Skammarlegt hversu lítil hjálp hefur borist til Pakistans

Minna en helmingur þess fjár sem þörf er á í Kasmír hefur skilað sér. Framkvæmdastjóri Sameinuðu þjóðanna segir skammarlegt hversu lítil hjálp hafi borist og óttast að tugþúsundir farist í vetrarkuldanum á næstu vikum.

Nýr forseti Póllands

Lech Kaczynski var settur í embætti forseta Póllands í morgun. Hann er íhaldsmaður sem hefur lofað að berjast gegn spillingu, lífga efnahaginn við og losa landið við drauga kommúnistaáranna.

Ætlar að kalla tvö herlið heim

Bandaríkjastjórn hyggst kalla heim tvö herfylki frá Írak á næsta ári. Donald Rumsfeld varnarmálaráðherra greindi frá þessu fyrr í dag. Bandaríkjamenn eru með 17 herfylki í Írak um þessar mundir. Ráðherrann sagði að þessi ákvörðun hefði verið tekin í ljósi þess að Írökum hefði gengið vonum framar að taka stjórn ýmissa mála í sínar hendur.

Sharon sigrar

Nýr flokkur Ariels Sharon, forsætisráðherra Ísraels, fær um helmingi fleiri þingsæti en helsti keppinautur flokksins í komandi þingkosningum, ef marka má niðurstöður nýrrar skoðunarkönnunar en kosningar fara fram í mars á næsta ári. Fær flokkur Sharons, Þjóðarábyrgðarflokkurinn, 40 af 120 þingsætum. Verkamannaflokkurinn fær hinsvegar 19 þingsæti og fyrrum flokkur Sharons, Likud, mun fá 15 þingsæti. Þegar spurt var út í það hvern kjósendur treystu best til þess að gegna embætti forsætisráðherra, sögðu aðeins 14% að Peretz væri hæfastur. 19% sögðu Benjamin Netanyahu en 46% sögðu Sharon hæfastan til starfans.

Gefa lýtaaðgerðir í jólagjöf í Danmörku

Skartgripir og snyrtivörur virðast á útleið sem jólagjafir danskra karla til eiginkvenna sinna ef marka má dagblaðið URBAN. Í þeirra stað eru komin gjafakort í lýtaaðgerðir. Haft er eftir yfirlækni á einkasjúkrahúsi í Velje að gjafakortin hafi aldrei verið fleiri en í ár og er um að ræða allt frá hrukkuaðgerð til brjóstastækkunar.

Tugir látnir eftir gassprengingu í Kína

Að minnsta kosti fjörutíu og tveir létust í gassprengingu í göngum í Suðvestur-Kína í gær. Flestir hinna látnum voru verkamenn sem unnu að gerð ganganna og þá slösuðust að minnsta kosti ellefu í sprengingunni. Björgunarmenn leita enn að fólki á staðnum en óttast er að tala látinna kunni að hækka.

Segjast hafa stöðvað eiturflekk í ánni Bei

Yfirvöld í suðurhluta Kína segja að vatnsból íbúa í borginni Guangzhou muni ekki mengast af kadmíumi eins og óttast var þar sem tekist hafi að stöðva eiturflekkinn í ánni Bei við stíflu. Eiturefnið lak frá málmbræðslu og út í ána á dögunum og þurfti að loka fyrir vatnið í nokkrum borgum við ána af þeim sökum.

Castro segir methagvöxt á Kúbu í ár

Methagvöxtur er á Kúbu. Fidel Castro, forseti kommúnistaríkisins, segir að umtalsverður efnahagsbati hafi orðið á síðustu misserum og að Kúba hafi náð sér eftir efnahagskreppu. Á þessu ári sé hagvöxturinn meðal annars nærri tólf prósent.

Eldur í höll í St. Pétursborg

Eldur kom upp í einni af nítjándu aldar höllum St. Pétursborgar í Rússlandi í nótt. Engan sakaði en skemmdir urðu miklar. Byggingin var í miklu uppáhaldi Alexanders annars prins en höllin var nýlega endurnýjuð að stórum hluta. Ekki er vitað hvað olli eldinum og er málið er nú í rannsókn.

Maður ákærður fyrir aðild að misheppnuðum hryðjuverkum

Lögreglan í Lundúnum ákærði í gær 23 ára karlmann fyrir aðild að tilraun til hryðjuverks í borginni þann 21. júlí síðastliðinn. Maðurinn, sem er frá Tottenham, var handtekinn á Gatwick-flugvelli á þriðjudaginn er hann kom frá Addis Ababa í Eþíópíu. Tíu aðrir hafa verið ákærðir í tengslum við málið sem verður tekið fyrir í september.

