Tevez opinn fyrir að vera áfram hjá West Ham

Argentíski leikmaðurinn Carlos Tevez segir að hann viti ekkert hvað verður um hann í sumar. Hann veit af áhuga frá nokkrum liðum en segir þó að það gæti vel verið að hann verði áfram á Upton Park.

Roy Keane hefur áhuga á Diego Forlan

Roy Keane hefur mikinn áhuga á að fá fyrrum liðsfélaga sinn hjá Manchester United, Diego Forlan, til liðs við sig. Roy Keane, sem er framkvæmdastjóri Sunderland, hefur áður reynt að fá Forlan til liðsins.

Reo-Coker: "West Ham vill mig ekki"

Nigel Reo-Coker fór fram á að vera seldur frá West Ham í síðustu viku og segir ástæðuna vera að honum finnist félagið ekki vilja halda sér. Þessi 23 ára leikmaður hefur leikið með West ham síðustu fjögur tímabil og er svekktur yfir því að yfirgefa félagið á þennan hátt.

Morten Gamst eftirsóttur

Norski landsliðsmaðurinn, Morten Gamst Pedersen, er eftirsóttur af 5 stórliðum í Englandi. Þetta segir Rune Hauge, umboðsmaður leikmannsins. Manchester United, Chelsea, Arsenal, Liverpool og Tottenham eru öll á eftir kappanum.

West Ham og Newcastle ná samkomulagi

West Ham og Newcastle hafa nú náð samkomulagi um verð á miðvallarleikmanninum Scott Parker. Parker, sem hafði aðeins spilað eina leiktíð með Newcastle kom frá Chelsea, en þar hafði honum mistekist að sanna sig.

David Gill: Þetta gætu verið einu kaupin

David Gill, stjórnarformaður Manchester United, segir að sennilega hafi liðið klárað sín leikmannakaup síðastliðinn sólarhring. Í gær tilkynnti félagið að þeir hafi fest kaup á efnilegu Nani og Anderson og svo fylgdu kaupin á Owen Hargreaves í dag.

Meðallaun í ensku úrvalsdeildinni 135 milljónir

Meðallaun knattspyrnumanna í ensku úrvalsdeildinni munu hækka um 9% á næstu leiktíð í kjölfar nýrra sjónvarpssamninga og þá verða meðallaun leikmanna í deildinni kominn upp í um 135 milljónir króna fyrir leiktíðina. Búist er við því að á næstu þremur árum eigi fyrsti knattspyrnumaðurinn á Englandi eftir að ná sér í 10 milljón punda laun fyrir árið - eða 1,2 milljarða.

Ranieri þegar farinn að hugsa um Manchester City

Þjálfarinn Claudio Ranieri hjá Parma segir að það sé freistandi tilhugsun að taka við Manchester City á Englandi og gera þar viðlíka hluti og hann gerði þegar hann tók við Chelsea á sínum tíma. Ranieri hefur verið boðinn nýr samningur hjá ítalska félaginu, en viðurkennir að það gæti verið spennandi að fara aftur til Englands og er þegar farinn að leggja línurnar.

United kaupir Owen Hargreaves

Manchester United hefur nú formlega gengið frá kaupum á enska landsliðsmanninum Owen Hargreaves frá Bayern Munchen. Kaupverðið er talið vera um 17 milljónir punda og gengur hann í raðir enska félagsins þann 1. júlí næstkomandi. Hargreaves er 26 ára og hefur skrifað undir samning sem sagður er vera til fimm ára.

Slúðrið í enska í dag

Margt er að gerjast í enska boltanum þessa daganna. Íslendingaliðið West Ham situr ekki auðum höndum og nú er sagt frá því að miðjumaður Newcastle, Scott Parker, sé á leið til liðsins. Búist er við því að samningar um það gangi í gegn strax á morgun. Og þá er Thierry Henry vitanlega orðaður við Barcelona. Hérna er samantekst BBC á slúðrinu í ensku blöðunum í dag.

United að kaupa Nani og Anderson

Manchester United á nú aðeins eftir að ganga frá formsatriðum í kaupum sínum á tveimur ungum leikmönnum sem spilað hafa í Portúgal. Þetta eru 19 ára gamli Brasilíumaðurinn Anderson hjá Porto og hinn tvítugi Nani hjá Sporting Lissabon. Þeir eiga aðeins eftir að gangast undir læknisskoðun hjá félaginu og reiknað er með því að enski landsliðsmaðurinn Owen Hargreaves semji einnig við United á næstu dögum.

Lennon fór í aðgerð í dag

Enski landsliðsmaðurinn Aaron Lennon fór í aðgerð í dag eftir að hann varð fyrir meiðslum á hné í leik með enska b-landsliðinu á dögunum. Meiðslin eru ekki mjög alvarleg en hann verður þó að taka sér hlé frá æfingum um nokkurn tíma.

