Umfjöllun: Grindvíkingar fóru á kostum í síðari hálfleik

Frábær síðari hálfleikur hjá Grindvíkingum sá til þess að 4-2 sigur vannst gegn Stjörnunni í Pepsi-deild karla á Grindavíkurvelli í kvöld en staðan var 0-1 fyrir Stjörnunni í hálfleik.

Jóhann Laxdal kom Stjörnunni yfir á 1. mínútu leiksins en svo komu þrjú mörk frá Grindvíkingum. Óli Baldur Bjarnason jafnaði leikinn á 58. mínútu en Gilles Mbang Ondo kom heimamönnum yfir á 61. mínútu.

Zoran Stamenic skoraði svo gull af marki á 79. mínútu áður en Arnar Már Björgvinsson minnkaði muninn stuttu síðar.

Scott Ramsay gerði hins vegar út um leikinn á 83. mínútu og niðurstaðan 4-2 sigur Grindvíkinga.

Grindvíkingar voru stórhættulegir í skyndisóknum sínum í síðari hálfleik með þá Scott Ramsay og Jósef Kristinn Jósefsson í miklu stuði en Gilles Mbang Ondo var einnig mjög líflegur og lét varnarmenn Stjörnunnar hafa mikið fyrir sér.

Varnarlega voru Grindvíkingar líka sæmilega þéttir og greinilegur styrkur fyrir liðið að fá Óla Stefán Flóventsson í miðju varnarinnar við hlið hins trausta Zoran Stamenic.

Stjörnumenn voru ólíkir sjálfum sér í síðari hálfleik og reyndar greinilegt að liðið saknaði hins meidda Steinþórs Freys Þorsteinssonar og Halldórs Orra Björnssonar sem tók út leikbann.

Gestirnir gátu þó líka sjálfum sér um kennt að hafa ekki náð að skora fleira en eitt mark í fyrri hálfleik, því marktækifærin voru til staðar.

Spennandi verður að sjá hvað gerist í framhaldinu hjá þessum liðum. Hvort Grindvíkingar nái að slíta sig frá fallbaráttunni og hvort Stjörnumenn hangi í toppbaráttunni áfram eftir tvo tapleiki í röð.

Tölfræðin:

Grindavík - Stjarnan 4-2

0-1 Jóhann Laxdal (1.)

1-1 Óli Baldur Bjarnason (58.)

2-1 Gilles Mbang Ondo (61.)

3-1 Zoran Stamenic (79.)

3-2 Arnar Már Björgvinsson (81.)

4-2 Scott Ramsay (83.)

Grindavíkurvöllur, áhorfendur 634

Dómari: Eyjólfur M. Kristinsson (6)

Skot (á mark): 16-9 (8-5)

Varin skot: Óskar 3 - Bjarni Þórður 4

Horn: 6-3

Aukaspyrnur fengnar: 18-16

Rangstöður: 4-2



Grindavík 4-5-1

Óskar Pétursson 6

Ray Anthony Jónsson 6

*Zoran Stamenic 7 - Maður leiksins

Óli Stefán Flóventsson 7

Bogi Rafn Einarsson 6

(86., Emil Daði Símonarson -)

Scott Ramsay 7

Orri Freyr Hjaltalín 7

Eysteinn Húni Hauksson 6

(89., Páll Guðmundsson -)

Þórarinn Brynjar Kristjánsson 5

(36., Óli Baldur Bjarnason 7)

Jósef Kristinn Jósefsson 7

Gilles Mbang Ondo 7

Stjarnan 4-5-1

Bjarni Þórður Halldórsson 5

Guðni Rúnar Helgason 5

Tryggvi Sveinn Bjarnason 6

Daníel Laxdal 5

Hafsteinn Rúnar Helgason 5

(46., Arnar Már Björgvinsson 6)

Jóhann Laxdal 6

Andri Sigurjónsson 4

Björn Pálsson 5

Birgir Hrafn Birgisson 4

(72., Richard Hurlin -)

Ellert Hreinsson 4

Magnús Björgvinsson 3

(72., Heiðar Alti Emilsson -)

Boltavakt Vísis og Fréttablaðsins var með beina lýsingu frá leik Grindavíkur og Stjörnunnar í 12. umferð Pepsi-deildar karla.

Smelltu hér til að opna Boltavaktina og lesa lýsingu leiksins: Grindavík - Stjarnan

Það er einnig hægt að nálgast Boltavaktina í Vodafone Live! farsímaþjónustunni.