Héldu að húsið væri að hrynja

Smiðir sem voru á þaki skemmu í Bláfjöllum þegar skjálftinn reið fyrir héldu að húsið væri að hrynja undan þeim. Starfsmönnum á svæðinu var flestum brugðið. Þrír voru smiðir voru við vinnu í skemmu í Bláfjöllum þegar að skjálftinn reið fyrir.

Fæddi stúlku hjálparlaust í aftursætinu: "Barnið koma, barnið koma!“

Henni lá á að komast í heiminn stúlkunni sem fæddist í Bolungarvíkurgöngunum í fyrrinótt. Móðir hennar fæddi hana hjálparlaust í aftursæti bíls.

Bænastarf múslima í Ýmishúsinu hefst um helgina

Á laugardaginn fær svokallað Ýmishús við Skógarhlíð nýtt hlutverk og verður bænahús múslíma. Allir múslímar landsins auk þeirra sem eru áhugasamir um menningu Íslam eiga að verða velkomnir þanngað. Auk þess verður Menningarsetur múslíma á Íslandi með aðstöðu þar en forsvarsmenn þess klofnuðu fyrir um tveimur árum frá Félagi múslíma þar sem þáverandi formanni félagsins þótti trúarhugmyndir þeirra ekki falla að íslensku samfélagi og of öfgafullar.

Samráðsfundur stofnaður um skattlagningu á ferðaþjónustu

Fjármálaráðherra hefur í samráði við aðila ferðaþjónustunnar stofnað starfshóp um skattlagningu ferðaþjónustugreina og málefni sem henni tengjast samkvæmt tilkynningu frá ráðuneytinu.

Tillögur um breytingar á ráðuneytum staðfestar

Tillögur forsætisráðherra um breytt skipulag Stjórnarráðs Íslands voru staðfestar á fundi ríkisráðs í dag. Breytingarnar fela í sér að í stað iðnaðarráðuneytis, sjávarútvegs- og landbúnaðarráðuneytis, umhverfisráðuneytis, efnahags- og viðskiptaráðuneytis og fjármálaráðuneytis komi atvinnuvega- og nýsköpunarráðuneyti, fjármála- og efnahagsráðuneyti og umhverfis- og auðlindaráðuneyti. Með breytingum hefur ráðuneytum fækkað úr tólf í átta í tíð núverandi ríkisstjórnar.

Vorannarkort í strætó fyrir nemendur

Strætó mun bjóða upp á vorannarkort fyrir nemendur. Þau munu gilda frá janúar. Fyrirtækið hefur verið gagnrýnt fyrir að bjóða nemendum ekki kost sem hentar þeim heldur aðeins 12 mánaða kort.

Steinar Aubertsson ætlar að kæra konu fyrir ásakanir um mansal

Steinar Aubertsson og fjórmenningarnir sem voru sakaðir um að hafa svipt konu frelsi í Amsterdam og ætlað að selja hana mansali hafa ákveðið að kæra konuna fyrir rangar sakargiftir í Hollandi. Steinar, segir í yfirlýsingu sem Vísi barst frá lögmanni hans, að hann muni líka kæra konuna fyrir meiðyrði hér á landi.

Ögmundur telur sig hafa tekið rétta ákvörðun þrátt fyrir jafnréttisbrot

Ögmundur Jónasson, innanríkisráðherra, telur sig hafa tekið rétta ákvörðun þegar hann skipaði Svavar Pálsson í embætti sýslumanns á Húsavík þrátt fyrir að kærunefnd jafnréttismála hafi komist að þeirri niðurstöðu að ráðherrann hafi brotið jafnréttislög þegar hann skipaði Svavar í embættið.

Ók inn um dyrnar að Veiðihorninu

Roskinn ökumaður missti stjórn á bifreið sinni og ók nánast inn í verslunina Veiðihornið í Síðumúla í dag. Til allrar hamingju meiddist enginn en töluverðar skemmdir urðu bæði á búðinni og bílnum.

Bæklingur IKEA ekki allur þar sem hann er séður

Síðustu ár hefur húsgagnaframleiðandinn nýtt tölvutækni til að raða saman aðlaðandi herbergjum í stað þess að smíða heilu setustofurnar.

