Umfjöllun: KR vann Fjölni eftir að hafa lent undir

KR-ingar minnkuðu forystu FH í deildinni niður í tíu stig þegar þeir sóttu sigur í Grafarvoginn gegn Fjölni. Líkt og þegar liðin áttust við í fyrri umferðinni unnu KR-ingar eftir að hafa lent undir.

Guðmundur Reynir: Stigin sem skipta máli

„Það er náttúrulega alltaf frábær tilfinning að spila fyrir KR," sagði Guðmundur Reynir Gunnarsson sem lék í kvöld sinn fyrsta deildarleik fyrir Vesturbæjarliðið þegar það vann 2-1 útisigur gegn Fjölni.

Ásmundur: Hefði getað dottið okkar megin

KR vann útisigur á Fjölni í kvöld 2-1. KR-ingar skoruðu sigurmarkið í seinni hálfleiknum en Fjölnismenn höfðu verið líklegri í hálfleiknum fram að því.

Ólína hugsanlega frá í nokkrar vikur - tognaði á ökkla

Ólína Guðbjörg Viðarsdóttir meiddist í fyrri hálfleik í tapi íslenska kvennalandsliðsins fyrir Dönum í dag og varð að fara útaf á 36. mínútu. Sigurður Ragnar Eyjólfsson, landsliðsþjálfari vonar það besta en býst þó við að hún verði frá í einhverjar vikur.

Sigurður Ragnar: Allt annað heldur en í leiknum við þær í mars

Sigurður Ragnar Eyjólfsson, kvennalandsliðsþjálfari, var alls ekki ósáttur við frammistöðu stelpnanna þrátt fyrir 1-2 tap á móti Dönum í vináttulandsleik í dag.

Þrumur og eldingar fóru ekki vel í íslenska liðið

Íslenska 19 ára landsliðið hefur lokið keppni á Evrópumótinu í Hvíta-Rússlandi eftir 0-4 tap á móti Englendingum í lokaleiknum. Enska liðið skoraði tvö mörk á fyrstu tólf mínútunum og hin tvö mörkin komu á síðustu fjórum mínútum leiksins.

Hver verður í 2. sæti Pepsi-deildar karla eftir leiki dagsins?

Það fara tveir leikir fram í tólftu umferð Pepsi-deild karla í kvöld þar sem liðin í 2. og 3. sæti deildarinnar verða í sviðsljósinu. KR er í 2. sæti og sækir Fjölni heima en Stjarnan, sem er í 4. sæti heimsækir Grindvíkinga. Báðir leikir hefjast klukkan 19.15.

Stelpurnar töpuðu á móti Dönum - öll mörkin á fyrstu 12 mínútunum

Íslenska kvennalandsliðið tapaði 1-2 á móti Dönum í vináttulandsleik í Staines í Englandi í dag. Danir skoruðu bæði mörkin sín á fyrstu tólf mínútum leiksins en danska landsliðið er nú í sjötta sæti á Styrkleikalista FIFA yfir bestu kvennalandslið heims.

Þetta var ekki umferð toppliðanna í 1. deildinni

Spennan í 1. deild karla magnaðist mikið eftir leiki 12. umferðarinnar sem lauk í gær. Selfoss fékk tækifæri til að stórauka forskot sitt en örlög liðsins urðu svipuð að allra hinna liðanna í efstu sætunum.

Stelpurnar lentu í umferðarteppu - leiknum seinkað

Íslenska kvennalandsliðið tafðist í mikilli umferð á leiðinni á leikstað en stelpurnar áttu að mæta Dönum klukkan 13.00.

Sigurður Ragnar breytir bara um markvörð fyrir Danaleikinn

Sigurður Ragnar Eyjólfsson, landsliðsþjálfari kvennalandsliðsins, gerir aðeins eina breytingu á byrjunarliði liðsins frá sigurleiknum á móti Englandi á fimmtudaginn en stelpurnar okkar mæta Dönum í vináttulandsleik klukkan 13.00 í dag að íslenskum tíma.