West Ham sagt hafa boðið í Scott Parker

Sky fréttastofan segist hafa heimildir fyrir því að Íslendingalið West Ham sé búið að gera 8,5 milljón punda tilboð í Scott Parker, fyrirliða Newcastle. Sam Allardyce er sagður tilbúinn að selja hann fyrir rétt verð og Alan Curbishley stjóri West Ham ku hafa miklar mætur á leikmanninum síðan þeir störfuðu saman hjá Charlton á sínum tíma.

Ranson hættur við að kaupa City

Ray Ranson hefur dregið kauptilboð sitt í knattspyrnufélagið Manchester City til baka. Ranson er 46 ára gamall og er fyrrverandi leikmaður félagsins. Hann hefur átt í viðræðum við stjórn félagsins að undanförnu en í tilkynningu frá kauphöllinni í dag sagði að Ranson hefði dregið tilboð sitt til baka.

Ambramovich er ekki hættur að eyða

Rússneski milljarðamæringurinn Roman Abramovich segir ekkert til í þeim orðrómi sem verið hefur á kreiki á Englandi undanfarið þess efnis að hann hafi ákveðið að hætta að eyða peningum í Chelsea. Abramovich er ríkasti maður Rússlands og er metinn á hátt í 10 milljarða punda skv Forbes Magazine.

Portsmouth kaupir Muntari fyrir metfé

Enska úrvalsdeildarliðið Portsmouth gekk í dag frá kaupum á miðjumanninum Sulley Muntari frá Udinese fyrir 7 milljónir punda. Muntari er 22 ára gamall landsliðsmaður Gana og er þetta hæsta upphæð sem félagið hefur greitt fyrir leikmann. Portsmouth hefur lengi verið á höttunum eftir Muntari og er hann þriðji leikmaðurinn sem félagið fær í sínar raðir í sumar auk þeirra Hermanns Hreiðarssonar og Sylvain Distin.

Poll ósáttur við enska knattspyrnusambandið

Enski knattspyrnudómarinn Graham Poll sem leggur flautuna á hilluna um helgina, hefur farið hörðum orðum um vinnubrögð enska knattspyrnusambandsins. Hann er ósáttur við þann litla stuðning sem hann fékk frá sambandinu þegar hann stóð í deilum við Chelsea í vetur.

Giggs hættir með landsliðinu

Ryan Giggs, leikmaður Manchester United, ætlar að spila sinn síðasta leik fyrir landslið Wales um helgina þegar liðið tekur á móti Tékkum í Cardiff í undankeppni EM. Giggs er 33 ára gamall og á að baki 64 landsleiki á 16 árum. Hann ætlar nú að einbeita sér að því að spila með félagsliði sínu.

Oldham semur við fanga

Enska knattspyrnuliðið Oldham hefur samið við leikmanninn Lee Hughes um að leika með liðinu, en það furðulega við það er að árið 2004 var hann dæmdur í sex ára fangelsi fyrir manndráp af gáleysi.

Al Fayed lofar að opna budduna í sumar

Auðkýfingurinn Mohamed Al Fayed hefur lofað Lawrie Sanchez peningum til leikmannakaupa í sumar. Stjórnarformaðurinn er nú að halda upp á tíu ára afmæli sitt við stjórnvölinn hjá Lundúnaliðinu, sem slapp naumlega við fall úr úrvalsdeildinni í vor.

Hyypia: Ég er í náðinni hjá Benitez

Finnski varnarjaxlinn Sami Hyypia segist ætla að klára samning sinn út næsta tímabil hjá Liverpool eftir að knattspyrnustjórinn Rafa Benitez tilkynnti honum að hann væri inni í framtíðaráformum hans á næsta tímabili. Hyypia hefur verið orðaður við nokkur lið í ensku úrvalsdeildinni undanfarið, þar á meðal Newcastle, Fulham og Reading.

Slúðrið á Englandi í dag

Bresku slúðurblöðin eru full af krassandi fréttum í dag enda eru liðin í ensku úrvalsdeildinni nú á fullu við að leita að nýjum leikmönnum. Daily Mirror segir þannig að Liverpool sé við það að gera 10 milljón punda tilboð í vængmanninn Flourent Malouda hjá Frakklandsmeisturum Lyon.

Graham Poll dómari að hætta

Enski knattspyrnudómarinn Graham Poll dæmdi sinn síðasta leik á Englandi um helgina þegar hann flautaði leik Derby og West Brom um laust sæti í úrvalsdeildinni. Hann dæmir sinn síðasta alvöru leik á miðvikudaginn þegar Finnar taka á móti Belgum í Helsinki í undankeppni EM. Poll er 43 ára gamall og hefur verið nokkuð umdeildur síðan hann hóf að dæma í efstu deild á Englandi árið 1995.

