Dagbókarbrot Páls Óskars: Kóleru útrýmt með hjálp orkumesta stuðboltans

Dagbókarbrot frá Páli Óskari Hjálmtýssyni í Síerra Leóne birtast þessa dagana á Vísi, eitt á dag, fram að söfnunar- og skemmtiþætti UNICEF, Barnahjálp Sameinuðu þjóðanna, sem sýndur verður á föstudag, á degi rauða nefsins. Dagur rauða nefsins verður í opinni útsendingu á Stöð 2 og hér á Vísi.

Opinbert framlag til kvikmynda 700 milljónir árið 2015

Katrín Jakobsdóttir, mennta- og menningarmálaráðherra, Steingrímur J. Sigfússon, fjármálaráðherra, Ari Kristinsson, formaður Sambands íslenskra kvikmyndaframleiðenda (SÍK), Hrafnhildur Gunnarsdóttir, formaður Félags kvikmyndagerðarmanna (FK) og Ragnar Bragason, formaður Samtaka kvikmyndaleikstjóra (SKL) undirrituðu í húsakynnum Kvikmyndamiðstöðvar Íslands í dag Samkomulag um stefnumörkun fyrir íslenska kvikmyndagerð og kvikmyndamenningu árin 2012– 2015.

Lögreglan lýsir aftur eftir leigubílstjóranum

Lögreglan á höfuðborgarsvæðinu leitar enn að leigubílstjóra sem hún þarf að hafa tal af vegna sem er til rannsóknar hjá embættinu og varðar meinta nauðgun, sem Egill Einarsson og unnusta hans hafa verið kærð fyrir. Lýst var eftir manninum í gær.

Seldu plastpoka til styrktar Bleiku slaufunni

Plastprent lagði Krabbameinsfélaginu lið í október og seldi poka merktan Bleiku slaufunni til viðskiptavina sinna. Um var að ræða bleikann poka sem minnti fólk á átakið og seldust alls 20.000 pokar á tímabilinu.

Happdrætti Háskóla Íslands hættir að auglýsa á Pressunni

Happdrætti Háskóla Íslands hefur látið fjarlægja auglýsingaborða sinn á fréttavefnum Pressan.is til þess að mótmæla myndbirtingu á meintu fórnarlambi kynferðisofbeldis. Þetta fékkst staðfest á skrifstofu happdrættisins, ekki náðist þó í forstjórann, Bryndísi Hrafnkelsdóttur, vegna málsins.

Tunglið verður appelsínugult á laugardag

Tunglmyrkvi verður á Íslandi í ljósaskiptunum síðdegis á laugardag, þann 10. desember. Hann mun sjást sem almyrkvi á austanverðu landinu en sem deildarmyrkvi vestanlands, svo fremi að ekki verði skýjað. Vefsíða Almanaks Háskóla Íslands segir að almyrkvinn hefjist þegar enn er dagsbirta á Íslandi og því sést ekki almyrkvað tungl frá Reykjavík en deildarmyrkvi verður sýnilegur þaðan þegar dimmir.

Óskilorðsbundið fangelsi fyrir að stela snúru

Karlmaður var dæmdur í átta mánaða óskilorðsbundið fangelsi í Héraðsdómi Reykjavíkur í gær fyrir þjófnaðarbrot. Maðurinn var meðal annars dæmdur fyrir að stela rafmagnssnúru að fartölvu, hvítvínsflöskum og farsíma.

Hilmar einn efnilegasti leikarinn í Evrópu

Hilmar Guðjónsson er einn 10 evrópskra leikara sem var valinn í Shooting Star, sem er sérstök kynning á ungum og efnilegum kvikmyndaleikurum sem þykja líklegir til að ná langt í sínu fagi. Hópurinn var kosinn af alþjóðlegri dómnefnd og teljast þeir sem valdir eru Shooting star vera á meðal efnilegustu kvikmyndaleikara Evrópu. Það er European Film Promotion sem stendur fyrir Shooting Star og er Kvikmyndamiðstöð Íslands aðili að þeim samtökum.

