Númer klippt af 70 bílum á Suðurnesjum

Skráninganúmer hafa verið klippt af um 70 bílum á Suðurnesjum það sem af er mánuði vegna ógreiddra trygginga, segir í frétt Víkurfrétta. Oftast eru plötur teknar að næturlagi því þá er líklegra að bílarnir séu fyrir utan heimili eigenda sinna.

Þrjú hjólhýsi fuku

Þrjú hjólhýsi hafa fokið í kvöld á þjóðveginum vestan við Höfn í Hornafirði, að Djúpavogi, að sögn lögregluþjóns á svæðinu. Bílar skemmdust, í tveimur tilvikum fóru þeir á hliðina, en engin slys voru á fólk.

Stolnu fellihýsin fundin

Fellihýsin sem stolið var nýlega frá verslun Ellingsen og Víkurverkum eru komin í vörslu lögreglu og tveir menn hafa verið handteknir í tengslum við rannsókn málsins. Þetta kemur fram í frétt RÚV.

Weisshappel safnar fyrir skuldugum Ómari Ragnarssyni

Friðrik Weisshappel, veitingamaður í Kaupmannahöfn, hefur stofnað Facebook-síðu þar sem hann hvetur fólk til að gefa Ómari Ragnarssyni eitt þúsund krónur í sjötugs afmælisgjöf sem þökk fyrir ómetanleg störf í þágu íslenskrar náttúru.

Tölur yfir auglýsingatíma Haga í skekktar

Framkvæmdastjóri birtingarhúss segir tölur yfir auglýsingatíma Haga í sjónvarpi skekktar. Ef tölur yfir keyptar auglýsingar á besta tíma eru bornar saman auglýsa Hagar litlu meira á Stöð 2 en í Ríkissjónvarpinu.

Ný gengislánaúttekt FME - niðurstaðan svipuð

Ný og ítarleg úttekt Fjármálaeftirlitsins á áhrifum dóma Hæstaréttar um lögmæti gengistryggðra lána breytir ekki til muna þeirri mynd sem áður hefur verið dregin upp af afleiðingunum fyrir fjármálafyrirtækin og ríkissjóð, segir í frétt RÚV.

Blæddi inn á heila átta drengs - leitað að vitnum að slysinu

Átta ára drengur, sem varð fyrir bíl við Mjóddina í gær, fékk blæðingu í heila, að sögn föður hans.

Mikil umferð í gegnum Selfoss

Mikil umferð hefur verið í gegnum Selfoss frá hádegi í dag og þyngdist hún jafn og þétt. Umferðin fór þó minnkandi um sjö leytið í kvöld, að sögn lögregluþjóns. Spáð er mikilli veðurblíðu á svæðinu um helgina.

Breskur Evrópuþingmaður: Kostir EES meiri en ESB

Breskur Evrópuþingmaður segir kosti þess að taka þátt í evrópska efnahagssvæðinu meiri en af Evrópusambandsaðild. Hann segir Evrópuþingið telja Íslendinga svo örvæntingarfulla að þeir samþykki hvaða aðildarskilmála sem er.

Kaupmáttur lágmarkslauna eykst um 2,5%

Kaupmáttur lágmarkslauna hefur aukist um tvö komma fimm prósent frá ársbyrjun 2008 samkvæmt útreikningum Samtaka atvinnulífsins. Á sama tíma hefur kaupmáttur launa að meðaltali dregist saman um rúm 13 prósent.

Akureyrarflugvöllur lokar líklega fari slökkiliðsmenn í verkfall

Akureyrarflugvelli verður væntanlega lokað komi til verkfalls slökkviliðs- og sjúkraflutningamanna í næstu viku. Fátt bendir til þess að samningar náist fyrir þann tíma.

Kærði stjórnendur Kaupþings en ekkert verður gert

Maður sem kærði stjórnendur Kaupþings til Ríkislögreglustjóra telur að þeir hafi nýtt sér fákunnáttu hans þegar honum var veitt gengislán. Kæran var send frá Ríkislögreglustjóra til Sérstaks saksóknara, sem ætlar ekki að aðhafast í málinu. Maðurinn biðlar til yfirvalda um að einstaklingar þurfi ekki að fjargviðrast í þessum málum sjálfir.