Hargreaves sagður skrifa undir á morgun

Enski landsliðsmaðurinn Owen Hargreaves mun skrifa undir samning við Manchester United á morgun ef marka má fregnir staðarblaða í Manchester. Bayern Munchen hefur lengi neitað að selja leikmanninn en því er haldið fram að félögin hafi komist að samkomulagi um 17 milljón punda verðmiða á leikmanninum.

Gascoigne fluttur á sjúkrahús

Fyrrum knattspyrnumaðurinn Paul Gascoigne hefur verið lagður inn á sjúkrahús þar sem hann fór í bráðaaðgerð vegna magasárs. Þetta gerðist eftir að kappinn hélt upp á fertugsafmælið sitt í Gateshead. Gascoigne er sagður á batavegi eftir aðgerðina, en hann hefur þjáðst af áfengissýki og þunglindi í nokkur ár.

Crouch verður áfram hjá Liverpool

Peter Crouch hefur nú fengið staðfestingu frá knattspyrnustjóra sínum Rafa Benitez um að hann verði ekki seldur frá félaginu í sumar. Framherjinn hafði verið orðaður við Newcastle undanfarna daga og því hafði verið spáð að Crouch yrði einn þeirra sem látnir yrðu fara í fyrirhugaðri tiltekt hjá félaginu í sumar.

Derby County í úrvalsdeildina

Derby County tryggði sér í dag sæti í ensku úrvalsdeildinni á næstu leiktíð með því að leggja West Brom 1-0 í umspilsleik liðanna á Wembley. Það var Stephen Pearson sem skoraði 60 milljón punda markið fyrir Derby, sem leikur nú í efstu deild í fyrsta sinn síðan árið 2002. West Brom var sterkari aðilinn í leiknum í dag og lauk keppni með fleiri stig en Derby í deildinni í vor - en það skilaði liðinu engu þegar upp var staðið í dag.

Robbie Keane framlengir um fimm ár við Tottenham

Írski landsliðsmaðurinn Robbie Keane hefur undirritað nýjan fimm ára samning við enska úrvalsdeildarfélagið Tottenham. Hann hefur verið í herbúðum liðsins síðan árið 2002 þegar hann gekk í raðir liðsins frá Leeds fyrir 7 milljónir punda. Hann skoraði 22 mörk fyrir félagið á síðustu leiktíð og er aðeins 26 ára gamall.

Berger framlengir við Villa

Tékkneski landsliðsmaðurinn Patrick Berger hefur framlengt samning sinn við enska úrvalsdeildarfélagið Aston Villa um eitt ár. Berger kom lítið við sögu hjá liðinu framan af vetri en átti fínan sprett í vor þar sem Villa tapaði ekki í síðustu níu leikjum sínum í deildinni. Berger er 33 ára gamall og var áður hjá Liverpool og Portsmouth.

Garðar tók lagið á Wembley

Óperusöngvarinn Garðar Thor Cortes söng í dag á Wembley fyrir tugþúsundir áhorfenda á leik Derby og West Bromwich Albion en liðin bítast nú um hvort þeirra eigi að leika í efstu deild í ensku knattspyrnunni að ári. Garðar söng Breska þjóðsönginn í upphafi leiks og uppskar fagnaðarlæti áhorfenda.

60 milljón punda leikurinn í dag

Í dag klukkan 14 ræðst hvort það verður Derby eða West Brom sem vinnur sér sæti í ensku úrvalsdeildinni á næsta tímabili þegar liðin mætast í úrslitaleik á Wembley. Leikurinn hefur verið kallaður 60 milljón punda leikurinn vegna þess gríðarlega fjárhagslega ávinnings sem bíður sigurvegarans m.a. vegna sjónvarpstekna við það að fara upp um deild. Leikurinn verður sýndur beint á Sýn og hefst útsending klukkan 13:45.

Liverpool kaupir tvo Ungverja

Liverpool gekk í dag frá kaupum á tveimur ungum leikmönnum frá Ungverjalandi. Þeir heita Krisztian Nemeth og Andras Simon og eru 17 og 18 ára gamlir. Báðir koma frá liði MTK í ungverjalandi og eru sóknarmenn, en þeir stóðu sig vel með U-17 ára landsliði Ungverja á Evrópumótinu í fyrra.

Sissoko ósáttur við hlutskipti sitt hjá Liverpool

Miðjumaðurinn Momo Sissoko hefur hótað að fara frá Liverpool ef hann fær ekki fast sæti í byrjunarliðinu. Sissoko missti sæti sitt í liðinu undir lok tímabilsins í hendur Argentínumannsins Javier Mascherano og hann er ekki sáttur við þá þróun mála.

