Björgunarsveitir víða að störfum á Norðurlandi

Björgunarsveitir á Norðurlandi voru víða að störfum síðdegis í gær og fram á kvöld. Veður var slæmt á Húsavík seinnipartinn en þar sinnti Björgunarsveitin Garðar nokkrum aðstoðarbeiðnum að því er segir í tilkynningu frá Landsbjörgu.

Þrotabú Landsbankans greiðir Icesave

Sigur Íslands í málinu þýðir að þrotabú Landsbankans mun halda áfram að greiða Icesave-skuldina.

Tilskipunin enn þá í gildi í ESB

Framkvæmdastjórn málefna innri markaðar hjá ESB telur tilskipun sambandsins um innstæðutryggingar í fullu gildi gagnvart aðildarríkjum ESB, þrátt fyrir Icesave-dóminn. Þetta segir í tilkynningu frá talsmanni Michel Barnier framkvæmdastjóra.

“Það má kalla það dómgreindarskort“

Steingrímur J. Sigfússon, atvinnuvegaráðherra og fyrrverandi fjármálaráðherra, sagði að sín mistök í Icesave-málinu fælust í því að hafa vanmetið hversu pólitískt flækjustig Icesave-málsins, en hann var meðal gesta í beinni útsendingu í Íslandi í dag á Stöð 2 í kvöld.

Annasamt hjá björgunarsveitum

Síðdegis í dag og í kvöld hafa björgunarsveitir á Norðurlandi verið að störfum. Veður var slæmt á Húsavík seinnipartinn en þar sinnti Björgunarsveitin Garðar nokkrum aðstoðarbeiðnum, m.a. var þak að fjúka, tré að falla og grindverk losnaði á byggingarsvæði.

Áfengisdauðir úti á miðri götu

Lögreglunni á Suðurnesjum var í fyrrinótt tilkynnt um að maður væri liggjandi fram á stýri kyrrstæðrar bifreiðar á miðri akbraut í Keflavík.

Barði skemmtistað með spýtu

Lögreglunni á Suðurnesjum var tilkynnt um helgina að maður væri að berja og brjóta rúður á skemmtistað í umdæminu með spýtu.

Kremþjófur handsamaður

Lögreglunni á Suðurnesjum var tilkynnt um þjófnað úr verslun í umdæminu um helgina.

Fékk stálbita í andlitið

Það óhapp varð um borð í bát á Suðurnesjum í dag að einn skipverja fékk stálbita í andlitið. Maðurinn stóð fyrir aftan annan skipverja sem hélt á stálbitanum.

Kaldhæðnislegt að ekki megi leita sökudólga

Geir Haarde, fyrrverandi forsætisráðherra, segir það kaldhæðnislegt að Jóhanna Sigurðardóttir forsætisráðherra vari við því að sökudólga yrði leitað, nú þegar Icesave hefur verið leitt til lykta.

Vilborg Arna: Hugsaði aldrei um að hætta

"Þráin eftir að komast á Suðurpólinn var bara svo sterk að ég hugsaði aldrei um að hætta."

Björgólfur Thor: Þjóðin datt í rifrildi og gleymdi staðreyndunum

"Svona er þetta búið að vera, Landsbankamenn hafa farið með veggjum, meðal annars gjaldkerar bankans,“ sagði Björgólfur Thor Björgólfsson, fyrrverandi aðaleigandi Landsbankans, en félagarnir í Reykjavík síðdegis ræddu við hann í dag eftir að hann birti harðorðan pistil á vef sínum.

Draumurinn úti - Júlli var borinn út í dag

"Þeir eru að bera mig út úr mínu eigin húsnæði, ég á þetta skuldlaust," sagði Júlíus Þorbergsson, kenndur við búð sína, Drauminn, en Júlli var borinn út úr draumnum síðdegis í dag.

Dagur Kári og Danirnir fimm horfa til Hollywood

Sex kvikmyndaleikstjórar frá Norðurlöndunum hafa tekið höndum saman og leggja á ráðin um samnorræna sókn inn á bandarískan kvikmyndamarkað. Íslenski leikstjórinn Dagur Kári Pétursson er þeirra á meðal.