Þorskkvótinn verður aukinn - útvegsmenn vilja meira

Jón Bjarnason sjávarútvegsráðherra kynnti í dag ákvörðun um heildaraflamark fyrir komandi fiskveiðiár en ráðherra fylgir í meginatriðum ráðgjöf Hafrannsóknarstofnunar.

Unnur G. biður Silju Báru afsökunar

Unnur G. Kristjánsdóttir, formaður nefndar um erlenda fjárfestingu, hefur sent RÚV yfirlýsingu vegna ummæla Silju Báru Ómarsdóttur, fulltrúa Vinstri græna í nefndinni, í hádegisfréttum Ríkisútvarpsins. Þar sagði Silja formanninn hafa lagt að sér að sitja hjá við afgreiðslu álits nefndarinnar á kaupum Magma á HS Orku í gegnum sænskt dótturfélag, ella væri ríkisstjórnarsamstarfið í hættu.

Smokkakennsla í miðbænum

Jafningjafræðslan og VÍS buðu landsmönnum í allsherjar sumarfagnað niðri á Austurvelli klukkan tvö í dag. Eins og sést á myndum-inni var bongóblíða í miðbænum þar sem fjöldi fólks naut veðurblíðunnar við ljúfa tóna sem berast frá Götuhátíð Jafningjafræðslunnar og VÍS.

Kattafárið komið til Hafnarfjarðar: Villiköttur meig í stigagangi

Íbúar í blokk í Hafnarfirði fengu óvænta heimsókn í gær þegar villiköttur hreiðraði um sig á efsta stigagangi blokkarinnar. Kötturinn vældi og hvæsti á íbúana sem lentu á vegg þegar þeir hringdu eftir hjálp.

Snjórinn horfinn úr Gunnlaugsskarði

Snjóskaflinn í Gunnlaugsskarði í Esjunni er horfinn samkvæmt upplýsingum frá Páli Bergþórssyni, fyrrverandi Veðurstofustjóra. Þar með er Esjan orðin snjólaus. Páll segir að þetta sé tíunda sumarið í röð sem skaflinn hverfi. Meira en 150 ár séu liðin frá þvi að skaflinn hverfur svo mörg sumur í röð.

Sjósundsgjörningur við Ægissíðu

Í kvöld mun breskur myndlistarmaður standa fyrir óvenjulegum gjörningi við Ægissíðuna í kvöld. Hann mun standa í stiga úti á hafi í háflóði. Þessi gjörningur er hápunktur og lokaatriði listahátíðarinnar Villa Reykjavík.

Sérsveitin fylgist með utanvegaakstri

Sérsveit ríkislögreglustjóra og lögreglustjórinn á Suðurnesjum fylgjast með utanvegaakstri á Reykjanesi nú í sumar. Settar hafa verið upp skilmerkilegar merkingar við enda Vigdísarvallavegar 428, við Krýsuvíkurveg 42 og

Steinunn Valdís ræktar garðinn sinn

„Mér finnst Akranes vera heillandi sveitarfélag og ég er tilbúinn til þess að veita krafta mína til þess að vinna fyrir það," segir Steinunn Valdís Óskarsdóttir, fyrrverandi borgarstjóri og fyrrverandi alþingismaður. Hún er á meðal 37 umsækjenda um stöðu bæjarstjóra á Akranesi.

Dæmdur fyrir manndráp af gáleysi - ætlar ekki að áfrýja

Maður á fertugsaldri var í dag dæmdur í sex mánaða fangelsi fyrir manndráp af gáleysi. Maðurinn ók ölvaður á vitlausum vegarhelmingi á Grindavíkurvegi og lenti árekstri við bíl sem kom úr gagnstæðri átt.

Allir í fríi nema móttökuritarinn

Það er ekki lokað en það var gefið sólarfrí hérna í ráðuneytinu, segir Silja Gunnarsdóttir, móttökuritari í félagsmálaráðuneytinu.

Varað við framúrakstri

Umferðarstofu hefur borist upplýsingar um það að mikil umferð sé á Suðurlandsvegi og töluvert sé um hættulegan framúrakstur.

