Ólétt kona meðal hinna myrtu

Fjórir ísraelskir landnemar, þar á meðal ófrísk kona, voru myrtir á Vesturbakkanum í kvöld. Forsætis- og varnarmálaráðherra Ísrael hafa fordæmt árásina en Hamassamtökin hafa lýst ábyrgð á ódæðinu. Fólkið var myrt í grennt við landnemabyggð gyðinga í Kiryat Arba í borginni Hebron.

Bætist í hóp fallinna hermanna

Fjórir bandarískir hermenn létust í morgun þegar sprengja sprakk í vegarkanti í suðurhluta Afganistans. Í gær létust sjö bandaríkjamenn í tveimur árásum og nálgast tala látinna hermanna nú 50 í þessum mánuði. Fleiri en 350 hermenn úr fjölþjóðaliðinu í landinu hafa fallið frá áramótum.

Bílabruni á Standsted

24 bílar brunnu í nótt á bílastæði við Standsted flugvöll á Englandi. Bílarnir voru í eigu ferðalanga sem geymdu þá á stæðinu á meðan haldið var út í heim. Eldurinn kviknaði fyrst í einum bíl og á öryggismyndavélum má sjá hvernig hann dreifði sér í nærliggjandi bíla á nokkrum mínútum. Það tók slökkviliðið um klukkustund að ráða niðurlögum eldsins en tjónið hleypur á milljónum króna.

Bretar og Frakkar samnýti flugmóðurskip

Bretar og Frakkar íhuga nú að notast við sameiginleg flugmóðurskip í sparnaðarskyni. Breska blaðið The Times greinir frá þessu í dag og segir að ákvörðunin verði mögulega tekin á fundi þeirra David Camerons forsætisráðherra Breta og Nicolaz Sarkozy forseta Frakklands sem fyrirhugaður er í Nóvember.

Hnattræn hlýnun: Lomborg breytir um stefnu

Einn helsti gagnrýnandi þeirra sem telja jörðinni stafa hætta af hlýnun af manna völdum virðist hafa skipt um skoðun. Danski prófessorinn Björn Lomborg hefur farið fremstur í flokki á meðal þeirra sem hafa gefið lítið fyrir hættuna af hlýnun jarðar og áhrifa manna á þá þróun. Hann hefur nú skrifað bók sem kemur út á næstunni en í henni segir hann að hnattræn hlýnun sé án efa ein af helstu hættum sem steðji að mannkyninu.

Handteknir á Schiphol

Lögreglan á Schiphol flugvelli í Hollandi handtók tvo menn í fyrrinótt við komuna til Amsterdam en þeir voru á leið frá Chicago í Bandaríkjunum. Grunur lék á að þeir væru með hluti á sér sem nota ætti til sprengjugerðar og voru þeir hnepptir í varðhald.

Barbie stungið í steininn í Mexíkó

Lögreglan í Mexíkó hefur handtekið háttsettann eiturlyfjasmyglara sem gengur undir nafninu Barbie.

Bjóða nágrönnum í norðri aðstoð

Suður Kóreumenn hafa boðist til að senda hjálpargögn til nágranna sinna í norðri en þetta er í fyrsta sinn sem slíkt tilboð um aðstoð berst frá því Norður-Kóreumenn söktu herskipi frá Suður Kóreu í mars.

Andleg heilsa verkamannanna betri

Námuverkamennirnir sem lokuðust í koparnámu á 700 metra dýpi í norðurhluta Chile fyrir þremur og hálfri viku segjast hafa það gott. Þeir gátu nýverið rætt við fjölskyldur sínar í gegnum síma. Samtölin gerðu að það verkum að andleg heilsa mannanna er nú mun betri en nokkrir þeirra voru farnir að sýna merki um þunglyndi.

Barnshafandi konur í bráðri hættu á flóðasvæðunum

Um hundrað þúsund barnshafandi konur eru í bráðri hættu á svæðunum sem urðu fyrir mestri eyðileggingu af völdum flóðanna í Pakistan. Að minnsta kosti hálf milljón barnshafandi kvenna hefur orðið fyrir barðinu á flóðunum en um hundrað þúsund þeirra eiga von á sér á næstu mánuðum. Margar þeirra munu þurfa að eiga börn sín í bráðabirgðaskýlum, án aðgangs að hreinu vatni og heilbrigðisþjónustu og umkringdar menguðu flóðavatni.

