Bílsprengja í Írak

Bílsprengja sem sprakk í Diyala héraði í Írak í dag varð 15 mönnum að aldurtila og slasaði að minnsta kosti 20. Að sögn lögreglu sprakk sprengjan við varðstöð lögreglu enda létust sjö lögreglumenn í tilræðinu. Al Kaída samtökin hafa enn sterka stöðu í héraðinu sem er norðan við Bagdad.

Enn eitt sjóránið undan Sómalíuströndum

Sjóræningjar réðust í gær á Japanskt flutningaskip undan ströndum Sómalíu, að því er Suður-Kóresk stjórnvöld segja. 23 eru í áhöfn skipsins og eru þeir allir í haldi sjóræningjanna. Áhafnarmeðlimir eru frá Suður-Kóreu og Fillipseyjum en ekki er vitað um ástand þeirra og líðan að svo stöddu. Skipið er tuttugu þúsund tonn að stærð og var það að flytja efnavörur.

Írakar samþykkja veru Bandaríkjamanna í þrjú ár í viðbót

Ríkisstjórn Íraks samþykkti í morgun samkomulag við Bandaríkjamenn sem heimilar veru bandarískra hermanna í Írak næstu þrjú árin til viðbótar. Samkomulagið verður lagt fyrir íraska þingið síðar í vikunni.

Skógareldar brenna enn í Kalíforníu

Slökkviliðsmenn í Kalíforníu berjast enn við skógarelda í Montecito sýsly í Los Angeles. Rúmlega tvö þúsund manns berjast við eldana sem loga á tveimur stöðum en hætta er talin á því að Los Angeles verði rafmagnlaus nái eldarnir að raforkuveri í nágrenninu. Mikill vindur er á svæðinu sem gerir slökkvistarf erfitt og nær ómögulegt er að beita flugvélum og þyrlum við slökkvistarfið.

Geimfarar drekka endurunnið þvag

Á verkefnalista geimfaranna sem lögðu af stað með geimferjunni Endeavour í gær áleiðis að alþjóðlegu geimstöðinni verður að koma fyrir nýju kerfi sem endurvinnur allt vatn um borð og gerir það drykkjarhæft. Þegar talað er um allt vatn um borð er einnig átt við þvagið úr geimförunum en þeir munu í framtíðinni drekka það.

Lítið að frétta frá Washington

Óvíst er að nokkur áþreifanleg niðurstaða fáist á leiðtogafundi um alheimskreppuna í Washington í dag. Leiðtogar nítján ríkja, forvígismenn Evrópusambandsins og fulltrúar alþjóðasamtaka sitja fundinn sem hófst í Washington í gærkvöldi.

Kona til æðstu metorða í Bandaríkjaher

Kona komst í fyrsta sinn í gær til æðstu metorða í bandaríska hernum. Ann Dunwoody varð þá fjögurra stjörnu hershöfðingi fyrst kvenna. Hún stjórnar birgðamálum fyrir herinn, hefur yfirumsjón með hergögnum hvers konar.

Tíu létust í bílsprengjuárás í Írak

Tíu manns létust og tugir eru slasaðir eftir að bílsprengja sprakk á bílasölu í norðurhluta landsins í bænum Tal Afar. Bærinn er í Nineveh héraði þar sem skæruliðar á vegum al Kaída hafa látið mikið til sín taka undanfarið.

Tamíltígrum stökkt á flótta

Stjórnarherinn á Srí Lanka segist hafa náð allri vesturströnd landsins á sitt vald og hrakið uppreisnarmenn Tamíltígra á flótta. Talið er að herinn geti innan tíðar sótt af fullri hörku úr þremur áttum að vígi tígranna í Kí-lí-nosjí.

Breskir íhaldsmenn óttast um pundið

Íhaldsmenn í Bretlandi óttast að dagar breska pundsins geti verið taldir vegna aðgerða ríkisstjórnar Verkamannaflokksins til bjargar bresku efnahagslífi. George Osborne, talsmaður Íhaldsflokksins í efnahagsmálum, segir í viðtali við breska blaðið Times í morgun að Gordon Brown, forsætisráðherra, sé of viljugur til að taka lán til að bjarga efnahag landsins.

Meira en 5 þúsund heimili rýmd vegna skógarelda

Að minnsta kosti 13 manns hafa slasast og 100 heimili eyðilagst í miklum eldum sem geysa í suðurhluta Kalíforníu, á stað sem oft er kallaður Riverían.