Litli drengurinn kominn úr öndunarvél

Átta ára gamall piltur sem lenti fyrir bíl þegar að hann var á reiðhjóli við Mjóddina í gær er kominn úr öndunarvél. „Hann er farinn að anda sjálfstætt þannig að þetta er í plús,“ segir Hólmar Eðvaldsson, pabbi litla drengsins.

Stal barnapela úr Krónunni: Þjófnaður er þjófnaður

Það skiptir ekki máli hvort þú stelir einu súkkulaðistykki eða tíu, segir yfirmaður hjá Krónunni en Vísir.is sagði frá því í gær að tvítug stúlka er ákærð af lögreglustjóranum á Selfossi fyrir að hafa stolið einum barnapela, átta barnasamfellum og náttbuxum úr búð Krónunnar á Selfossi.

Félagslegar íbúðir á útsölu á Patreksfirði

Um 40 raðhús eru nú til sölu á Patreksfirði. Fasteignaverðið er með því lægsta sem gerist á landinu en íbúðirnar voru byggðar í félagslega kerfinu. Bæjaryfirvöld ákváðu hins vegar að bjóða eignirnar til sölu.

Þorskkvótinn verður 160 þúsund tonn

Jón Bjarnason landbúnaðar- og sjávarútvegsráðherra hefur ákveðið að þorskkvótinn á næsta fiskveiðaári verði 160 þúsund tonn. Er þetta í samræmi við tillögur Hafrannsóknarstofnunnar.

Steinunn Valdís vill í bæjarstjórastólinn

Steinunn Valdís Óskarsdóttir, fyrrverandi borgarstjóri í Reykjavík og fyrrverandi alþingismaður er á meðal þeirra sem sóttu um starf bæjarstjóra á Akranesi. Alls sóttu 40 einstaklingar um stöðu bæjarstjóra á Akranesi. Þrír drógu umsóknir sínar til baka þannig að umsækjendur voru 37.

Lögreglan handtók strípaling í Elliðaárdalnum

Maður á sextugsaldri beraði sig fyrir framan hóp ungra stúlka sem voru við leik í Elliðaárdalnum í gær. Lögreglan kom á vettvang og handtók manninn. Honum var sleppt eftir yfirheyrslur í gær.

Forseti á faraldsfæti

Ásta Ragnheiður Jóhannesdóttir, forseti Alþingis, sækir sjöttu ráðstefnu kvenþingsforseta á vegum Alþjóðaþingmannasambandsins sem er haldinn í Bern í Sviss í dag og á morgun. Öllum kvenþingforsetum aðildarlanda Alþjóðaþingmannasambandsins er boðið til ráðstefnunnar samkvæmt frétt á vef Alþingis.

Tæplega 11% sinntu ekki öryggi barna

Tæplega 11% barna voru í engum búnaði eða einungis í öryggisbelti þegar Umferðarstofa og Slysavarnafélagið Landsbjörg könnuðu öryggi barna í bílum í maí síðastliðnum. Könnunin var gerð við 75 leikskóla víða um land og var öryggisbúnaður 2660 barna skoðaður.

Litli drengurinn enn á gjörgæslu

Átta ára gamall drengur sem ekið var á við Mjóddina síðdegis í gær er enn á gjörgæsludeild Landspítalans í Fossvogi. Að sögn vakthafandi læknis er honum haldið sofandi í öndunarvél en líða hans er stöðug.

Fellihýsaþjófurinn handtekinn

Karlmaður var handtekin í gær grunaður um að hafa stolið tjaldvagni við verslun Ellingsen aðfaranótt miðvikudags og fellihýsi við Víkurverk í síðustu viku. Samkvæmt upplýsingum frá lögreglunni á höfuðborgarsvæðinu er maðurinn ekki búinn að viðurkenna brot sín en hann verður yfirheyrður í dag. Lögreglan hefur jafnframt lagt hald á jeppa sem talið er að maðurinn hafi notað við þjófnaðinn.

Tónleikar og götumarkaður

Búist við mikilli umferð um hálendið um helgina

Búist er við mikilli umferð um hálendið um helgina, ekki síst vegna góðrar veðurspár.

