Ungverji þjálfar handknattleikslið Fram

Handknattleiksdeild Fram hefur samið við ungverska þjálfarann Ferenc Buday um að þjálfa meistaraflokk karla næstu tvö árin. Hann tekur við af Guðmundi Þórði Guðmundssyni, fyrrverandi landsliðsþjálfara, sem ákvað að hætta með liðið í vor.

Íslenska landsliðið upp um eitt sæti á lista FiFA

Íslenska landsliðsið í knattspyrnu er í 96. sæti á nýjum styrkleikalista FIFA sem birtur var í morgun. Liðið fer upp um eitt sæti frá því í síðasta mánuði.

Warnock hættur

Neil Warnock, framkvæmdastjóri Sheffield United, er hættur hjá félaginu. Frá þessu var sagt í morgun. Félagið féll sem kunnugt er úr úrvalsdeildinni á sunnudaginn þegar það tapaði fyrir Wigan, 1 - 2. Félagið mun halda fréttamannafund klukkan tíu vegna málsins. Warnock hafði verið við stjórn hjá félaginu frá árinu 1999.

Matthías Guðmundsson er leikmaður 1. umferðar

Eins og venja er orðin frá fyrri Íslandsmótum mun Fréttablaðið standa fyrir vali á liði og leikmanni hverrar umferðar að henni lokinni. Í þetta sinn varð Matthías Guðmundsson, sóknarmaður FH, fyrir valinu. Hann skoraði eitt marka FH í 3-2 sigri liðsins á ÍA á útivelli í opnunarleik mótsins.

NBA: Þrír leikmenn í bann

Handalögmál leikmanna Phoenix og San Antonio í leik liðanna í úrslitakeppni NBA í fyrrakvöld höfðu alvarlegar afleiðingar í för með sér fyrir liðin. Robert Horry, leikmaður San Antonio var í kvöld dæmdur í tveggja leikja bann og þeir Amare Stoudemire og Boris Diaw hjá Phoenix í eins leiks bann.

Björgólfur bjargaði toppsætinu fyrir FH-inga

Í lok hverrar umferðar í efstu deild Íslandsmóts karla mun Fréttablaðið gera upp liðna umferð með þeim hætti sem sést nú. Lesendur geta glöggvað sig á ýmissi tölfræði, velt fyrir sér vali á liði og leikmanni umferðarinnar auk þess sem við veljum þau bestu ummæli sem látin voru falla í tengslum við leikina fimm.

Allardyce: Vill ekki missa framherja sína

Sam Allardyce, nýráðinn stjóri Newcastle í ensku úrvalsdeildinni, segir ekki koma til greina að selja framherjann Michael Owen frá félaginu eins og bresku blöðin hafa slúðrað um síðustu vikur.

Ronaldo hafði áhyggjur af hárinu

Breska blaðið The Sun greinir frá því í dag að Cristiano Ronaldo hafi látið bíða eftir sér á bikarafhendingunni hjá Manchester United um helgina því hann hafi þurft að laga hárgreiðsluna sérstaklega áður en hann gekk inn á völlinn til að taka við bikarnum.

Framtíð Warnock óráðin

Á morgun verður haldinn blaðamannafundur í herbúðum Sheffield United og þar mun væntanlega koma í ljós hvernig verður með framtíð knattspyrnustjórans Neil Warnock. Liðið féll úr úrvalsdeildinni á lokadeginum um helgina eftir að hafa verið í ágætri stöðu á lokasprettinum.

Jewell lofar að fara ekki til Manchester City

Paul Jewell, fyrrum stjóri Wigan, segist hafa lofað stjórnarformanni Wigan að hann muni ekki taka við liði Manchester City. Veðbankar á Englandi eru harðir á því að Jewell verði eftirmaður Stuart Pearce hjá City, en hann segist ætla að hlaða rafhlöðurnar á næstu mánuðum í stað þess að fara beint í þjálfun á ný.

Davis og Richardson mega spila í kvöld

Þeir Baron Davis og Jason RIchardsson mega báðir leika með liði Golden State Warriors gegn Utah Jazz í úrslitakeppni NBA í kvöld þrátt fyrir að hafa gerst sekir um agabrot í síðasta leik. Fimmti leikur liðanna verður í beinni á NBA TV klukkan hálf þrjú í nótt.