Kona tók á móti eigin barni í Bolungarvíkurgöngum

Kona eignaðist barn í fólksbíl í Bolungarvíkurgöngum árla morguns í gær. Konan tók sjálf á móti barninu, að því er fram kemur á vef Bæjarins besta. Móður og barni heilsast vel. Konan og eiginmaður hennar lögðu af stað eldsnemma í gærmorgun frá Bolungarvík til Ísafjarðar, en konan var komin með verki og greinilegt að fæðing var skammt undan. Þau komust ekki lengra en í Bolungarvíkurgöng áður en barnið fæddist. Faðirinn hélt áfram keyrslu til Ísafjarðar þar sem starfsfólk sjúkrahússins veitti móður og barni aðstoð.

Íslendingar á villigötum í stjórnarskrármálinu

Fræðimennirnir Ágúst Þór Árnason og Skúli Magnússon telja Íslendinga á villigötum við endurskoðun á stjórnarskrá lýðveldisins. Í dag birtist grein eftir Skúla í Fréttablaðinu um skoðun þeirra félaga á málin. Grein eftir Ágúst um sama mál birtist í Morgunblaðinu í morgun. Þar kemur fram að þeir hafa sett fram tillögu að endurskoðaðri stjórnarskrá sem finna má á heimasíðunni stjornskipun.is".

Jarðskjálfti við Jan Mayen - 6.6 stig

Tveir stórir jarðskjálftar, 6.6 og 5.5 stig, urðu við Jan Mayen rétt fyrir klukkan tvö í dag. Veðurstofa hefur staðfest þetta í samtali við fréttastofu.

Játaði að hafa fengið móður sína til að flytja kókaín til landsins

Kona á þrítugsaldri játaði fyrir dómara í morgun að hafa ein skipulagt stórfellt fíkniefnasmygl í lok maí síðastliðnum. Konan fékk móður sína til að flytja ferðatösku hingað til lands frá Danmörku sem innihélt rúmlega hálft kíló af kókaíni. Móðirin var stöðvuð á Keflavíkurflugvelli við hefðbundið eftirlit. Kærasti konunnar, maður á fertugsaldri, er einnig ákærður fyrir fíkniefnainnflutninginn en hann neitaði sök.

Óviðunandi að ráðherrar brjóti jafnréttislög

Femínistafélag Íslands ályktar að það sé óviðunandi að ráðherrar brjóti jafnréttislög. Í ályktuninni sem félagið sendi frá sér bregst það við úrskurði kærunefndar jafnréttismála þar sem Ögmundur Jónasson, innanríkisráðherra, var fundinn sekur um brot gegn jafnréttislögum þegar hann réði karl sem sýslumann á Húsavík þó önnur kona hefði verið metin jafnhæf í starfið.

Almannavarnir: Ekki miklar líkur á flóðbylgju

"Það eru tiltölulega litlar líkur á því að það verði flóðbylgja af þessu, það geta orðið smávægilegar flóðbylgjur, sem eru þá bara einhverjir sentimetrar að hæð," segir Ágúst Gunnar Gylfason, verkefnastjóri hjá Almannavarnardeild ríkislögreglustjóra.

Ógnaði stjúpföður sínum með hnífi

Átján ára gamall piltur hefur verið ákærður fyrir að ráðast á stjúpföður sinn í Reykjanesbæ í nóvember.

Jarðskjálftasvæðið undir smásjá sérfræðinga

Það má alveg búast við því að fleiri skjálftar verði á Bláfjallasvæðinu, segir Páll Einarsson jarðskjálftafræðingur í samtali við Vísi. Þar varð skjálfti upp á 4,6 á Richter.

Fólk hljóp á dyr í Litlu Kaffistofunni

Skálftinn sem reið yfir á tólfta tímanum í dag fannst greinilega við Litlu Kaffistofuna á Suðurlandsvegi. Stefán Þormar Guðmundsson, staðahaldari, segir að gestum og starfsfólki hafi verið brugðið og að nokkrir hafi hlaupið á dyr.

Jarðskjálftinn var 4,6 stig

Jarðskjálfti varð á höfuðborgarsvæðinu fyrir stundu. Skjálftinn fannst mjög vel í Reykjavík og nágrenni. Hann varð rétt fyrir hádegi á sex kílómetra dýpi við Bláfjöll. Samkvæmt upplýsingum frá jarðskjálftafræðingi á Veðurstofunni sýna fyrstu mælingar að hann hafi mælst 4,6 stig.