Hæstiréttur staðfestir úrskurð um opið réttarhald

Hæstiréttur Íslands staðfesti í gær úrskurð Héraðsdóms Reykjavíkur um að réttarhöld yfir konu, sem er ákærð fyrir að hafa orðið barni sínu að bana, verði opin. verjandi konunnar fór fram á að réttarhöldin yrðu lokuð fyrir héraðsdómi, en dómari málsins, Arngrímur Ísberg hafnaði því. Úrskurðinum var því áfrýjað til Hæstaréttar.

Þriðji níðingurinn fyrir dóm

Mál þriðja mannsins, sem er grunaður um að hafa níðst kynferðislega á fjórtán ára dreng frá Akranes, var þingfest í Héraðsdómi Vesturlands í morgun. Þá fór einnig fram fyrirtaka í máli annars manns sem einnig er grunaður um að hafa misnotað drenginn. Aðalmeðferð er hafin í þriðja málinu.

Frumvarp ráðherra breyttist í þingnefnd

Fjárlagafrumvarpið var samþykkt á Alþingi í gær. Þingheimur hefur bætt við ríkisútgjöld og dregið úr niðurskurði frá því sem var að finna í frumvarpi fjármálaráðherra.

Fjórtán ráðherrar frá kosningum

Fyrirhugaðar breytingar á ríkisstjórn hafa verið í umræðunni síðustu daga. Allt bendir til að Jón Bjarnason hverfi af ráðherrastóli á næstunni. Fjölmargar breytingar hafa verið gerðar á ráðherraliði stjórnarflokkanna frá kosningunum 2009. Stjórnmálafræðingur segir hrókeringar í ráðherraliði merki um veikleika ríkisstjórnar.

Leita uppi óbólusett börn vegna mislinga

Haraldur Briem sóttvarnalæknir hvetur foreldra til að bólusetja börn sín við mislingum. Embættið leitar nú óbólusettra barna á grunni fullkomins upplýsingabanka. Hann segir ljóst að hlutfall bólusetninga megi ekki minnka að ráði hér á landi ef ekki eigi að skapast hætta á að mislingar blossi upp hér. Á þremur árum hefur mislingafaraldur náð til allra Evrópulanda nema Íslands, Ungverjalands og Kýpur.

Er talinn hafa skorið sig sjálfur

Karlmaður á sextugsaldri, sem lögreglumenn fundu alvarlega slasaðan á heimili hans í fjölbýlishúsi við Skúlagötu í fyrrinótt, er talinn hafa skorið sig sjálfur með glerbrotum.

Mikil framleiðsla á amfetamíni hér á landi

„Það liggur fyrir að hér á landi er framleitt mikið af marijúana og amfetamíni og mjög lítið af þessum efnum flutt inn, að minnsta kosti tilbúið til neyslu.“ Þetta segir Karl Steinar Valsson, yfirmaður fíkniefnadeildar LRH, spurður um hugsanlegar skýringar á því að umræddar tegundir fíkniefna hafa hrapað í verði á götunni.

Fjörutíu ára afmæli samskipta við Kína

Forsetar Íslands og Kína skiptust í dag á heillaskeytum í tilefni af því að í dag eru fjörutíu ár liðin frá því að ríkin tóku upp formleg samskipti. Hu Jintao forseti Kína segir að samskipti þjóðanna hefðu þróast jafnt og þétt í gegnum árin á grundvelli virðingar í garð hvors annars og hagsbóta fyrir bæði ríkin. Ólafur Ragnar talaði á svipuðum nótum í sínu skeyti og sagði að tvíhliða samstarfið hefði gengið vel í þessa fjóra áratugi.

Vitni voru yfirheyrð í gær - leigubílstjórinn ófundinn

Vitni voru yfirheyrð í gær í kjölfar nauðgunarkæru sem átján ára stúlka hefur lagt fram á hendur Agli Einarssyni og unnustu hans.

Íslenskir bændur kenni Norðmönnum að forðast smjörskort

Ungir jafnaðarmenn hafa miklar áhyggjur af smjörskortinum í Noregi og skora á íslensku bændasamtökin að senda menn til Noregs til að ausa úr viskubrunni sínum á sviði fæðuöryggis, segir í tilkynningu.