Umfjöllun: Grindvíkingar fóru á kostum í síðari hálfleik

Frábær síðari hálfleikur hjá Grindvíkingum sá til þess að 4-2 sigur vannst gegn Stjörnunni í Pepsi-deild karla á Grindavíkurvelli í kvöld en staðan var 0-1 fyrir Stjörnunni í hálfleik.

Magnús: Það verður flug á okkur í seinni umferðinni

Magnús Þorsteinsson tryggði Keflavík jafntefli á móti FH á Kaplakrikavelli í dag með því að skora jöfnunarmarkið í lok leiksins. Þetta var fjórða mark hans í síðustu fjórum leikjum á móti FH.

Davíð Þór: Vorum algjörir klaufar að klára þetta ekki

Davíð Þór Viðarsson, fyrirliði FH, átti fínan leik á miðjunni í dag og kom FH-liðinu í gang á ný þegar hann jafnaði leikinn með skalla eftir hornspyrnu Tryggva Guðmundssonar.

Kristján Guðmundsson: Lasse kom okkur aftur inn í þetta

Kristján Guðmundsson, þjálfari Keflavíkur, er eini þjálfarinn í Pepsi-deild karla sem hefur náð að stoppa Íslandsmeistarana í FH. Keflavík tryggði sér 2-2 jafntefli á móti FH í Kaplakrika í dag og hefur því tekið fjögur stig út úr tveimur leikjum á móti FH í sumar.

Matthías Vilhjálmsson: Lélegasta víti sem ég hef séð tekið á Íslandi

Matthías Vilhjálmsson fékk gullið tækifæri til þess að innsigla sigur FH á Keflavík í Pepsi-deildinni en lét verja frá sér víti í stöðunni 2-1 fyrir FH. Keflavík nýtti sér það og tryggði sér jafntefli í lokin.

Hrakfarir Skagamanna halda áfram - Þór vann á Akranesi

Þór vann 2-1 sigur á ÍA í 1. deild karla í dag. Þetta var þriðja tap Skagamanna í röð og annað tapað liðsins á heimavelli á fjórum dögum. Tap Skagamanna og sigur Aftureldingar á Fjarðabyggð í dag þýða að ÍA-liðið er aðeins tveimur stigum frá fallsæti í 1. deildinni.

KA-menn unnu topplið Selfoss fyrir norðan

KA stöðvaði sigurgöngu Selfoss í 1. deild karla með 2-0 sigri í leik liðanna á Akureyrarvellinum í dag. Það voru þeir Bjarni Pálmason og David Disztl sem skoruðu mörk KA.

Guðbjörg verður í markinu á móti Dönum á morgun

Sigurður Ragnar Eyjólfsson, landsliðsþjálfari kvenna í fótbolti, tilkynnir ekki byrjunarlið sitt í æfingaleik á móti Dönum fyrr en í kvöld en þjóðirnar mætast á Englandi á morgun. Það er löngu ákveðið að Guðbjörg Gunnarsdóttir verður í markinu en Þóra Björg Helgadóttir var í markinu á móti Englandi.

Umfjöllun: Keflavík stöðvaði ellefu leikja sigurgöngu FH í Pepsi-deildinni

Keflavík stöðvaði ellefu leikja sigurgöngu Íslandsmeistara FH í Pepsi-deild karla í dag þegar liðin gerðu 2-2 jafntefli í Kaplakrikanum. Magnús Þorsteinsson tryggði Keflavík stig með marki á 89. mínútu leiksins eftir sendingu Símuns Samuelsen sem var FH-ingum erfiður í dag. Lykilatvik á lokamínútunum var þó þegar Lasse Jörgensen, varði vítaspyrnu Matthíasar Vilhjálmssonar sem hefði annars komið FH í 3-1 í leiknum.

Síðustu sex leikir FH og Keflavíkur hafa unnist á sigurmarki

Það má örugglega búast við jöfnum og spennandi leik milli FH og Keflavíkur í 12. umferð Pepsi-deildar karla á Kaplakrikavellinum klukkan 16.00 í dag. Keflavík er eina íslenska liðið sem hefur unnið FH í sumar og undanfarin þrjú sumur hafa allir leikir liðanna ráðist á einu marki.