Myrti sex úr sömu fjölskyldunni

Sex af fórnarlömbum byssumannsins sem myrti sjö og særði 14 í slóvösku höfuðborginni Bratislava í morgun komu úr sömu fjölskyldunni. Maðurinn sem var vopnaður haglabyssu og tveimur skammbyssum var einn að verki. Hann tók eigið líf eftir að lögreglumenn króuðu hann af.

Fellibylurinn Earl sækir í sig veðrið

Fellibylurinn Earl sem nú blæs á Karíbahafi hefur sótt í sig veðrið og mælist nú annars stigs fellibylur. Vindhraðinn nær allt að 160 kílómetrum á klukkustund og búast veðurfræðingar við því að enn eigi eftir að bæta í vindinn í dag. Veðrið nálgast nú Bresku jómfrúreyjar og þar hefur verið sterkur vindur í morgun með mikilli rigningu. Viðvaranir hafa verið gefnar út á hinum fjölmörgu eyjum Karíbahafsins og búa eyjarskeggjar sig nú undir að standa af sér storminn.

Sex látnir eftir skotárás í Bratislava

Sex eru látnir hið minnsta og fjórtán eru særðir eftir að byssumaður vopnaður haglabyssu hóf skothríð í slóvösku höfuðborginni Bratislava í morgun. Fjórar konur og tveir menn létu lífið að því er þarlendir miðlar greina frá en fregnir af ódæðinu eru enn óljósar.

Níu látnir eftir bruna á elliheimili

Níu létust í morgun þegar eldur blossaði upp á elliheimili í Rússlandi um 150 kílómetra norður af Moskvu. Talið er að einn vistmanna heimilisins hafi kveikt eldinn en um 500 manns dvöldu á elliheimilinu.

Eldgos á Súmötru færist í aukana

Eldgosið sem hófst í gær á í Sinabung fjalli á eyjunni Súmötru í Indónesíu hefur færst í aukana en fjallið hefur verið óvirkt í rúm fjögur hundruð ár. Þúsundum manna hefur verið gert að yfirgefa heimili sín við rætur fjallsins og flugumferð hefur raskast vegna öskuskýsins sem nær nú um tvo kílómetra upp í loftið.

Námumennirnir geta nú talað við ástvini sína

Chílesku námumennirnir sem lokuðust í námagöngum á 700 metra dýpi á dögunum geta nú talað við fjölskyldur sínar í gegnum síma. Námumennirnir þrjátíu og þrír, sem sennilega verða lokaðir í prísund sinni fram að jólum, hafa nú fengið símalínu lagða til sín í gegnum göng og hefur símaklefa verið komið upp á yfirborðinu þar sem fjölskyldur þeirra bíða nú í röðum eftir að heyra í ástvinum sínum.

Bandarískir hermenn féllu í Afganistan

Sjö bandarískir hermenn létust um helgina í átökum í suðurhluta Afganistans. Tveir þeirra létust í sprengjuárásum í gær og þrír féllu í bardögum á laugardag. 42 bandarískir hermenn hafa þá látist það sem af er ágústmánuði í landinu en í júlí féllu 66 bandaríkjamenn.

Rússneskir nýnasistar réðust á tónleikagesti

Hundrað rússneskir nýnasistar réðust á tónlistarhátíð í landinu í nótt og slösuðu að minnsta kosti tíu tónleikagesti. Mennirnir voru vopnaðir kylfum og öðrum bareflum og létu þeir högg og spörk dynja á tónleikagestum en um þrjú þúsund manns sóttu hátíðina. Að sögn rússneskra miðla voru fimmtán þeirra teknir höndum en óljóst er enn um ástæðu árásarinnar á hátíðina þar sem margar af frægustu stjörnum Rússa tróðu upp.

Mad Men sigraði á Emmy hátíðinni

Bandaríska sjónvarpsþáttaröðin Mad Men bar sigur af hólmi á Emmy hátíðinni sem fram fór í nótt en þar er besta sjónvarpsefni ársins verðlaunað.

Bæjarstjóri myrtur í Mexíkó

Bæjarstjóri í bænum Hidalgo í Mexíkó var myrtur um helgina en alda ofbeldis í landinu virðist engan enda ætla að taka. Bæjarstjórinn var skotinn til bana í bifreið sinni og fjögurra ára gömul dóttur hans særðist einnig.