Telja bókasölu matvöruverslana rýra möguleika nýrra höfunda

Stjórnendur Eymundsson telja að hið takmarkaða úrval bókatitla, sem er á boðstólnum í matvöruverslunum nokkrar vikur fyrir jól, sé til þess fallið að draga úr möguleikum nýrra höfunda til að koma sér á farmfæri, þar sem bækur þeirra séu ekki valdar til sölu í matvöruverslunum.

Hörku frost áfram á Norðurlandi

Enn er hörku frost fyrir norðan og mældist rúmlega 21 stigs frost við Mývatn í nótt, röskar 24 gráður á Brú á Jökuldal og 12 stig á Akureyri. Mun hlýrra er á Suðurlandi, en á móti kemur að þæfings færð er víða á Suðurnesjum. Snjómokstur hófst þar snemma í morgun.

Óvissuástandi lýst á Keflavíkurflugvelli

Svonefndu óvissuásatndi var lýst á Keflavíkurflugvelli í gærkvöldi, eftir að flugstjóri Hercules flutningavélar óskaði eftir að fá að lenda, eftir að það drapst á einum af fjórum hreyflum hennar. Ellefu manns voru um borð.

Þrjú ungmenni sluppu ómeidd úr bílveltu

Fólksbíll með þremur ungmennum um borð, valt á Bústaðavegi á móts við Réttarholtsveg á þriðja tímanum í nótt.

Ekkert gengur á loðnuveiðum

Loðnuveiðin á þessari vertíð er vart um talandi, þar sem aðeins rúmlega 8.500 tonn eru komin að landi síðan í byrjun október af rúmlega 180 þúsund tonna kvóta. Illa hefur gengið að staðsetja loðnu í veiðanlegu magni, en brælur hafa líka gert mönnum lífið leitt. Lítið hefur fundist af loðnu í veiðanlegu magni úti af Vestfjörðum eftir að áhöfn rannsóknaskipsins Árna Friðrikssonar varð vör við álitlegar torfur af stórri og góðri loðnu á þessum slóðum á mánudag.

Stofna flokk á landsvísu

Félag áhugafólks um bjarta framtíð boðar til blaðamannafundar í dag en þá verður nýju stjórnmálaafli formlega hleypt af stokkunum. Undir tilkynningu um fundinn rita þau Heiða Helgadóttir og Gaukur Úlfarsson, sem bæði eru framáfólk í Besta flokknum. Heiða var meðal annars kosningastjóri flokksins fyrir síðustu borgarstjórnarkosningar. Þingmaðurinn Guðmundur Steingrímsson mun einnig standa að stofnun flokksins.

Fá skerðingu á launum til baka

Draga á til baka launaskerðingu sem starfsmenn Ríkisútvarpsins tóku á sig í ársbyrjun 2009 í kjölfar bankahrunsins. Þetta tilkynnti Páll Magnússon útvarpsstjóri á fundi sem hann boðaði til með starfsmönnunum í síðustu viku.

Foreldrar setji ekki börn ofan í innkaupakerrur

Fjöldi barna slasast árlega við það að falla úr innkaupakerrum eða klemma sig á hlutum í og á kerrunum. Niðurstöður rannsókna sýna að séu viðvörunarspjöld í kerrunum láta foreldrar börn sín síður sitja innan um vörurnar í þeim.

Bremsa brást er vindmylla fauk af mastri

„Það er ekki mikið sem hægt er að segja við svona uppákomu,“ segir Friðrik Sigurðsson, talsmaður sænska fyrirtækisins Hannevind, sem framleiddi vindmylluna sem stórskemmdist í Belgsholti í Leirársveit.

Aðgerðaáætlun OR staðist á þessu ári

Útlit er fyrir að Orkuveita Reykjavíkur (OR) nái markmiðum sínum um hagræðingu í rekstri og gott betur á þessu ári. Í lok þriðja ársfjórðungs hafði fyrirtækið þegar sparað sem jafngildir rúmum 97 prósentum af markmiði ársins.