Aðeins einn Keflvíkingur fæddur þegar þeir unnu síðast í Krikanum

Keflvíkingar heimsækja topplið FH-inga í fyrsta leik 12. umferðar Pepsi-deildar karla á Kaplakrikavellinum klukkan 16.00 í dag. Keflvíkingar hafa ekki unnið leik í efstu deild í Hafnarfirði síðan að þeir unnu þar 17.maí 1980.

Selfyssingar senda beina útvarpslýsingu heim í Ölfusið

Selfyssingar eiga möguleika á að ná átta stiga forustu í 1. deild karla með sigri á KA á Akureyrarvelli í dag þar sem hvorki Haukum né HK tókst að vinna sína leiki í dag. Fjarðabyggð getur reyndar komist í annað sætið vinni liðið Aftureldingu á Varmárvelli.

Keflvíkingar yfir í hálfleik á móti Íslandsmeisturunum

Keflavík er 1-0 yfir á móti Íslandsmeisturum FH í opnunarleik 12. umferðar Pepsi-deildar karla. Það var fyrirliði Keflavíkur, Guðjón Árni Antoníusson, sem skoraði eina mark leiksins til þessa með skalla af stuttu færi eftir aukaspyrnu.

Athyglisverð úrslit í 1. deild

Þrír leikir voru í 1. deild karla í kvöld. Víkingur Ólafsvík tapaði 1-4 fyrir nöfnum sínum í Víkingi Reykjavík, ÍR vann HK 3-1 og Haukar gerðu 1-1 jafntefli við Leiknismenn.

Grindavík vill semja við Moen

Grindvíkingar hafa áhuga á að semja við norska sóknarmanninn Tor Erik Moen sem hefur æft með liðinu í vikunni. Ingvar Guðjónsson, framkvæmdastjóri Grindavíkur, segir að Moen hafi litið vel út á æfingum.

KR lánar Guðmund Pétursson í Breiðablik

KR hefur ákveðið að lána sóknarmanninn Guðmund Pétursson í Breiðablik en hann mun leika með Kópavogsliðinu út tímabilið. Guðmundur kom til KR frá ÍR sumarið 2006 en hefur að mestu verið notaður sem varamaður.

Þróttarar búnir missa tvo Hirti Hjartarsyni á tveimur dögum

Það er greinilega ekki gott að heita Hjörtur Hjartarson hjá Þrótti þessa daganna ef marka má að tveir sóknarmenn með þessu nafni hafa yfirgefið Laugardalinn í þessarri viku.

Þróttur fær breskan sóknarmann frá Færeyjum

Þróttur hefur samið við breskan sóknarmann, Sam Malsom, en hann hefur undanfarin tvö ár verið meðal bestu leikmanna B36 í Færeyjum. Malsom er 21. árs og tekur þátt í sinni fyrstu æfingu í kvöld.

Arnar orðinn leikmaður Vals - Bjarki líklega eftir helgi

Valsmenn hafa sent frá sér fréttatilkynningu en Arnar Gunnlaugsson er orðinn leikmaður liðsins. Bjarki bróðir hans mun svo væntanlega vera orðinn formlega leikmaður Vals eftir helgi.

Meiðsli Atla Viðars ekki eins slæm og talið var

Atli Viðar Björnsson, sóknarmaður FH, meiddist í Evrópuleiknum gegn Aktobe í vikunni. Í fyrstu var talið að hann yrði frá í tvær vikur vegna þessara meiðsla.

Margrét Lára var búin að bíða í 521 mínútu eftir marki

Margrét Lára Viðarsdóttir var aftur á skotskónum með íslenska kvennalandsliðinu í sigrinum á Englandi í gær. Þetta var 44. landsliðsmark hennar í 52 leikjum en jafnframt það fyrsta síðan að hún skoraði í sigurleiknum á móti Írlandi 30. október í fyrra.

Fjórir íslenskir fulltrúar í nefndum UEFA - Geir í dómaranefnd UEFA

Framkvæmdastjórn UEFA kom saman í byrjun þessa mánaðar og skipaði í nefndir á vegum sambandsins og eru fjórir Íslendingar nú í nefndum Knattspyrnusambandsins Evrópu.