Aðallögfræðingur Íslands situr fyrir svörum

Vísir er með beina útsendingu frá blaðamannafundi lögfræðiteymis Íslendinga. Blaðamannafundurinn fer fram í Þjóðmenningarhúsinu og hefst klukkan korter í fimm. Smelltu hér til að sjá fundinn.

Birgir bálreiður: Ríkisstjórnin þarf að líta í eigin barm

"Það hlýtur að vera mikill léttir að hafa fengið þá niðurstöðu sem EFTA-dómstóllinn kynnti í morgun,“ sagði Birgir Ármannsson, þingmaður Sjálfstæðisflokksins, í umræðum um dóminn sem féll í morgun. Þar var Ísland sýknað af öllum kröfum ESA.

Hundleiðinlegi gluggapósturinn kemur ekki aftur inn um lúguna

"Hvað mig varðar þá bjó ég mig undir það versta en vonaði það besta. Ég held að flestir Íslendingar hafi upplifað það þannig," sagði Guðmundur Steingrímsson, þingmaður Bjartrar framtíðar, á Alþingi í dag. Nú fer fram umræða um dóm EFTA-dómstólsins frá því morgun, þar sem íslenska ríkið var sýknað af öllum kröfum ESA.

Birgitta vill grafa stríðsöxina í dag

Birgitta Jónsdóttir, þingmaður Hreyfingarinnar, sagði að sigur í Icesave málinu væri mikilvægur og ylli sér mikilli gleði. Hún sagðist hafa orðið djúpt snortin þegar hún heyrði að Íslendingar hefðu unnið málið fyrir EFTA dómstólum.

Þakklæti til forsetans efst í huga Sigurjóns

Sigurjón Þorvaldur Árnason, fyrrverandi bankastjóri Landsbankans, segir að niðurstaða EFTA dómstólsins sé í takti við það sem hann hafði átt von á. Öllum kröfum ESB, ESA, Eftirlitsstofnunar EFTA, Breta og Hollendinga á hendur Íslendinum var hafnað. Hitt sem sé að koma, sem hafi verið á hreinu í sínum huga, er að eignir Landsbankans muni duga fyrir innistæðum á Icesave og meira til. Áætlað sé að eignir þrotabúsins séu um 200 milljörðum meira en kröfurnar.

Össur á Alþingi: Til hamingju Ísland

"Við eigum að læra af þessu við stjórnmálamennirnir sem hérna sitjum. Samstaðan, þegar upp er staðið, skilar bestu árangri fyrir Ísland,“ sagði Össur Skarphéðinsson, utanríkisráðherra, á Alþingi í dag þegar rætt var um dóm EFTA-dómstólsins frá því morgun.

Dómurinn sigur í baráttunni gegn ríkisábyrgð

Gunnlaugur Jónsson fjármálaráðgjafi segir að dómur EFTA-dómstólsins í dag sé sigur í baráttunni gegn ríkisábyrgð á bönkum. Gera ætti 28. janúar að baráttudegi gegn ríkisábyrgð. Lærdómur bankahrunsins sé að afnema skuli alla slíka ríkisábyrgð. "Ef tilefni er til að breyta stjórnarskrá vegna bankahrunsins, ætti að banna öll framlög ríkisins til bankastarfsemi,“ segir Gunnlaugur Jónsson.

Björk í skýjunum yfir Icesave-dómnum

"Hamingjuóskir til íslensku þjóðarinnar vegna sigursins í Icesave-málinu!! Það gefur mér von að við þurfum ekki að borga fyrir glæpi nokkra bankamanna!! Réttlætið nær öðru hvoru fram að ganga,“ skrifar söngkonan Björk Guðmundsdóttir á Facebook-síðu sína í dag.

Sigur Íslands í brennidepli út um allan heim

Fjölmargir erlendir fjölmiðlar fjalla um sigur Íslands í Icesave-málinu í morgun. Danska ríkisútvarpið segir í fyrirsögn að Íslendingar hafi sloppið við að borga milljarða og breska ríkisútvarpið fer yfir málið ítarlega.

Dómurinn nauðsynlegur

"Dómur EFTA dómstólsins sem var kveðinn upp í dag var nauðsynlegur í þeim tilgangi að skýra mikilvægt álitamál samkvæmt EES-rétti og til að útkljá málið í samræmi við reglur EES-réttar." segir Oda Helen Sletnes, forseti Eftirlitsstofnunar EFTA.