Obama mun funda með McCain á mánudag

Barack Obama, verðandi forseti Bandaríkjanna, mun hitta öldungadeildarþingmannin og fyrrverandi mótframbjóðanda sinn, John McCain, næstkomandi mánudag.

Ég hengi hann upp á eistunum sagði Putin

Vladimir Putin forsætisráðherra Rússlands var í miklum vígahug þegar stríðið við Georgíu stóð sem hæst.

Upplýst um dulnefni Baracks Obama

Bandaríska leyniþjónustan hefur meðal annars það hlutverk að gæta öryggis forsetans, fjölskyldu hans og háttsettra embættismanna.

Samþykkja að lengja kjörtímabil forseta Rússlands

Neðri deild rússneska þingsins samþykkti í dag með yfirgnæfandi meirihluta tillögu Medvedevs forseta um að lengja kjörtímabil forsetans úr fjórum árum í sex.

Verður Hillary utanríkisráðherra í ríkisstjórn Obama?

Barack Obama er að hugsa um að skipa Hillary Clinton í embætti utanríkisráðherra, að sögn innanbúðarmanna í herbúðum hins nýkjörna forseta.

NASA birtir myndir af plánetum í öðru sólkerfi

NASA birtir í dag í fyrsta sinn myndir af plánetum utan okkar sólkerfis. Með allra nýjustu tækni í ljósmyndun með stjörnusjónauka hefur vísindamönnum NASA auðnast að ná myndum af fjórum plánetum sem nýlega voru uppgötvaðar utan okkar sólkerfis.

Obama hverfur af þingi á sunnudag

Barack Obama hefur sagt af sér embætti öldungadeildarþingmanns frá og með næsta sunnudegi.

Kínverjar hafa ekki áhuga á að hjálpa öðrum

Það mætti ætla að Kínverjar væru nokkuð ánægðir með 9 prósenta hagvöxt á síðasta ársfjórðungi.

Hittir loksins Dalai Lama

Nicolas Sarkozy, Frakklandsforseti, mun funda með Dalai Lama, andlegum leiðtogi Tíbeta, í næsta mánuði í Póllandi.

Fritzl ákærður fyrir morð

Austurríkismaðurinn Josef Fritzl hefur verið ákærður fyrir morð á einu þeirra sjö barna sem hann eignaðist með dóttur sinni. Það lést skömmu eftir fæðingu, í kjallaranum þar sem Fritzl hélt dótturinni fanginni í 24 ár.

Talibanar vilja stöðva aftökur - annarra

Afganistan hóf aftökur á nýjan leik í þessari viku eftir árs hlé. Níu manns hafa verið teknir af lífi fyrir morð, nauðganir og mannrán. Þrír talibanar voru í þeim hópi.

Rússar tilbúnir að hætta við eldflaugar

Það hefur farið ósegjanlega í taugarnar á Rússum að Bandaríkjamenn skuli ætla að setja upp tíu loftvarnaeldflaugar í Póllandi.

Danskur hermaður dæmdur fyrir voðaskot

Dómstóll í Hilleröd í Danmörku dæmdi í dag danskan hermann í sex mánaða fangelsi fyrir að hafa orðið félaga sínum í hernum að bana í búðum Dana í Afganistan fyrr á árinu.

Stór-glæpamaður of stór fyrir fangaklefa

Kanadískum fanga var sleppt úr fangelsi áður en hann hafði afplánað dóm sinn þar sem hann var of feitur til að rúmast í fangaklefa.

Úrgangi fargað á laun á Ítalíu

Ítölsk heilbrigðisyfirvöld rak í rogastans þegar þau uppgötvuðu iðnaðarúrgang sem hafði verið grafinn niður með leynd í úthverfi Napólí.

Norskir innbrotsþjófar slá af kröfunum

Óprúttnir aðilar sjá sér víða leik á borði og Norðmenn horfa nú upp á öldu rána og þjófnaða sem enginn eðlilegur þjófur hefði látið standa sig að fyrir aðeins nokkrum vikum.

Spá 45 prósenta aukningu gróðurhúsalofttegunda

Ekki er útilokað að gróðurhúsalofttegundir í andrúmslofti jarðar muni aukast um 45 prósent fram til ársins 2030.

Hvalir áfram kvaldir

Hæstiréttur Bandaríkjanna hefur úrskurðað að sjóherinn megi nota bergmálstæki á æfingum sínum undan suðurströnd Kaliforníu án takmarkana vegna hvala.