Vöktuðu risaolíuskip við Ísland

Landhelgisgæslan vaktaði olíuskipið St. Heritage frá fimmtudegi til þriðjudags þar sem það beið af sér veður 40 mílur austur af Stokksnesi. Olíuskipið, sem er 40 þúsund tonna tankskip, var á siglingu með fullfermi frá Múrmansk í Rússlandi til Hjaltlandseyja en vegna veðurs við eyjarnar fékk skipið fyrirmæli frá útgerðarfélagi sínu um að bíða á þessu svæði eftir hagstæðari veðurskilyrðum.

4G er framtíðin í fjarskiptum

Íslensk fjarskiptafyrirtæki hafa hafið undirbúning fyrir innreið 4G, fjórðu kynslóðar farskiptakerfisins, sem mun bjóða upp á aukinn hraða í gagnaflutningum fyrir neytendur á næstu misserum. Enn sem komið er eru fyrirtækin þó enn á undirbúningsstigi. Kjartan Briem, framkvæmdastjóri tæknisviðs hjá Vodafone, segir í samtali við Fréttablaðið að þau séu í startholunum og hafi litið til Vodafone Global og reynslu þess í uppbyggingu þess konar kerfa.

Nemar geta lært við fjóra skóla

Opinberu háskólarnir fjórir hafa gert með sér samning um gagnkvæman aðgang nemenda að námskeiðum við skólana. Forsvarsmenn Háskóla Íslands, Háskólans á Akureyri, Landbúnaðarháskólans og Háskólans á Hólum skrifuðu undir samninginn ásamt menntamálaráðherra á mánudag.

Bandaríkjamenn brutu ekki gegn Íslendingum

Ekkert bendir til þess að að starfsmenn öryggissveitar sendiráðs Bandaríkjanna í Reykjavík hafi brotið íslensk lög né að starfsemi sveitarinnar brjóti í bága við þær heimildir sem sendiráðið hefur á grundvelli Vínarsamningsins um stjórnmálasamband ríkja. Þetta er niðurstaða ríkissaksóknara sem tilkynnt hefur verið innanríkisráðuneytinu.

Kolka í aðgerð

Kolka, fimm mánaða gömul tík, þjáðist vegna misvaxtar á beinum í framfæti og gekkst undir aðgerð á Dýraspítalanum í Víðidal. Anton Brink ljósmyndari fylgdi henni þangað.

Fjárlagafrumvarpið samþykkt með minnihluta atkvæða

Fjárlagafrumvarpið var samþykkt á Alþingi fyrir stundu. Fjárlagafrumvarpið er jafnan stærsta þingmál á hverju þingi fyrir jól og var engin untantekning núna. Á morgun eru svo önnur stór þingmál til umræðu. Meðal annars er sérstök umræða um aga í ríkisfjármálum. Næstu daga þar á eftir verða svo nefndardagar á Alþingi.

Dagbókarbrot Páls Óskars: Öll börn eiga rétt

Dagbókarbrot frá Páli Óskari Hjálmtýssyni í Síerra Leóne birtast þessa dagana á Vísi, eitt á dag, fram að söfnunar- og skemmtiþætti UNICEF, Barnahjálp Sameinuðu þjóðanna, sem sýndur verður á föstudag, á degi rauða nefsins. Dagur rauða nefsins verður í opinni útsendingu á Stöð 2 og hér á Vísi.

Um 40% krabbameinstilfella tengd lífsstíl

Um 40% krabbameinstilfella má tengja lífsstíl, eftir því sem fram kemur í frétt á vef BBC. Guðmundur Björnsson endurhæfingarlæknir sagði í samtali við Reykjavík síðdegis í dag að þarna væri ekki um ný sannindi að ræða. Lfstílsþættir hafi klárlega áhrif á sjúkdóma. Þar á meðal krabbamein.

Sendu persónuupplýsingar um sjúklinga í fjöldapósti

Starfsmaður á vegum Háskóla Íslands sendi í fyrradag út tölvupóst með boði um þátttöku í rannsókn á vegum Háskóla Íslands, Landspítala og Heilsugæslu höfuðborgarsvæðisins með þeim hætti að viðtakendur póstsins sáu netföng hvers annars. Afleiðingarnar eru þær að sjá má netföng fólks sem hefur leitað á vissar göngudeildir Landspítala, meðal annars göngudeild geðsviðs, á ákveðnu tímabili.