Fjölmenn borg á kafi í vatni

Pakistan, AP Nærri allir íbúar í Sujawal, 250 þúsund manna borg í sunnanverðu Pakistan, flúðu borgina í gær vegna flóðanna, sem vikum saman hafa valdið ómældu tjóni og þjáningum í landinu.

Obama minnist hörmunganna í New Orleans

Barack Obama, forseti Bandaríkjanna, er staddur í New Orleans. Tilefni heimsóknar hans er að fimm ár eru liðin síðan að fellibylurinn Katrina reið þar yfir. Hann heitir íbúum borgarinnar að hún verði byggð upp á nýtt.

Átök í klúbbhúsi Bandidos

Til vopnaskaks kom í klúbbhúsi Bandidos glæpasamtakanna í Osló í Noregi í kvöld. Þar beittu menn byssum og lögreglumenn sem höfðu afskipti af genginu voru líka vopnaðir byssum.

Salernisskál seldist fyrir 1,8 milljónir

Salerni sem John Lennon, söngvari Bítlanna, notaði hefur verið selt fyrir 9500 sterlingspund á uppboði í Liverpool. Upphæðin samsvarar um 1,8 milljónum króna.

Vill verðlauna þá sem fara í fíkniefnameðferð

Dómsmálaráðherra Dana, Lars Barfoed, vill verðlauna fíkla sem afplána refsingu í fangelsum ef þeir vilja sækja sér meðferð við fíkn sinni.

Vill efla samstarf NATO og ESB

Anders Fogh Rasmussen, framkvæmdastjóri Atlantshafsbandalagsins, vill efla samstarf bandalagsins og Evrópusambandsins á sviði varnarmála.

Dánarorsökin enn óljós

Enn liggur ekki fyrir hvernig Gareth Williams, starfsmaður bresku utanríkisleyniþjónustunnar MI6, var myrtur. Hann fannst látinn á heimili sínu í miðborg Lundúna á mánudag en þá var meira vika sem síðast sá til hans. Líkið fannst í poka í baðherbergi.

Kínverjar ósáttir vegna jarðarfarar mannræningjans

Kínversk yfirvöld hafa komið á framfæri megnri óánægju með jarðarför mannræningjans sem tók ferðamenn í gíslingu á Fillipseyjum í síðustu viku, en jarðarförin fór fram í dag.

Fyrstu myndir af Cameron og barninu

Breska forsætisráðuneytið hefur birt fyrstu myndirnar af nýfæddu barni Davids Cameron forsætisráðherra. Stúlkan heitir Florence Rose Endellion og fæddist á þriðjudag.

Öll póstdreifing úr skorðum í Danmörku

Öll póstdreifing fór úr skorðum í Danmörku í gær eftir að starfsmaður á póstafgreiðslu fann bréf með hvítu dufti. Í austurhluta Danmörku geta menn búist við seinkunum frammá miðvikudag eða fimmtudag.

Námuverkamenn í Chile fá sálfræðiaðstoð í gegnum talstöð

Fimm námuverkamenn í prísundinni í Chile munu njóta sálfræðimeðferðar í gegnum talstöð. Mennirnir eru farnir að sýna merki um þunglyndi.

Farþegar héldu að þeir myndu deyja

„Við neyðumst hugsanlega til þess að nauðlenda á sjónum innan stundar“. Svona hljóðuðu skilaboð úr tölvu í flugvél á vegum British Airways sem var á leið frá London til Hong Kong á dögunum. „Fólk var slegið. Við héldum öll að við myndum deyja,“ segir einn af farþegunum við breska blaðið The Sun.

Myndskeið birt af námuverkamönnunum

Birt hefur verið myndskeið af námuverkamönnunum 33 sem hafa verið fastir á 700 metra dýpi í koparnámu í Chile frá því 5. ágúst. Lagður hefur verið lítill stokkur niður í rýmið þar mennirnir eru. Í gegnum hann hafa þeir fengið vistir, bréf frá ættingjum og myndatökuvél. Á umræddu myndbandi segja mennirnir, sem margir hverjir eru berir að ofan og skeggjaðir, frá aðstæðunum í námunni.

Ætla að ráðast á hjálparstarfsfólk á flóðasvæðunum

Talíbanar hafa í hyggju að ráðast á hjálparstarfsmenn á flóðasvæðunum í Pakistan. Þeir segja veru útlendinga í landinu óásættanlega.