Rumsfeld segir hermönnum fækkað í Írak á næsta ári

Bandaríkjaforseti hefur fallist á það að hermönnum verði fækkað í Írak á næsta ári. Þetta sagði Donald Rumsfeld, varnarmálaráðherra Bandaríkjanna, þegar hann ávarpaði hermenn í Fallujah í Írak í dag.

Lík í skurði í Brussel af fyrrverandi ráðherra í Rúanda

Lík sem fannst í skipaskurði í Brussel fyrir viku er af Juvenal Uwilingmana, fyrrverandi ráðherra í Rúanda. Alþjóðlegur glæpadómstóll Sameinuðu þjóðanna vegna Rúanda ákærði í sumar ráðherrann fyrir þjóðarmorð í Rúanda árið 1994 en hann var þá yfirmaður þjóðgarða í landinu.

Framlenging föðurlandslaga ekki ótímabundin

Einhver umdeildustu lög seinni ára í Bandaríkjunum eru hin svokölluðu föðurlandslög, lög sem veita stjórnvöldum miklar og rúmar heimildir í baráttunni gegn hryðjuverkum. Stjórn Bush forseta berst nú fyrir því að lögin, sem voru tímabundin, verði framlengd. Í gærkvöldi hafnaði þó fulltrúadeild Bandaríkjaþings því að lögin yrðu ótímabundin og framlengdi gildistíma þeirra um mánuð.

Minna en helmingur fjár sem þörf er á kominn til Kasmír

Minna en helmingur þess fjár sem þörf er á í Kasmír hefur skilað sér og talsmenn hjálparstofnana þar ítrekuðu í gær nauðsyn þess að gripið yrði til aðgerða þegar í stað. Þeir segja annars stórhættu á því að tugþúsundir farist nú þegar vetur er genginn í garð.

Jarðlestir ganga á ný í New York

Þriggja daga allsherjarverkfalli starfsfólks í almenningssamgöngum í New York lauk í gær eftir að forystumenn stéttarfélags þess samþykktu að störf skyldu hafin á ný þrátt fyrir að ekki hafi enn náðst nýr kjarasamningur. Jarðlestir hófu að ganga strax á miðnætti í gær en nokkurn tíma tekur að koma öllu kerfinu í gang aftur.

Ekki náðaður

Dómsmálayfirvöld í Michigan í Bandaríkjunum höfnuðu í dag beiðni Jacks Kevorkians um náðun. Hann á ekki rétt á reynslulausn fyrr en 2007 en Kevorkian var árið 1999 dæmdur í 10-25 ára fangelsi fyrir líknardráp. Kevorkian þjáist af háum blóðþrýstingi, gigt og lifrarbólgu C. Náðunarnefnd Michigan samþykkti með sjö atkvæðum gegn tveimur að beina þeim tilmælum til ríkisstjórans, Jennifer Granholm, að hafna beiðninni. Kevorkian er 77 ára, fyrrverandi læknir. Hann var dæmdur fyrir að gefa manni, sem þjáðist af Lou Gehrig-sjúkdómi, banvæna sprautu árið 1998

Hefja störf að nýju

Verkalýðsfélag starfsmanna í almenningssamgöngum í New York hefur fallist á að félagsmenn hefji störf að nýju. Sáttasemjarar New York-ríkis greindu frá þessu fyrir stundu og sögðu að forystumenn verkalýðsfélagsins og yfirvöld samgangna hefðu fallist á að hefja viðræður um nýjan kjarasamning starfsmanna. Borgarstjóri hefur sagt afar mikilvægt að samgöngukerfið leggist ekki af en viðskipti vegna verkfalls hafa snarminnkað síðust þrjá daga.

Sætanýting Sterling undir áætlunum

Sætanýting danska flugfélagsins Sterling í nóvember var aðeins 68%. En áætlanir félagsins gerðu ráð fyrir 80% sætanýtingu en það þurfti svo afkoman yrði jákvæð. Upplýsingafulltrúi Sterling, segir helstu ástæður lélegrar sætanýtingar vera að félagið gangi í gegnum miklar breytingar um þessar mundir. Nú standi yfir sameining við Maersk Air og einnig hafi félagið lagt niður flugleiðir þar sem bæði Maersk og Sterling flugu áður.

Ætlar að fækka hermönnum í Írak

Varnarmálaráðherra Bandaríkjanna, gaf í skyn í dag að herinn muni innan skamms halda áfram að fækka lítillega í liði sínu í landinu með því að hætt verði við að senda þangað tvær herdeildir. Verði af þessu er það í fyrsta sinn sem varnarmálaráðuneytið fækkar hermönnum í Írak niður fyrir 138.000 manna markið, sem talið hefur verið lágmark. George Bush forseti hefur aftur á móti hafnað því að ræða um tímasetningar á brotthvarfi herliðs og sagt að slíkt myndi einungis egna uppreisnarmenn. Um 2200 bandarískir hermenn hafa fallið í Írak síðan herinn ruddist þar inn árið 2003.