Björgólfur Thor: Grýla gamla er loksins dauð!

"Allt það fólk sem tengdist Landsbankanum þurfti að sitja undir ákúrum um föðurlandssvik og ætlast var til að það færi með veggjum, á meðan pólitíkusar börðu sér á brjóst og kepptust við að yfirbjóða hver annan í fáránlegum yfirlýsingum. Hvílíkt óréttlæti!," segir Björgólfur Thor Björgólfsson, fyrrverandi aðaleigandi Landsbankans, í pistli á heimasíðu sinni í dag.

Steingrímur: Ættum við að vera í góðu skapi í 1 til 2 daga

Steingrímur J. Sigfússon, formaður Vinstri Grænna og atvinnuvegaráðherra, segist gleðjast yfir því að "þessu ólánsmáli sé nú lokið“. Hann ávarpaði blaðamenn í Utanríkisráðuneytinu í morgun.

Leiðrétting

Ranglega var haft eftir Oddnýju G. Harðardóttur, þingmanni Samfylkingarinnar, í hádegisfréttum í gær að hún hefði sagt að ummæli Ólafs Ragnars Grímssonar forseta Íslands um Gordon Brown væru óheppileg. Hið rétta er Oddný var að tala um að það væri óheppilegt ef forseti Íslands og aðrir fulltrúar íslenska stjórnvalda væru að lýsa opinberlega ólíkri afstöðu til utanríkisstefnu Íslands almennt. Orðin voru upphaflega látin falla í þættinum Sprengisandi á Bylgjunni.

Stórkostleg niðurstaða

"Þetta er stórkostleg niðurstaða. Við vinnum þetta mál í öllum liðum,“ sagði Bjarni Benediktsson, formaður Sjálfstæðisflokksins, um niðurstöðuna í Icesave-málinu. Ísland vann fullnaðarsigur.

Samstillt málsvörn í málinu

"Þessi niðurstaða er afskaplega góð, hún er afskaplega mikilvæg. Við lögðum upp með það að vera með samstillta málsvörn í málinu,“ sagði Árni Páll Árnason, starfandi formaður utanríkismálanefndar, í viðtali í beinni útsendingu á Árni Páll benti á það að strax árið 2008 hafi það verið markmið íslenskra stjórnvalda að fá efnisdóm um málið en illa hefði verið tekið í það. Síðan hefði ESA, eftirlitsstofnun Eftirlitsstofnun efta, opnað á það að málið færi fyrir dóm. "Menn voru ekkert voða hrifnir af því,“ sagði hann. En af hálfu Íslands hefðu samningar alltaf verið neyðarbraut.

"Við höldum veislu“

"Við höldum veislu, sagði Össur Skarphéðinsson utanríkisráðherra þegar hann var spurður að því hvað tæki við núna hjá Íslendingum eftir að niðurstaða lá fyrir í Icesave- málinu. Ísland vann fullnaðarsigur í málinu og ekki tekið tillit til krafna ESA, eftirlitsstofnunar EFTA, Breta og Hollendinga. Dómurinn er endanlegur

Enn margir í einangrun

Enn eru margir í einangrun á Landspítalanum vegna smithættu. Þegar viðbragðsstjórn spitalans kom saman í gær voru 38 í einangrun en 36 á laugardaginn. Viðbragðsstjórn Landspítala kemur aftur saman í hádeginu í dag.

Harmleikur á Kópaskeri: Varð úti eftir þorrablót

Karlmaður um fertugt fannst látinn við heimili sitt á Kópaskeri í gærmorgun. Lögreglan á Húsavík fer með rannsókn málsins og segir Sigurður Brynólfsson, yfirlögregluþjónn, í samtali við fréttastofu að málið sé ekki rannsakað sem sakamál. Á laugardagskvöldið var þorrablót í bænum og er talið að maðurinn hafi orðið úti á leið sinni heim af blótinu. Mjög vont veður var þessa nótt að sögn Sigurðar, stórkrapahríð og kuldi. Ekki er hægt að greina frá nafni mannsins að svo stöddu.