Tillögurnar eru ný útfærsla af gömlu stjórnarskránni

Eiríkur Bergmann, stjórnlagaráðsmeðlimur, tekur nýjum tillögum Skúla Magnússonar og Ágústs Þórs Árnasonar til stjórnskipunarlaga fagnandi. Hann telur þó að tillögur þeirra séu í raun aðeins ný útfærsla af núverandi stjórnarskrá landsins.

Aðrar tillögur til nýrrar stjórnarskrár

Tveir fræðimenn lögðu í dag fram nýjar heildstæðar tillögur til stjórnarskrár fyrir Ísland. Frumvarpið er hugsað sem „valkostur í stjórnarskrármálinu" og skrifa tvímenningarnir

Ný Ölfusárbrú fyrir 2020?

Ölfusárbrúin er orðin lúin og komið á dagskrá að smíða nýja brú yfir ána. Þetta segir Ögmundur Jónasson, innanríkisráðherra, í viðtali við sunnlenska fréttablaðið Dagskrá.

Smástirni á sömu sporbraut og jörðin

Bandarískir geimvísindamenn hafa uppgötvað lítið smástirni sem er á sömu sporbraut um sólina og jörðin. Þessi litli klettur mun fylgja jörðinni næstu tíu þúsund árin áður en hann þýtur á brott út í geim. Vísindamenn kalla þessi smástirni trójukletti.

Steingrímur kominn með framtíðar ráðuneytisstjóra

Kristján Skarphéðinsson verður ráðuneytisstjóri í nýju atvinnuvega- og nýsköpunarráðuneyti, samkvæmt tilkynningu. Kristján hefur verið ráðuneytisstjóri í iðnaðarráðuneytinu síðastliðin tíu ár.

Nauðsynlegt að hækka námslán

Stúdentaráð Háskóla Íslands hvetur stjórnvöld til að hækka fjárframlög til Lánasjóðs íslenskra námsmanna. Það telur stúdentaráð nauðsynlegt til að nemendur geti lifað mannsæmandi lífi í íslensku samfélagi.

Tvö þúsund blöðrur opnuðu Ljósanótt

Ljósanótt var sett í Reykjanes bæ í morgun þegar leik- og grunnskólanemendur bæjarins slepptu ríflega 2000 blöðrum til himins.

Voru við þakviðgerðir í Bláfjöllum þegar skjálftinn reið yfir

"Skjálftinn var afar snarpur,“ segir Magnús Árnason, framkvæmdastjóri skíðasvæðanna í Bláfjöllum. "Krafturinn í honum óx hratt og síðan var hann bara búinn.“

Má búast við nokkrum eftirskjálftum

Það má búast við skjálftum upp á tvö til þrjú stig í framhaldinu, segir Einar Kjartansson jarðskjálftafræðingur á Veðurstofunni í samtali við fréttastofu. Hann segir að nokkrir litlir skjálftar hafi þegar mælst og skjálftinn fannst víða. Skjálftinn fannst greinilega í Reykjavík og samkvæmt upplýsingum fréttastofu fannst hann líka greinilega á Selfossi.

Veiða túnfisk við landið

Á miðum við Ísland hefur víða orðið vart við túnfisk að undanförnu. Níu túnfiskar veiddust í ágúst og vega samtals rúm 2 tonn, segir í frétt Fiskifrétta.

Makrílveiðar smábáta framlengdar

Sjávarútvegs- og landbúnaðarráðuneytið hefur brugðist við óskum smábátaeigenda og heimilað makrílveiðar krókabáta 10 dögum lengur en fyrirhugað var.

Smjörþefur af sveitalífinu

Ábúendur að Garði í Eyjafjarðarsveit tóku sig til í sumar og settu saman myndband sem sýnir heyskapinn á búinu. Myndbandið á að kynna sveitalífið fyrir þeim sem ekki þekkja til.

Þórólfur Árna: Fásinna að fara gegn sitjandi forseta

Þórólfur Árnason, stjórnarformaður Isavia og fyrrverandi borgarstjóri, segir að hann hafi haft áhuga á að bjóða sig fram til embættis forseta sl. vor og hafi verið kominn með öflugan hóp stuðningsmanna á bak við sig. Hann hafi hins vegar metið það svo að það væri fásinna að fara gegn sitjandi forseta, Ólafi Ragnari Grímssyni.

