Verkfallið stendur enn

Milljónir manna gengu til vinnu eða notuðust við reiðhjól í nístingskulda í New York í gær. Leigubílar voru óvenju þétt setnir í borginni í gær og eins mátti víða sjá biðraðir við lestarstöðvar, og margir virðast hreinlega ekki hafa trúað því að verkfallið væri í raun og veru skollið á. Dómstóll í New York dæmdi í gær verkalýðsfélagið sem stendur fyrir verkfallinu til að greiða eina milljón dollara á hverjum degi sem verkfallið stendur. Þá missa starfsmenn tveggja daga laun fyrir hvern dag sem verkfallið stendur samkvæmt úrskurði dómstólsins. Forsvarsmenn verkalýðsfélagsins hafa þegar ákveðið að áfrýja úrskurðinum