Nowitzki tók við verðlaunum sínum í dag

Þjóðverjinn Dirk Nowitzki hjá Dallas var í dag formlega sæmdur verðlaunum fyrir að vera valinn verðmætasti leikmaður deildarkeppninnar í NBA, en fréttir þess efnis höfðu löngu lekið í fjölmiðla. Nowitzki er fyrsti Evrópubúinn sem hlýtur þennan heiður, en verður leikmanninum líklega lítil huggun eftir að lið hans var niðurlægt í úrslitakeppninni á dögunum.

Mourinho íhugar að setja markvörð í framlínuna

Jose Mourinho segir að til greina komi að markvörðurinn Hilario verði notaður sem varaframherji í úrslitaleiknum í enska bikarnum um helgina. Chelsea er í miklum vandræðum með meiðsli lykilmanna og því íhugar knattspyrnustjórinn að grípa til þessara örþrifaráða.

Neville missir af úrslitaleiknum

Manchester United verður án fyrirliða síns Gary Neville í úrslitaleiknum í enska bikarnum á laugardaginn vegna ökklameiðsla hans. Þetta staðfesti félagið í dag. Þegar hefur verið staðfest að Chelsea verður án Ricardo Carvalho, Andriy Shevchenko og Michael Ballack. Leikurinn um helgina verður sýndur beint á Sýn.

Eboue framlengir við Arsenal

Bakvörðurinn Emmanuel Eboue hefur framlengt samning sinn við Arsenal. Hann er 23 ára gamall og spilaði 34 leiki fyrir liðið á leiktíðinni. Eboue kom til Arsenal frá Beveren í janúar árið 2005 en enn hefur ekkert verið gefið upp um lengd samningsins sem hann undirritaði í dag.

Platini vill fjölga dómurum

Michel Platini, nýkjörinn forseti Knattspyrnusambands Evrópu, vill fjölga dómurum á knattspyrnuleikjum úr þremur í fimm. Auk aðaldómara og tveggja aðstoðardómara, vill Platini planta tveimur dómurum aftan við mörkin til að aðstoða við vafaatriði sem hann segir allt of mörg í leiknum í dag.

Xavier til LA Galaxy

Portúgalski varnarmaðurinn Abel Xavier hefur gengið frá 18 mánaða samningi við bandaríska knattspyrnufélagið LA Galaxy. Xavier var með lausa samninga hjá Middlesbrough á Englandi en verður nú félagi David Beckham í Los Angeles. Xavier er 34 ára gamall og lauk fyrir stuttu árslöngu keppnisbanni vegna steranotkunar.

Þriðjudagsslúðrið á Englandi

Breska blaðið The Sun segir að argentínski framherjinn Carlos Tevez muni fara frá West Ham til Real Madrid í sumar fyrir 30 milljónir punda og segir að Lundúnafélagið muni ekki fá eina krónu af kaupvirðinu. Þá segir Daily Express að framtíð leikmannsins muni ráðast í næstu viku.

Hamilton mun setja nýja staðla

Breski ökuþórinn Lewis Hamilton hjá McClaren mun setja nýja staðla í Formúlu 1 ef hann heldur áfram á sömu braut. Þetta sagði fyrrum heimsmeistarinn Jackie Stewart eftir að hann horfði á nýliðann ná efsta sætinu í keppni ökuþóra um helgina með því að ná öðru sætinu í spænska kappakstrinum um helgina.

Gerrard tilbúinn að skrifa undir

Steven Gerrard, fyrirliði Liverpool, segir viðræður um nýjan samning við félagið vera komnar langt á veg og segist muni skrifa undir um leið og pappírarnir komi á borðið. Gerrard á tvö ár eftir af samningi sínum við félagið en mun væntanlega skrifa undir nýjan fjögurra ára samning fljótlega. Talið er að hann muni fá allt að 120,000 pund í vikulaun.