Tottenham að opna budduna

Forráðamenn Tottenham Hotspur ætla að opna budduna upp á gátt og vera duglegir að versla í sumar. Þetta fullyrðir blaðið News of the World í dag. Félagið keypti hinn unga og efnilega Gareth Bale til sín á dögunum og blaðið telur sig hafa heimildir fyrir því að fleiri góðir leikmenn séu á innkaupalistanum á næstunni.

Viðræður Lampard og Chelsea komnar í strand?

Breska blaðið News of the World greinir frá því í dag að samningaviðræður Frank Lampard og forráðamanna Chelsea séu nú komnar í strand og segir blaðið allt stefna í að hann muni kaupa sig út úr því sem hann á eftir af samningi sínum og leita til meginlandsins.

Eto´o er til í að spila fyrir Liverpool

Kamerúnmaðurinn Samuel Eto´o hjá Barcelona segist vel geta hugsað sér að spila með enska úrvalsdeildarliðinu Liverpool, því stuðningsmenn liðsins séu engum líkir. Eto´o hefur verið orðaður nokkuð við Liverpool á síðustu mánuðum og sumir segja hann vera óskaframherja Rafa Benitez knattspyrnustjóra.

McClaren: Við þurfum á reynslu Beckham að halda

Steve McClaren landsliðsþjálfari Englendinga, gaf þá skýringu að enska landsliðið þyrfti á reynsluboltum að halda þegar hann svaraði fyrir val sitt á David Beckham í landsliðið í gær. Hann segir Beckham hafi leikið einstaklega vel frá áramótum.

Peter Shilton: Robinson er valtur í sessi

Fyrrum markvörðurinn Peter Shilton á að baki fleiri landsleiki en nokkur annar fyrir Englands hönd. Hann telur að Paul Robinson hjá Tottenham verði að herða sig ef hann ætli ekki að missa stöðu sína sem markvörður Englendinga númer eitt og þykir hann alls ekki nógu traustur milli stanganna.

Reo-Coker fer fram á sölu frá West Ham

Fyrirliðinn Nigel Reo-Coker hefur farið fram á að verða seldur frá West Ham að sögn talsmanns leikmannsins. Alan Curbishley knattspyrnustjóri er sagður hafa tilkynnt miðjumanninum að hann muni hlusta á kauptilboð yfir 8 milljónum punda. Coker gekk í raðir West Ham frá Wimbledon árið 2004 en átti mjög erfitt uppdráttar hjá Hömrunum í vetur. Talið er að Tottenham, Arsenal, Aston Villa og Newcastle séu öll tilbúin að bjóða í U-21 árs landsliðsmanninn.

Arsenal kaupir pólskan markvörð

Arsenal gekk í dag frá kaupum á pólska markverðinum Lukasz Fabianski frá Legia Warsaw. Hann er aðeins 22 ára gamall og er talinn mikið efni. Fabanski hefur verið varamarkvörður Artur Boruc í pólska landsliðinu og hefur nú gert langtímasamning við Arsenal, þar sem hann verður væntanlega þriðji kostur á eftir þeim Jens Lehmann og Manuel Almunia.

Beckham kominn í enska landsliðshópinn á ný

Steve McClaren landsliðsþjálfari tilkynnti í dag leikmannahópinn sem mætir Brasilíumönnum um næstu mánaðamót og spilar svo við Eista í undankeppni EM nokkrum dögum síðar. Mesta athygli vekur að hann kallaði David Beckham aftur inn í landsliðið eftir árs fjarveru.

Gareth Bale semur við Tottenham

Enska úrvalsdeildarfélagið Tottenham gekk í gærkvöld frá kaupum á velska landsliðsmanninum Gareth Bale frá Southampton fyrir 5 milljónir punda, en upphæðin gæti farið upp í allt að 10 milljónir. Bale er aðeins 17 ára gamall vinstri bakvörður og hefur verið eftirsóttur af stóru liðunum á Englandi um nokkurt skeið.

Bíður eftir kalli frá Man. City

Sven-Göran Eriksson bíður eftir símtali frá Manchester City og segist hafa mikinn hug á því að taka við stjórastöðunni hjá félaginu. City er í leit að nýjum stjóra eftir að hafa rekið Stuart Pearce og ku Eriksson vera ofarlega á óskalistanum.

Benayoun framlengir

Ísraelinn Yossi Benayoun hefur framlengt samning sinn við enska úrvalsdeildarliðið West Ham til ársins 2012. Félagið er í eigu Íslendinga sem kunnugt er.

Yrði draumur að spila með Bristol

Kjartan Henry Finnbogason vonast til þess að ganga til liðs við nýliða Bristol City í Championship-deildinni í Englandi. „Bristol City er búið að hafa samband og vill sjá meira af mér. Mér líst rosalega vel á það. Championship-deildin heillar auðvitað mjög mikið, 20.000 manns á hverjum leik og það væri draumur að spila þar.