Atkvæði greidd um fjárlagafrumvarpið

Nú stendur yfir atkvæðagreiðsla um fjárlagafrumvarp ríkisstjórnarinnar á Alþingi. Atkvæðagreiðslan hófst klukkan hálffjögur og hefur því staðið yfir í einn og hálfan tíma. Þriðju og síðustu umræðu um fjárlögin lauk á Alþingi í gær. Stjórnarandstaðan hefur gagnrýnt niðurskurð í heilbrigðismálum en samkvæmt breytingartillögu meirihluta fjárlaganefndar voru útgjöld til heilbrigðismálum aukin um rúmar 940 milljónir.

Engin ákvörðun um sameiningu ráðherraembætta

Jóhanna Sigurðardóttir forsætisráðherra sagði á Alþingi að það væri ekki búið að taka nýjan ákvörðun um frekari sameiningu ráðuneyta. Þannig hafa verið uppi getgátur og umræður hjá þingmönnum og fjölmiðlum um að það standi til að sameina efnahags- og viðskiptaráðuneytið við fjármálaráðuneytið.

Stefnt að opnun Bláfjalla um helgina

Stefnt er að því að opna skíðasvæðið í Bláfjöllum fyrir almenning um næstu helgi. Einar Bjarnason rekstrarstjóri Bláfjalla segir að til standi að opna um það bil 70 prósent svæðisins. Snjórinn sé ekki mjög mikill en færið þó gott. Stólalyftan í Kóngsgili verður opin og nokkrar diskalyftur á suðursvæðinu einnig. Þá verður barnalyftan við skíðaskálann að sjálfsögðu opin einnig.

Leitar vitna að árekstri þegar ökumaður klessti á lögreglubíl

Lögreglan á höfuðborgarsvæðinu óskar eftir vitnum að umferðarslysi sem varð á Hafnarfjarðarvegi, skammt frá bensínstöð N1 í Fossvogi, klukkan 7.41 í morgun. Þar var grárri BMW-bifreið ekið aftan á kyrrstæða lögreglubifreið í vegkantinum.

Óprúttnir aðilar reyna að selja miða á ókeypis tónleika

Aðeins var hægt að skrá fjóra miða á hverja kennitölu þegar sótt var um miða á tónleika Mugison í Hörpunni. Samkvæmt heimildum Vísis hafa einhverjir aðilar boðið miða til sölu á Facebook-reikningum sínum. Í einu tilvikinu reyndi óprúttinn aðili að bjóða miðana til sölu á 2000 krónur.

Allir Mugison miðarnir búnir

Miðasölusíðan Miði.is fór á hliðina í dag þegar fólk reyndi að ná sér í miða með tónlistarmanninum Mugison sem ákvað að halda ókeypis tónleika í Hörpu fyrir jól. Til að svara þeirri gífurlegu eftirspurn sem var eftir miðum á viðburðinn hefur Mugison ákveðið að þriðju tónleikana þann 22.desember, á miðnætti. Það breytti því ekki að miðarnir ruku út og nú er orðið fullt á alla tónleikana þrjá.

Ríkið selur Reykhóla

Jón Bjarnason skrifaði um síðastliðna helgi undir sölu á 98 hektara landi úr jörðinni Reykhólum til Reykhólahrepps. Í tilkynningu frá ráðuneytinu segir að um sé að ræða landið sem Reykhólaþorp stendur á og var söluverð 17,5 milljónir króna. "Undanskilið í sölunni er lóð Reykhólakirkju, kirkjugarðs, prestshúss og fjárhúsa sem fylgja prestssetri. Þá verður gatan Maríutröð sem liggur í gegnum þorpið eftir sem áður á forræði Vegagerðar,“ segir ennfremur.

Íhugar að kæra Pressuna til lögreglunnar vegna myndbirtingar

"Ég held að það séu engin fordæmi fyrir því að brotaþolendur í kynferðisafbrotamálum séu myndbirtir," segir Katrín Oddsdóttir lögmaður sem ætlar að kæra fréttamiðilinn Pressuna.is til blaðamannafélags Íslands og lögreglunnar fyrir að myndbirta stúlku sem hefur kært Egil Gillz Einarsson og unnustu fyrir nauðgun.