar á Ólafsfirði hefjast í kvöld. Örn Magnússon skipuleggjandi hlær þegar blaðamaður spyr hann hvort hátíðin sé í keppni við Menningarnótt. „Ég sagði nú einhvern tíman að það yrði nú að vera eitthvað fyrir norðan líka svo landið sporðreistist ekki, en nei, það er nú eitthvað sem við keppum ekki við. En við eigum okkar sess hérna og fólk hefur komið hérna alls staðar af á landinu til að vera á Berjadögum.“

Oprah skotin í Jay-Z

Samkvæmt bandarísku útvarpsstöðinni O Radio féll Oprah Winfrey fyrir rapparanum Jay-Z þegar hún tók nýlega viðtal við hann í spjallþætti sínum. Oprah, sem er 55 ára, segir rapparann hafa ilmað sérstaklega vel.

Ashlee reið Perez

Söngkonan Ashlee Simpson er reið út í slúðurbloggarann Perez Hilton fyrir slúðurmola sem hann ritaði um hana á bloggsíðu sinni. Samkvæmt fréttinni á Simpson að hafa drukkið sig fulla í veislu sem eiginmaður hennar, tónlistarmaðurinn Pete Wentz, hélt og látið öllum illum látum og á jafnvel að hafa skipað eiginmanninum heim í rúmið.

Fullt út úr dyrum á Jazzhátíð

„Þetta hefur gengið alveg hreint glimrandi,“ segir Pétur Grétarsson, skipuleggjandi Jazzhátíðar Reykjavíkur. „Fyrsta vikan er að klárast. Við höfum oft verið dálítið seinir í gang en núna startaði hún með miklum látum. Við erum alveg búnir að sprengja utan af okkur Rosenberg.“

Guðjón Davíð verður Ormur Óðinsson í Gauragangi

„Við erum búin að mynda þetta fræga þríeyki í Gauragangi, Guðjón Davíð Karlsson, Gói, verður Ormur Óðinsson og honum til halds og traust verða þau Hallgrímur Ólafsson og Ilmur Kristjánsdóttir,“ segir Magnús Geir Þórðarson, leikhússtjóri Borgarleikhússins.

Skrifaði meistararitgerð um Elvis

Ólafur Halldór Ólafsson, bassaleikari rokksveitarinnar Weapons, er nýkominn heim frá Tennessee í Bandaríkjunum þar sem hann skrifaði meistaraverkefni um sögu Elvis Presley, eins helsta áhrifavaldar síns og sveitarinnar.

Popparar heiðra Lennon

Einvalalið íslenskra tónlistarmanna hyggst heiðra Bítlagoðsögnina John Lennon á tónleikum á Nasa. Skipuleggjandi tónleikanna ætlar að bjóða Yoko Ono og býst fastlega við að hún þekkist boðið. Þar til annað kemur í ljós.

Réðu 19 ára trymbil

Nítján ára trommari, Mike Byrne, hefur gengið til liðs við rokkarana í Smashing Pumpkins. Forsprakkinn Billy Corgan hélt áheyrnarpróf fyrir framtíðartrommara sveitarinnar og um eitt þúsund sóttu um hina eftirsóttu stöðu. „Mike virtist hafa þennan X-Faktor sem allir frábærir trommarar hafa. Hann býr yfir ótrúlegri blöndu af krafti, hraða og reisn,“ sagði Corgan um Byrne. „Ég er spenntur fyrir því að vinna með honum í framtíðinni. Hann á svo sannarlega skilið þetta tækifæri. Hann á eftir að gera mig að betri tónlistarmanni.“

Húðflúraði laglínu eftir pabba

„Þetta var sjúklega vont, eiginlega bara ógeðslega sársaukafullt. Það er ekki gott að láta húðflúra á sér rifbeinin," segir Oddur Snær Magnússon. Hann lét nýverið húðflúra á sig laglínu úr hinu sígilda lagi Trúbrots, To be Grateful, sem faðir hans, Magnús Kjartansson, söng svo eftirminnilega á hljómplötunni Lifun.

Noel má taka upp sólóplötu

Liam Gallagher, söngvari Oasis, ætlar ekki að standa í vegi fyrir því að bróðir hans Noel taki upp sólóplötu. Noel hefur gefið í skyn að hann vilji taka upp sína fyrstu sólóplötu eftir að Oasis lýkur núverandi tónleikaferð sinni.