Verður Hillary utanríkisráðherra í ríkisstjórn Obama?

Miklar vonir eru bundnar við störf Obama í embætti forseta ef marka má nýja skoðanakönnun sem CNN gerði nýverið. Þannig telja tveir þriðju aðspurðra að Obama muni breyta landinu til hins betra en fjórðungur telur að honum muni ekki verða ágengt. Þá eru þrír af hverjum fjórum jákvæðir í garð hins nýkjörna forseta sem þýðir að Obama er vinsælasta forsetaefni í Bandaríkjunum í að minnsta kosti aldarfjórðung, en 67 prósent voru jákvæð í garð Ronalds Reagans þegar hann hafði lagt Jimmy Carter í kosningum árið 1980.

Þá telja þátttakendur í könnuninni að Obama muni bæta samskipti kynþátta í Bandaríkjunum, bæta efnahagsástandið og koma á stöðugleika á fjármálamarkaði auk þess sem hann muni tryggja öryggi landsins betur og draga úr losun gróðurhúsalofttegunda.