Líkur á röskun á ferðum Herjólfs næstu daga

Samkvæmt fyrirliggjandi ölduspá fyrir Landeyjahöfn næstu daga eru tölvuverðar líkur á því að röskun verði á áætlun Herjólfs.

Fylltu á þyrluna á næstu bensínstöð

Tveir ausutrrískir ævintýramenn eru á ferð og flugi um landið á eigin þyrlu og taka bílabensín á hana á næstu bensínstöð við þjóðveginn, þegar á vantar.

Michael Douglas kemur líklega til Íslands

Viðræður standa nú yfir við stórleikarann Michael Douglas um að hann taki að sér að leika Ronald Reagan í nýrri kvikmynd sem mun fjalla um leiðtogafund Reagans og Gorbachev í Reykjavík árið 1986.

Framleiðsluverð lækkaði í júlí

Framleiðsluverðsvísitalan í júlí var 209,3 stig og lækkaði um 3,3% frá júní. Vísitala framleiðsluverðs fyrir sjávarafurðir lækkaði um 1,7% frá fyrri mánuði og vísitala fyrir stóriðju lækkaði um 6,4%. Vísitalan fyrir matvæli hækkaði um 1,9% og vísitala fyrir annan iðnað lækkaði um 4,4%.

Vantar yfir 1.000 kennara á leikskóla til að uppfylla lög

Aðsókn í leikskólakennaranám hefur minnkað eftir að það var lengt í fimm ár. Árið 2007 hófu 109 nemendur nám við Kennaraháskólann, en í fyrra aðeins 28. Þrátt fyrir fjölgun við Háskólann á Akureyri hefur nemendum fækkað í heild. Á sama tíma hefur eftirspurnin aukist.

Gengi Svedda tannar handtekið í Hollandi

Þrír nánir samverkamenn fíkniefnasmyglarans Sverris Þórs Gunnarssonar, Svedda tannar, voru handteknir í Amsterdam í Hollandi 18. ágúst síðastliðinn eftir að rúmlega tvítug íslensk kona sakaði þá um að ætla að selja hana í vændi í Brasilíu.

Óttast að Bandaríkin loki á siglingar héðan til Ameríku

Gylfi Sigfússon, forstjóri Eimskips, kveðst hafa verulegar áhyggjur af aukinni ásókn hælisleitenda sem reyna að komast um borð í Ameríkuskip félagsins. Í bréfi til innanríkisráðuneytisins segir Gylfi alvarlega stöðu koma upp sleppi laumufarþegi með skipi vestur um haf.

Íslenskir Vítisenglar gætu misst stöðu sína innan samtakanna

Vísbendingar eru um að starfsemi Vítisengla hérlendis hafi dregist verulega saman í kjölfar nokkurra umfangsmikilla lögregluaðgerða og dómsmála á síðustu misserum. Fullgildum félagsmönnum hefur fækkað um meira en helming, samkvæmt upplýsingum Fréttablaðsins, auk þess sem félagsskapurinn hefur verið í fjárhagskröggum.

Öryggishjálmur sannaði gildi sitt

Öryggishjálmur sannaði gildi sitt þegar ungur drengur á reiðhjóli varð fyrir bíl í Mosfellsbæ undir kvöld í gær.

Ökumaður tekinn á 125 km hraða í Ártúnsbrekku

Lögregla stöðvaði ökumann í Ártúnsbrekku upp úr miðnætti, efitr að bíll hans hafði mælst á 125 kílómetar hraða, eða 45 kílómetrum yfir löglegum hámarkshraða. Auk þess gaus kannabislykt út úr bílnum þegar lögreglumenn fóru að ræða við ökumanninn.

Frostanótt gerir berin betri

Síðustu nætur hafa verið kaldar á Norður- og Austurlandi og víða í Reykjavík mátti sjá hrímaða palla í gærmorgun. Flest grænmeti sem ræktað er hér á landi þolir þó stöku næturfrost og sammælast garðyrkjufræðingar um að ein og ein frostanótt geti jafnvel gert berjauppskeru betri. Þó er nauðsynlegt að uppskera rótargrænmeti áður en frostið fer að læsast í jörðu.

Fá fiskiskip á sjó við landið

Aðeins 260 fiskiskip eru á sjó við landið, sem er óvenju lítið, sérstakleg í ljósi þess að þokkalegt sjóveður mun vera á öllum miðum.