Verkfallið stendur enn yfir

Engin málamiðlun náðist eftir fyrsta fund fulltrúa verkalýðsfélags starfsmanna almenningssamganga og forsvarsmanna samgönguyfirvalda í New York, sem haldinn var í morgun en verkfall hefur staðið yfir í þrjá daga. Viðskipti vegna verkfallsins hafa dregist mikið saman.

Þrír palestínumenn drepnir

Ísraelskir hermenn skutu þrjá Palestínumenn til bana í borginni Nablus á Vesturbakka Jórdanar í nótt. Herinn segist hafa skotið mennina þrjá þegar þeir reyndu að flýja þegar hermenn komu til að handtaka þá. Hafa palestínsk yfirvöld fordæmt árásina en búist er við að árásarinnar verði hefnt.

Nýtt flugfélag stofnað í Færeyjum

FaroeJet, nýtt færeyskt flugfélag, hefur leigt sér farþegaþotu og tekur að óbreyttu til starfa í mars. Stefna eigendanna er að ná 30% markaðshlutdeild á flugleiðinni milli Voga og Kaupmannahafnar. Færeyska flugfélagið Atlantic Airways hefur verið einrátt markaðinum um skeið og má því búast við verðstríði á næstu mánuðum. Þetta er í þriðja sinn síðan 1987 sem Atlantic Airways fær samkeppni en önnur félög hafa alltaf farið á hausinn. Stjórnendur Atlantic Airways þess segja ekkert annað í stöðunni en að taka slaginn enn einu sinni.

Reifst og skammaðist í réttarsalnum

Saddam Hussein, fyrrum forseti Íraks, segist ítrekað hafa verið barinn á meðan hann var í vörslu Bandaríkjanna. Bandarísk yfirvöld segja það lygi og staðhæfingar Husseins fáránlegar.

Tveir menn dæmdir til dauða í Afganistan

Tveir menn voru dæmdir til dauða í Kabúl, höfuðborg Afganistans, í dag fyrir að ræna ítölska hjálparstarfsmanninum Clementinu Cantoni og myrða son kaupsýslumanns frá Afganistan.

Norræna ráðherranefndin opnar skrifstofu í Kaliningrad

Norræna ráðherranefndin hefur opnað skrifstofur í Kaliningrad. Í fréttatilkynningu segir að þetta sé liður í að styrkja samstarf á Eystrasaltssvæðinu öllu. Norræna ráðherranefndin hefur síðan 1991 starfrækt skrifstofu í höfuðborgum Eystrasaltsríkjanna og í Pétursborg síðan 1995. Kaliningrad er rússneskt landsvæði sem þó er ekki beinlínis inni í Rússlandi heldur á landamæri að Litháen til norðurs og Póllandi til suðurs.

Tveir menn dæmdir til dauða í Afganistan

Tveir menn voru dæmdir til dauða í Kabúl, höfuðborg Afganistans, í dag fyrir að ræna ítölska hjálparstarfsmanninum Clementinu Cantoni, halda henni í gíslingu í þrjár vikur og myrða son kaupsýslumanns frá Afganistan.

Fótspor frá ísöld

Vísindamenn rannsaka nú fótspor eftir hóp af fólki sem gekk um óbyggðir Ástralíu á síðustu ísöld. Á sporunum má sjá að börn hafa hlaupið í hringi í kringum foreldra sína, sem héldu beinni stefnu.

Börðu mann til óbóta

Tveir lögreglumenn í New Orleans hafa verið reknir úr starfi fyrir að berja menn til óbóta eftir að fellibylurinn Katrín gekk yfir borgina.

Segir Hvíta Húsið ljúga

Bandaríkjamenn þvertaka fyrir það að þeir hafi pyntað Saddam Hússein. Sjálfur stendur hann hins vegar fast við sitt og segir talsmenn Hvíta Hússins lygara.

Annan reiður

Kofi Annan, aðalritari Sameinuðu Þjóðanna kallaði breskan blaðamann stórt smábarn á blaðamannafundi í gærkvöldi. Blaðamaðurinn var að spyrja Annan spurninga, þegar eitthvað fór mjög fyrir brjóstið á honum og hann jós úr skálum reiði sinnar yfir blaðamanninn.

Samið um fiskveiðikvótann

Samkomulag náðist um fiskveiðikvóta Evrópusambandsins í gær, eftir þriggja daga fundarhöld. Þorskveiðikvótinn verður minnkaður um fimmtán prósent á næsta ári.

