Steingrímur kominn með framtíðar ráðuneytisstjóra

Kristján Skarphéðinsson verður ráðuneytisstjóri í nýju atvinnuvega- og nýsköpunarráðuneyti, samkvæmt tilkynningu. Kristján hefur verið ráðuneytisstjóri í iðnaðarráðuneytinu síðastliðin tíu ár.

Atvinnuvega- og nýsköpunarráðuneytið tekur til starfa á laugardaginn með sameiningu sjávarútvegs- og landbúnaðarráðuneytisins, iðnaðarráðuneytisins og hluta efnahags- og viðskiptaráðuneytisins. Á fundi með starfsmönnum nýja ráðuneytisins í dag var kynnt skipurit hins nýja ráðuneytis og tilkynnt um skipan ráðuneytisstjóra og þriggja skrifstofustjóra, en þrjár skrifstofustjórastöður verða auglýstar lausar til umsóknar um helgina.

Staðgengill ráðuneytisstjóra verður Kjartan Gunnarsson skrifstofustjóri.