Ahmadinejad brýnir Obama

Allir sem vinna gegn írönsku þjóðinni verða kramdir, að sögn Mahmoud Ahmadinejad forseta Írans sem segist hafa meiri áhyggjur af stefnu bandarískra stjórnvalda gagnvart Íran heldur en hver fari með völd í Hvíta húsinu.

Grætur eftir að hafa tapað forsetaslag

John McCain öldungadeildarþingmaður segist gráta hástöfum eftir að hafa tapað fyrir Barack Obama í forsetakosningunum.

Forseti Súdans lýsir yfir vopnahléi í Darfur-héraði

Omar al-Bashir, forseti Súdans, tilkynnti í morgun um vopnahlé í hinu stríðshrjáða Darfur-héraði sem taka myndi gildi strax og yrði skilyrðislaust.

Viðmót eldri kvenna þægilegra

Fimmtíu ára og eldri konur eru almennt geðbetri en þær yngri og ólíklegra að þeim sé í nöp við sér yngri konur.

Danir punga ríflega út fyrir tannlæknaþjónustu

Danir liggja nú í því hvað varðar tannlæknakostnað en hann rýkur upp eins og margt annað þessa dagana.

Bush játar að hafa orðið fótaskortur á tungunni

George Bush Bandaríkjaforseti játar loksins undir lok embættistíma síns að sumar yfirlýsinga hans hafi ef til vill ekki verið sem allra heppilegastar.

Obama telur brýnt að aðstoða fólk í húsnæðiskröggum

Hinn nýkjörni og verðandi Bandaríkjaforseti, Barack Obama, lýsti því yfir í gær að brýnt væri að veita millistéttarfólki, sem sæi fram á að missa húsnæði sitt, hjálp hið bráðasta.

Sarkozy og prinsinn af Wales seinir til minningarathafnar

Nicolas Sarkozy Frakklandsforseti og Karl, prins af Wales, urðu sér til nokkurrar minnkunar í þegar þeir mættu tíu mínútum of seint til minningarathafnar við Douaumont, blóðugasta vígvöll fyrri heimsstyrjaldarinnar, í gær.

Óttast hungursneyð í Simbabve

Matvælastofnun Sameinuðu þjóðanna hefur ákveðið að minnka matarskammta sem hún deilir út í Simbabve vegna þess að engin viðbrögð hafi borist við ósk stofnunarinnar um 140 milljóna dollara framlag til þess að fæða hina sveltandi í landinu.

Leitar nýrra heimkynna fyrir íbúa Maldíveyja

Mohamed Nasheed, sem tók í dag við embætti forseta Maldíveyja, bíður heldur óvenjulegt verkefni. Það er að finna þjóð sinni ný heimkynni.

Minnast loka fyrri heimsstyrjaldar

Níutíu ár eru í dag frá lokum fyrri heimsstyrjaldar. Þeirra tímamóta er minnst víða um heim í dag.

Kjarnorkusprengja undir ísnum á Grænlandi?

Bandarísk kjarnorkusprengja er talin liggja undir ísnum á norðvesturhluta Grænlands, nærri Thule ratsjárstöðinni. Bandarísk sprengjuflugvél fórst þar fyrir fjörutíu árum. Ein fjögurra kjarnorkusprengja um borð fór í sjóinn og fannst aldrei.

Obama vill neyðarfjárvetingu til bílaframleiðenda

Barack Obama, verðandi Bandaríkjaforseti, hefur beðið George Bush, fráfarandi forseta, um að styðja tillögu um neyðarfjárveitingu til bílaframleiðenda í Bandaríkjunum til að koma í veg fyrir gjaldþrot. Bush og Obama funduðu í Hvíta húsinu í gærkvöldi. Fundur þeirra var sá fyrsti frá forsetakosningunum fyrir viku.

Westergaard með fleiri Múhameðsteikningar

Kurt Westergaard, einn af teiknurum Jótlandspóstsins í svokölluðu Múhameðsmáli, hyggst senda frá sér fleiri myndir í þá veru eftir því sem Berlingske Tidende segir frá.

Verkmannaflokkurinn sækir enn í sig veðrið

Verkamannaflokkurinn undir forystu Gordons Brown sækir enn í sig veðrið í Bretlandi fyrir frammistöðuna í fjármálakreppunni ef marka má nýja skoðanakönnun breska blaðsins Times.

Tvöhundruð og fimmtíu bresk börn í afbrotum daglega

Tvöhundruð og fimmtíu börn eru staðin að glæpum í Bretlandi hvern dag samkvæmt tölum frá lögreglu þar í landi.