Pearce: Ég var aðeins afleysingastjóri

Stuart Pearce, fráfarandi knattspyrnustjóri Manchester City, segist ekki sjá eftir neinu í stjórnartíð sinni hjá félaginu, en segist þó hafa á tilfinningunni að hann hafi ekki verið annað en afleysingastjóri vegna þess hve lítið fé honum var veitt til að kaupa leikmenn.

FIFA ætlar að rannsaka mál West Ham

Alþjóða knattspyrnusambandið hefur gefið það út að það muni rannsaka hvort draga hefði átt stig af enska úrvalsdeildarliðinu West Ham í vor vegna félagaskipta þeirra Javier Mascherano og Carlos Tevez.

Gríðarlega mikilvægur sigur hjá Phoenix

Tveir leikir fóru fram í úrslitakeppni NBA í nótt. Phoenix vann góðan útisigur á San Antonio 104-98 og jafnaði þar með metin í 2-2 í einvígi liðanna í undanúrslitum Vesturdeildarinnar og Cleveland komst í 3-1 gegn New Jersey með 87-85 sigri á útivelli.

Allardyce ráðinn stjóri Newcastle

Sam Allardyce hefur verið skipaður framkvæmdastjóri Newcastle. Liðið skýrði frá þessu nú í morgun. Hann var ráðinn á þriggja ára samning. Allardyce var lengi vel framkvæmdastjóri Bolton. Hann fyllir nú skarðið sem Glenn Roeder skildi eftir sig en hann hætti sem framkvæmdastjóri Newcastle eftir slakan árangur liðsins í vetur en það endaði í 13. sæti ensku deildarinnar.

Eiður Smári sagður á óskalista Curbishleys

Eiður Smári Guðjohnsen, leikmaður Barcelona og fyrirliði íslenska landsliðsins í knattspyrnu, er meðal þeirra sem eru á óskalista Alans Curbishleys, knattspyrnustjóra West Ham, fyrir næstu leiktíð.

Verð áfram í Keflavík

Magnús Þór Gunnarsson hefur samið við Keflavík til eins árs en hann skoðaði það einnig vandlega að ganga til liðs við Snæfell. „Ætli Keflavíkurhjartað hafi ekki slegið hraðar en Snæfellshjartað að þessu sinni,“ sagði Magnús við Fréttablaðið.

Þjálfari KR ósáttur við tapið gegn Keflavík

Teitur Þórðarson, þjálfari KR, var að vonum ósáttur við tap sinna manna gegn Keflavík fyrr í kvöld. Liðin áttust við á heimavelli KR í lokaleik fyrstu umferðar Landbankadeildar karla og lauk leiknum með sigri Keflavíkur, 1-2.

Keflavík sigraði KR, 1-2

Keflavík bar sigurorð af KR í lokaleik fyrstu umferðar Landsbankadeildar karla í kvöld. Lokastaðan var 1-2 Keflavík í vil. Þrátt fyrir að KR-ingar hafi átt nokkrar góðar atlögur að marki Keflvíkinga voru Keflvíkingarnir ívið sterkari megnið af leiknum og áttu sigurinn verðskuldaðan. Leikurinn fór fram í blíðskaparveðri á heimavelli KR í Frostaskjóli.

Everton losar sig við Wright og Pistone

Úrvalsdeildarliðið enska Everton hefur losað sig við tvo leikmenn sína. Þá Richard Wright, markvörð, og varnarmanninn Alessandro Pistone.

Federer keppir þjálfaralaus

Tenniskappinn Roger Federer mætir til leiks á opna franska mótið og Wimbleton mótið þjálfaralaus. Hann er kærir sig ekki um að skarð fyrrum þjálfara síns, Tony Roche, verði fyllt í bráð.

Sam Allardyce líklega næsti stjóri Newcastle

Margt bendir til þess að Sam Allardyce verði næsti knattspyrnustjóri Newcastle. Umræður eru yfirstandandi milli Allardyce og stjórnar Newcastle og boðað hefur verið til blaðamannafundar á morgun þar sem skýrt verður frá stöðu mála.

