Oprah skotin í Jay-Z

Samkvæmt bandarísku útvarpsstöðinni O Radio féll Oprah Winfrey fyrir rapparanum Jay-Z þegar hún tók nýlega viðtal við hann í spjallþætti sínum. Oprah, sem er 55 ára, segir rapparann hafa ilmað sérstaklega vel.

„Jay-Z er nýi besti vinur minn, hann var svo sjarmerandi og indæll. Þegar hann faðmaði mig festist lyktin hans á mér og ég gat enn fundið hana þegar við fórum yfir á næsta tökustað,“ sagði hún í viðtali við útvarpsstöðina.

Oprah hefur verið laus og liðug eftir að sambandi hennar og Stedman Graham lauk, en hann var kærasti hennar til langs tíma. Þau byrjuðu saman árið 1986 og höfðu planað að gifta sig 1992, en aldrei varð af brúðkaupinu.

Samkvæmt heimildum tímaritsins National Enquirer fannst Graham hann vera lítilsvirtur og flutti út úr íbúð þeirra Opruh í Chicago eftir að hún fór í tveggja vikna lúxussiglingu með nánum vini sínum, Gayle King, og skildi Graham eftir heima.