Slapp lítið meiddur eftir mótorhjólaslys

Ökumaður mótorhjóls slapp lítið meiddur eftir að hann missti stjórn á hjóli sínu í lausamöl í vegkanti Nesjavallavegar laust fyrir miðnætti og hafnaði utan vegar. Hann var flulttur á slysadeild Landsspítalans til aðhlynningar og skoðunar.

Erlend seglskskúta strandaði við Höfn í Hornafirði í nótt

Erlend seglskúta með nokkra menn um borð, strandaði í innsiglingunni til Hafnar í Hornafirði í nótt, en var bjargað á flot og að bryggju.

Handtekinn fyrir að svamla út í hólmann í Tjörninni

Ungur karlmaður var handtekinn eftir að hann hafði fleytt sér á vindsæng út í hólmann í Reykjavíkurtjörn í nótt og kveikt þar eld.

Steinunn missir ekki svefn yfir áformum Jóns Ásgeirs

„Ég missi ekki svefn út af þessu," segir Steinunn Guðbjartsdóttir, formaður slitastjórnar Glitnis, um þau orð Jóns Ásgeirs Jóhannessonar að hann hyggist höfða meiðyrðamál á hendur henni vegna meintra lyga í eiðsvörnum yfirlýsingum fyrir dómstólum.

Fjármálaráðuneytinu bar að bjóða út kaup á flugfarmiðum

Fjármálaráðuneytið braut lög með því að semja einhliða um kaup á flugfarmiðum af Icelandair í maí í fyrra. Þetta segir kærunefnd útboðsmála.

Keypti þrjú lögfræðiálit vegna Magma

Nefnd um erlenda fjárfestingu keypti þrjú lögfræðiálit vegna umsóknar Magma um kaup í HS Orku. Enginn nefndarmanna með lögfræðimenntun eða sérfræðiþekkingu á starfssviði nefndarinnar.

Neyðarhnappur á Facebook í vinnslu hér á landi

Hnappurinn er sérstaklega ætlaður börnum og unglingum sem nota síðuna. Tilkynningar í gegnum hnappinn munu bæði berast til Facebook og einnig til Ceop, sem er opinber eftirlitsstofnun með barnavernd í Bretlandi. Ceop mun veita ráð um hvernig á að bregðast við mögulegum ógnum á netinu en það var stofnunin sem kallaði eftir því að hnappurinn yrði settur upp. Stjórnendur Facebook voru upphaflega á móti því og töldu eigið öryggiskerfi duga. Aðrar samskiptasíður, til dæmis Myspace, hafa tekið neyðarhnappinn upp.

Ekki einróma álit um endurskoðun fiskveiðistjórnunarkerfis

Starfshópur um endurskoðun fiskveiðistjórnunarkerfisins hefur fundað stíft undanfarna daga og er búinn að leggja drög að skýrslu til ráðherra. Fulltrúar Landssambands íslenskra útvegsmanna og Samtaka fiskvinnslustöðva taka nú þátt í starfi hópsins á ný.

Nauðgun tengd við Facebook

Íslenskur maður var dæmdur í Héraðsdómi Reykjavíkur í maí fyrir nauðganir. Hann komst í kynni við fórnarlömb sín á Facebook-samskiptasíðunni og mælti sér mót við þau. Maðurinn nauðgaði stúlku fæddri árið 1993 og hélt henni nauðugri yfir nótt á heimili sínu. Hann var einnig dæmdur fyrir kynferðisbrot gegn barni og nauðgun gegn stúlku fæddri 1995, og fyrir að hafa haft samfarir við þrettán og fjórtán ára stúlkur. Hann var dæmdur í fimm ára fangelsi.

Sætuefnin fjölga fyrirburum

Neysla á svokölluðum diet-drykkjum getur aukið líkurnar á fyrirburafæðingum um allt að 78 prósent, að því er kemur fram í nýrri rannsókn sem birt er í læknatímaritinu American Journal of Clinical Nutrition. Rannsóknin var unnin sem samstarfsverkefni Háskóla Íslands, Statens Serum Institut í Danmörku og Harvard.