Ásthildur Helgadóttir ekki með gegn Englendingum

Íslenska kvennalandsliðið verður án Ásthildar Helgadóttur þegar það mætir Englendingum á fimmtudaginn næstkomandi. Ásthildur Helgadóttir er meidd og getur því ekki leikið. Í Hennar stað kemur Guðný Petrína Þórðardóttir úr Keflavík.

Rúnar Kristinsson verður til í slaginn í fjórðu umferð

Knattspyrnukappinn Rúnar Kristinsson mun að öllum líkindum ekki leika sinn fyrsta leik með KR fyrr en í fjórðu umferð Íslandsmótsins. Þetta segir Jónasar Kristinssonar, formaður KR sport.

Stuart Pearce rekinn frá Man. City

Stuart Pearce hefur verið vikið úr starfi sem knattspyrnustjóri Manchester City eftir tvö ár í starfi. Hann stýrði liðinu í 14 sæti ensku úrvalsdeildarinnar sem lauk um helgina.

Chris Hutchings tekur við Wigan

Chris Hutchings verður næsti knattspyrnustjóri Wigan og tekur við af Paul Jewell sem hefur sagt upp.

Paul Jewell hættur hjá Wigan

Paul Jewell hefur sagt upp sem knattspyrnustjóri Wigan, þrátt fyrir að hafa um helgina bjargað liðinu frá falli úr ensku úrvalsdeildinni.

Phil Mickelson sigraði á Players

Phil Mickelson fór með sigur af hólmi á Players meistaramótinu. Eftir glæsilegan lokahring endaði hann á 11 undir pari. Hlaut hann að launum 103 milljónir íslenskra króna.

Barcelona og Real Madrid jöfn að stigum

Barcelona missti unninn leik niður í jafntefli á lokamínútunni gegn Real Betis í gærkvöldi og deilir efsta sætinu með Real Madrid í spænsku úrvalsdeildinni í knattspyrnu. Real Madrid hafði náð toppnum á laugardagskvöldið og því var sigur mikilvægari er nokkurn tímann fyrir Barcelonamenn sem mættu gríðarlega ákveðnir til leiks.

Ömurlegt að skilja strákana eftir í skítnum

Hann var stuttur opnunarleikur Íslandsmótsins fyrir Skagamanninn Árna Thor Guðmundsson sem fékk að líta rauða spjaldið eftir aðeins 24 mínútna leik gegn Íslandmeisturum FH á laugardaginn. Árni Thor fékk þá sitt annað gula spjald en í því fyrra varði hann skot FH-ingsins Sigurvins Ólafssonar með hendi og gaf víti.

Fylkir stal öllum stigunum

Fylkir fór með þrjú stig úr Kópavoginum eftir 0-1 sigur á Blikum í gær. Blikar voru mun betri en Fylkir gerði það eina sem Blikum tókst ekki – að skora.

Framarar stálu stigi í lokin

Fyrsta mark Óðins Árnasonar í efstu deild í hans fyrsta leik með Fram tryggði Safamýrarliðinu 1-1 jafntefli gegn Val á Laugardalsvellinum í gær og sá til þess að Helgi Sigurðsson tryggði ekki Val sigur gegn sínum gömlu félögum.

Engin skrautsýning í Víkinni

Nýliðar HK fengu sitt fyrsta stig í efstu deild Íslandsmótsins í knattspyrnu í gær eftir litlaust jafntefli við Víkinga á útivelli. Gestirnir voru sprækari í fyrri hálfleik en Víkingar voru líklegri til að ná sigurmarkinu undir lok síðari hálfleiks.

Carlos Tevez fullkomnaði draumaendasprett West Ham

Bulls héldu velli

Chicago Bulls og Detroit Pistons áttust við í fjórða leik liðanna í beinni útsendingu á Sýn í gær. Leikurinn fór fram í Chicago. Detroit var búið að vinna fyrstu þrjá leikina í seríunni og gátu endað hana en Bulls voru á öðru máli.

Leita stuðnings til að höfða mál gegn West Ham

Sheffield United, sem féll úr ensku úrvalsdeildinni, hyggst leita stuðnings meðal annarra úrvalsdeildarfélaga til að höfða mál gegn West Ham í tengslum við málefni Argentínumannanna Carlosar Tevez og Javiers Mashcerano.