Vilborg Arna á Stöð 2 í kvöld

Vilborg Arna Gissurardóttir er komin heim af Suðurpólnum. Ísland í dag hitti Vilborgu áður en hún fór í svaðilförina og var hún fullviss um að hún myndi klára leiðangurinn sem var alls um sextíu dagar en á hverjum degi gekk hún um 22 kílómetra og byrjaði með 100 kíló á bakinu. Vilborg Arna verður í fréttum Stöðvar 2 í kvöld og segir frá reynslu sinni.

Kristján Þór efstur fyrir norðan, Tryggvi þór komst ekki á lista

Talningu er nú lokið í prófkjöri Sjálfstæðisflokksins í Norðausturkjördæmi. 2714 greiddu atkvæði en 4400 voru á kjörskrá og kjörsókn því tæp 62 prósent.

Maður handtekinn á hafnarsvæðinu við Sundagarða

Um klukkan hálfþrjú var tilkynnt um mann eða menn í óleyfi á hafnarsvæði við Sundagarða. Einn var handtekinn og vistaður í fangageymslu vegna rannsóknar þessa máls.

Nokkuð um innbrot í bíla í borginni

Nokkuð var um innbrot í bíla á höfuðborgarsvæðinu síðdegis í gær og í nótt.

Sláturhúsinu breytt í hótel

Bygging Fosshótels á Patreksfirði er langt komin. Hótelið verður hið glæsilegasta, en það rúmar 41 herbergi og verður til húsa við Aðalstræti 100. Hótelið er reist á grunni gamla sláturhússins á Patreksfirði.

Reynt að stöðva jarðasöfnun erlendra auðkýfinga á Íslandi

Ögmundur Jónasson telur erlenda auðmenn vera að leggja undir sig stór landsvæði á Íslandi og hefur látið smíða frumvarp til að koma í veg fyrir það. Hugsunin ekki sú að girða fyrir fjárfestingar, segir Ögmundur.

Segja að hungraðir éti börn í Norður Kóreu

Hungraður maður í Norður Kóreu var tekinn af lífi eftir að hann hafði tekið börn sín af lífi vegna matarskorts. Rannsóknarblaðamaður frá Asía Press sagði í samtali við breska blaðið Sunday Times að karlmaður hefði grafið upp lík barnabarns síns og borðað það. Þá hefði annar maður soðið barnið sitt.

Veður versnandi fyrir norðan

Veður fer versnandi með kvöldinu norðaustan- og austanlands, vaxandi ofankoma og vindur, sérstaklega á fjallvegunum. Um leið kólnar heldur, samkvæmt upplýsingum frá veðurfræðingi. Á láglendi verður þó víðast slydda eða krapi frá Eyjafirði og austur á Austfirði. Á Austfjörðum er spáð vaxandi hríðarveðri. Vestan Öxnadalsheiðar er ekki spáð úrkomu, en á Vestfjörðum verður áfram stormur til morguns með skafrenningi og sums staðar ofankomu. Það á einnig við um Reykhólasveit, Saurbæ og Svínadal.

Niðurstaðan bindandi en ekki ráðgefandi

Niðurstaða EFTA-dómstólsins um hvort að Íslendingar hafi brotið Evróputilskipun um innistæðutryggingar verður kveðinn upp á morgun.

Þegar Eyjamenn reyndu að taka völdin af eldfjallinu

Eldgosið á Heimaey árið 1973 var til umfjöllunar í þættinum "Um land allt" á Stöð 2 í kvöld.

Öryrki stefnir Reykjavíkurborg

Öryrki hefur stefnt Reykjavíkurborg og telur að sér sé mismunað vegna búsetu. Um er að ræða konu sem leigir hjá hússjóði Öryrkjabandalagsins og fær þess vegna ekki sérstakar húsaleigubætur.

"Framar mínum björtustu vonum"

"Ég var með 51% í fyrsta sæti síðast þannig að þetta er heljarinnar bæting svo maður noti íþróttamálið. Ég get ekki verið annað en yfir mig glöð og þakklát," sagði Ragnheiður Elín Árnadóttir sem sigraði með yfirburðum í prófkjöri Sjálfstæðismanna í Suðurkjördæmi í dag.

Spielberg vill gera stórmynd á Íslandi

Hinn heimsfrægi kvikmyndaleikstjóri Steven Spielberg hefur í hyggju að gera alþjóðlega stórmynd á Íslandi. Kvikmyndaframleiðslufyrirtækið True North hefur unnið að undirbúningi myndarinnar.