Carter fékk fangann látinn lausan

Jimmy Carter, fyrrverandi Bandaríkjaforseti, lagði af stað frá Norður-Kóreu í nótt þar sem honum tókast að fá látinn lausan bandarískan ríkisborgara sem setið hefur í fangelsi í landinu frá því í byrjun árs.

Þýsk poppstjarnan smitaði mann af HIV-veirunni

Nadja Benaissa söngkona úr þýsku stúlknasveitinni No Angels hlaut í gær tveggja ára skilorðsbundið fangelsi fyrir að smita fyrrverandi kærasta sinn af HIV-veirunni og einnig fyrir að hafa óvarin kynmök við tvo aðra menn en þeir smituðust ekki. Söngkonan viðurkenndi að hafa ekki upplýst mennina um að hún væri HIV-smituð en neitaði hins vegar alfarið að hafa reynt að smita þá viljandi.

Hvattir til að syngja og borða hóflega í námunni

Námuverkamennirnir 33 sem eru fastir í koparnámu í Chile eru hvattir til að syngja og spila til að viðhalda andlegri heilsu. Þá hafa þeir verið beðnir um að borða ekki of mikið svo þeir komist nú örugglega inn í göngin sem verið er að búa til að bjarga þeim úr prísundinni. Meira en þrjár vikur eru síðan mennirnir lokuðst inni á 700 metra dýpi í námunni þegar hluti hennar hrundi. Greint hefur verið frá því að það geti tekið allt að fjóra mánuði að ná mönnunum aftur upp á yfirborð.

Tugir manna myrtir sunnan landamæra

Lík 72 manna fundust á búgarði í Tamaulipas-héraði í Mexíkó, rétt sunnan landamæra Bandaríkjanna á þriðjudaginn. Fullvíst þykir að hinir látnu hafi verið innflytjendur frá Mið- og Suður-Ameríkuríkjum, sem hafi ætlað sér að komast norður yfir.

Grunsamlegt bréf vakti ugg

Starfsfólk á skrifstofu Sósíaldemókrataflokksins í Danmörku var sett í einangrun í nokkrar klukkustundir í gær eftir að grunsamlegt bréf barst á skrifstofuna.

Reyndi að fá fanga lausan

Jimmy Carter, fyrrverandi Bandaríkjaforseti, lagði leið sína til Norður-Kóreu í vikunni í þeirri von að fá látinn þar lausan Aijalon Gomes, bandarískan ríkisborgara sem hefur setið þar í fangelsi síðan í janúar.

Ungabarn sem úrskurðað var látið á lífi

Nýfætt barn sem ástralskir læknar höfðu úrskurðað látið komst aftur til lífs eftir að móðir þess hélt ungabarninu þétt upp að sér. Ýmsir telja þó að læknarnir hafi gert mistök.

Fleiri börn greinast með drómasýki í Finnlandi

Fleiri börn hafa greinst með drómasýki á síðustu sex mánuðum í Finnlandi en áður þekkist, og vilja einhverjir rekja það til bólusetningu við svínaflensu. Hætt hefur verið að gefa efnið Pandemix tímabundið, eða þar til niðurstaða liggur fyrir.

Flokksskrifstofa rýmd vegna dufts í bréfi

Sex starfsmenn á skrifstofu danska jafnaðarmannaflokksins í Frederiksberg í Kaupmannahöfn hafa verið settir í einangrun eftir að bréf sem innihélt hvítt duft barst skrifstofunni í morgun. Flokksskrifstofan var rýmd og lokaði lögregla götum í grennd við skrifstofuna.

NASA aðstoðar í Chile

Verkamönnunum sem eru fastir í námu í Chile hefur verið greint frá því þeir þurfi að dvelja niðurgrafnir til áramóta. Sérfræðingar frá NASA aðstoða nú við björgunaraðgerðirnar.

Hætta að niðurgreiða sígarettur á Kúbu

Stjórnvöld í Kúbu hafa tilkynnt að í næsta mánuði hætti þau að niðurgreiða sígarettur fyrir Kúbverja 55 ára og eldri líkt og hefur viðgengist um árabil. Þetta er gert til að draga úr kostnaði hins opinbera. Í hinu ríkisrekna dagblaði Granma segir ennfremur að sígarettur séu ekki meðal brýnustu lífsnauðsynjar.