Orðið ljóst hvað bíður KR og Fram ef þau komast áfram

Nú er nýbúið að draga í þriðju umferð í undankeppni Evrópudeildar UEFA en þar eru tvö íslensk lið, KR og Fram, í flottum málum eftir glæsilega leiki í fyrri leik annarrar umferðar í gærkvöldi. Fram færi til Skotlands og KR færi Sviss eða Andorra, omist þau áfram í næstu viku.

Fyrsti sigur kvennalandsliðsins á Englandi í sögunni

Íslenska kvennalandsliðið vann sögulegan sigur á því enska í Colchester í gærkvöldi þegar stelpurnar okkar unnu sanngjarnan 2-0 sigur á níundu bestu knattspyrnuþjóð heims samkvæmt styrkleikalista FIFA. Þetta var í fyrsta sinn frá upphafi sem Ísland vinnur England en besti árangurinn fyrir leikinn var eitt jafntefli í níu leikjum.

Baldur: Leikskipulagið gekk frábærlega upp

Mývetningurinn Baldur Sigurðsson skoraði fyrra mark KR í 2-0 sigrinum á Larissa í Evrópudeild UEFA á KR-velli í kvöld.

Björgólfur: Allir voru að skila sínu

Framherjinn Björgólfur Takefusa átti frábæra innkomu í 2-0 sigri KR gegn Larissa í kvöld og skoraði seinna mark Vesturbæinga í uppbótartíma venjulegs leiktíma.

Umfjöllun: Nánast fullkominn leikur hjá KR-ingum

Bikarmeistarar KR unnu frækinn 2-0 sigur gegn gríska félaginu Larissa í Evrópudeild UEFA á KR-velli í kvöld. Skipulagður varnarleikur, barátta og góð liðsheild skóp sigurinn fyrir Vesturbæinga sem fara út með gott veganesti fyrir seinni leikinn í Grikklandi.

Sigurður Ragnar: Erum lið sem erfitt er að vinna

Íslenska kvennalandsliðið vann í kvöld glæsilegan sigur á því enska í æfingaleik sem fram fór í Colchester á Englandi. Ísland vann 2-0 með mörkum frá Hólmfríði Magnúsdóttur og Margréti Láru Viðarsdóttur.

Kvennalandsliðið vann England í kvöld

Íslenska kvennalandsliðið vann 2-0 sigur á Englandi í vináttulandsleik Colchester í Englandi í kvöld. Hólmfríður Magnúsdóttir og Margrét Lára Viðarsdóttir skoruðu mörk íslenska liðsins í sitthvorum hálfleiknum.

Arnar og Bjarki skrifa undir við Val á morgun

Samkvæmt áreiðanlegum heimildum munu Arnar og Bjarki Gunnlaugssynir skrifa undir samninga við Val á morgun. Í gær var tilkynnt að þeir væru hættir sem spilandi þjálfarar 1. deildarliðs ÍA.

Framarar gerðu 1-1 jafntefli í Tékklandi

Framarar náðu flottum úrslitum í fyrri leik sínum gegn Sigma Olomouc í Evrópudeild UEFA í kvöld. Leikurinn endaði með jafntefli 1-1 en síðari leikurinn verður hér heima í næstu viku.

Eurosport-menn töldu FH-liðið vera frá Færeyjum

Stórsigur Aktobe á FH vakti athygli fréttastofu Eurosport sem fjallaði um leikinn á fréttastöð sinni, Eurosport 2, í gærkvöldi og í nótt. Það er ekkert óvenjulegt við að nema að þar var alltaf talað um að Aktobe hafi farið í góða ferð til Færeyja en ekki til Íslands.

Hægt að hlusta á nýja FH-lagið á netinu - "FH fyrir alla"

FH-ingar eru kannski ennþá að sleikja sárin eftir slæma útreið í Evrópukeppninni í gær en liðið tapaði þá 0-4 fyrir Aktobe frá Kasakstan. Þeir ættu að geta tekið gleði sína með því að hlusta á nýja FH-lagið sem var kynnt á leiknum í gær.

Andri Steinn samdi við Fjölni

Andri Steinn Birgisson hefur skrifað undir samning við Fjölni eins og búist var við. Samningurinn er út tímabilið en Andri yfirgaf herbúðir norska neðrideildarliðsins Asker fyrir skömmu.