Stjórnar ekki al-Qaeda

Osama Bin Laden heldur ekki utan um stjórn al-Qaeda hryðjuverkasamtakanna um þessar mundir. Þetta sagði Donald Rumsfeld varnarmálaráðherra Bandaríkjanna í gær. Rumsfeld sagðist telja öruggt að ef Bin Laden væri á lífi, færi mestur hans tími í að flýja.

Neita að hafa pyntað Saddam

Bandaríkjamenn þvertaka fyrir það að þeir hafi pyntað Saddam Hússein á meðan hann hefur verið í gæsluvarðhaldi.

Verkfallið stendur enn

Allt stefnir í að þriðja daginn í röð liggi allar almennings samgöngur niðri í New York. Verkfall starfsmanna strætisvagna og lesta stendur enn og ekkert útlit er fyrir að því ljúki alveg í bráð.

Tveir í viðbót látnir úr fuglaflensu

Tvö ný dauðsföll af völdum fuglaflensu hafa verið staðfest í Indónesíu. Rannsóknarstofa í Bandaríkjunum staðfesti í morgun að banamein þrjátíu og níu ára gamals manns og átta ára drengs í síðustu viku hefði verið fuglaflensa. Þar með hafa ellefu manns látist úr flensunni í Indónesíu.

Tveir Palestínumenn féllu

Ísraelskir hermenn skutu tvo Palestínumenn til bana í borginni Nablus á Vesturbakkanum í morgun. Hermennirnir gerðu áhlaup á hús meintra uppreisnarmanna og að sögn vitna hófu þeir skothríð á þrjá menn sem reyndu að flýja. Tveir létust, en ekkert er vitað um ástand þess þriðja. Á áttunda tímanum slösuðust svo fimm ísraelskir hermenn á Gaza þegar uppreisnarmenn skutu úr sprengjuvörpu á herstöð.

Hvítabirnum fækkar hratt vegna bráðnun íss á Norðurslóðum

Bráðnun íss á norðurslóðum er farin að valda dauða hvítabjarna og ekkert bendir til annars en að þeim haldi áfram að fækka. Þór Jakobsson veðurfræðingur segir að um sé að ræða óhjákvæmilega afleiðingu hlýnunarskeiðs sem verulega varð vart við fyrir fjórum árum.

Elton John staðfesti samvist sína

Tónlistarmaðurinn Elton John og kærasti hans David Furnish voru meðal 700 samkynhneygðra para sem staðfestu samvist sína með formlegum hætti í Bretlandi í dag.

Finnar hyggjast taka upp lög sem banna vændiskaup

Finnar hyggjast taka upp samskonar lög gegn vændiskaupum og gilda í Svíþjóð en þar er kynlífskaup refsiverð. Finnska ríkisstjórnin lagði fram frumvarp til laga í vikunni um að vændiskaup verði bönnuð í Finnlandi.

Algjör ringulreið

Algjör ringulreið ríkir í New York borg vegna allsherjarverkfalls starfsmanna samgöngukerfis borgarinnar. Milljónir manna þurfa líklega að ganga borgina þvera og endilanga í nístingskulda annan daginn í röð til að komast í vinnuna.

Verkfallið stendur enn

Milljónir manna gengu til vinnu eða notuðust við reiðhjól í nístingskulda í New York í gær. Enn hefur ekki náðst samkomulag við starfsmenn almennings samgöngukerfisins í borginni sem hófu verkfall í gær.

Banna kennslu á sköpunarkenningunni

Alríkisdómari í Pennsylvaníu í Bandaríkjunum úrskurðaði í gær að ekki mætti kenna sköpunarkenninguna í líffræðitímum í skólum í Pennsylvaníu.

Réttarhöld yfir Saddam hefjast á ný

Réttarhöldin yfir Saddam Hússein og sjö samstarfsmönnum voru að hefjast rétt í þessu. Saddam er viðstaddur réttarhöldin, þrátt fyrir að hafa neitað að taka frekari þátt í þeim fyrir tveimur vikum.

Elton John staðfestir samvist sína

Elton John og ástmaður hans eru meðal sexhundrað áttatíu og sjö samkynhneigðra para sem ætla að staðfesta samvist sína opinberlega, þegar ný lög taka gildi í Bretlandi á morgun.

Vildu horfa í augu morðingja sona þeirra

Fimm Serbar, sem voru kvikmyndaðir þegar þeir myrtu sex múslíma í Bosníu árið 1995, voru leiddir fyrir rétt í Belgrad í dag. Mæður hinna myrtu eru viðstaddar réttarhöldin. Þær sögðust vilja horfa í augu mannanna sem myrtu syni þeirra.