Fleiri fréttir

Hagsmunasamtökin undrast dóm

Hagsmunasmtök heimilanna undrast mjög þann dóm Héraðsdóms Reykjavíkur nýverið, að fjármögnunarfyrirtæki hafi verið heimilt að gefa út skuldabréf, tilgreint í íslenskum krónum, með gengistryggingu við erlenda gjaldmiðla.

Mikið tjón í bruna í Waldorfskóla

Miklar skemmdir urðu á þremur skólastofum við Waldorfskólann að Hraunbergi þegar þrír fimmtán ára piltar kveiktu þar í laust fyrir miðnætti. Þrátt fyrir að slökkvistarf gengi vel er tjónið mikið.

Þrjár kærur vegna Suðvesturlínu

Þrjár kærur hafa borist Umhverfisráðuneytinu vegna ákvörðunar Skipulagsstofnunar að ekki skuli fara fram sameiginlegt mat á umhverfisáhrifum Suðvestur­línu og tengdra framkvæmda.

Þurfa 1.875 upprunavottorð

Norskir útflytjendur standa nú frammi fyrir því að útflutningur á óverulegu magni af fiski getur kallað á gríðarlegt flóð vottorða vegna hertra reglna Evrópusambandsins. Þetta kemur til vegna tilrauna til þess að stemma stigu við ólöglegum fiskveiðum.

Dómi amfetamínstúlku áfrýjað

Ákæruvaldið hefur áfrýjað til Hæstaréttar sýknudómi yfir stúlku sem var ákærð fyrir að hafa með framburði fyrir lögreglu og fyrir dómi leitast við að koma því til leiðar að fjórir menn yrðu sakaðir um kynferðisbrot gegn henni. Stúlkan var sýknuð af ákæru þessa efnis í Héraðsdómi Reykjavíkur í haust.

Skilaboð til Kaupmannahafnar

Umhverfis- og mannréttindasamtök víða um heim standa fyrir viðburði laugardaginn 12. desember til að undirstrika mikilvægi Kaupmannahafnarfundarins, ráðstefnu Sameinuðu þjóðanna um loftslagsmál, sem hefst í dag og stendur til 18. desember. Vonir standa til að viðburðurinn verði sá stærsti í tengslum við þetta málefni frá upphafi. Þúsund samkomur í níutíu löndum hafa þegar verið skipulagðar, þar af tvær á Íslandi.

Þriðja hver sería reyndist hættuleg

Þriðja hver jólasería er hættuleg, samkvæmt nýrri könnun Evrópusambandsins. Kannaðar voru nær 200 seríur í öllum verðflokkum í fimm löndum, Hollandi, Þýskalandi, Ungverjalandi, Slóveníu og Slóvakíu. Seríurnar féllu margar á ýmiss konar öryggisprófunum sem gerðar voru, algengasti gallinn voru lélegar leiðslur í snúrunum og hætta á ofhitnun af ýmsum ástæðum.

Stuðningur til framtíðar

Velunnarar kvenna­deildar Landspítala Háskólasjúkrahúss hafa ákveðið að stofna styrktar­­félag sem ætlað er að styrkja alla þætti kvennadeildarinnar.

Fækkun þyrla afleitur kostur

„Mér finnst þetta afleitur kostur. Ef af verður er þetta það alvarlegt mál að ég mun kynna það ríkisstjórn. Ég vil skoða alla aðra möguleika áður en gripið verður til þessa ráðs og hef þegar óskað eftir minnisblaði frá Landhelgisgæslunni um þetta,“ segir Ragna Árnadóttir dómsmálaráðherra um þá hugmynd að fækka þyrlum Landhelgisgæslunnar úr þremur í tvær.

Þjónusta við langveik börn aukin

Stuðnings- og nærþjónusta við langveik börn og börn sem greind hafa verið með ofvirkni og athyglisbrest (ADHD) verður aukin með nýjum samstarfssamningi ráðuneyta og sveitarfélaga um tilrauna­verkefni í þessu skyni til þriggja ára. Samningur­inn var undiritaður í síðustu viku. Áttatíu milljónir króna renna til verkefnisins árið 2009. Fjárhæðinni er skipt milli félags- og tryggingamálaráðuneytis, mennta- og menningarmálaráðuneytis og heilbrigðisráðuneytis en samstarfssamningurinn er milli þessara ráðuneyta og Sambands íslenskra sveitarfélaga fyrir hönd sveitar­félaga í landinu.

Íslensk hross send til Mexíkó í fyrsta sinn

Sjö folöld eru nú á leiðinni frá Íslandi til Mexíkó. Þetta ungviði er fyrstu íslensku hrossin sem flutt eru héðan þangað til lands. Þau eru í löngu og ströngu ferðalagi, því það tekur að minnsta kosti tíu daga með hvíldar­stoppum.

Sjómannasambandið leggst alfarið gegn fækkun þyrlna

„Við leggjumst alfarið gegn fækkun á þyrlum,“ segir Sævar Gunnarsson, formaður Sjómannasambands Íslands, um hugsanlegar sparnaðaraðgerðir Landhelgisgæslunnar en mögulegt er að þyrlan TF EIR verði skilað vegna niðurskurðar.

UMFÍ áhugasamt um að stofna Lýðháskóla

„Þetta er bara á teikniborðinu,“ segir Helga Guðrún Guðjónsdóttir, formaður UMFÍ, en uppi hafa verið hugmyndir um að stofna Lýðháskóla hér á landi. Um er að ræða draum sem ungmennafélagið hefur gengið með í maganum en er ekki komið á alvarlegt stig að sögn Helgu.

Roger Boyes: Jón Ásgeir og Davíð haga sér eins og leikskólabörn

„Þetta var leikhús fáránleikans,“ lýsir Roger Boyes, rithöfundur og fréttaritari The Times í London, hruninu á Íslandi eins og það kom honum fyrir sjónir þegar hann var staddur hér á landi í október á síðasta ári. Roger var í viðtali við Egil Helgason í Silfri Egils í hádeginu. Hann hefur meðal annars skrifað bókina Meltdown Iceland um hrunið.

Forstjóri Landhelgisgæslunnar: Þarf að skera niður um 300 milljónir

Landhelgisgæslan íhugar að reka aðeins tvær björgunarþyrlur í stað þriggja í sparnaðarskyni. Miklar gengisbreytingar hafa farið verst með rekstur gæslunnar og þarf að skera niður um 300 milljónir króna á næsta ári. Forstjóri gæslunnar segir ennþá ekkert ákveðið en fækkun þyrla yrði einn af síðustu kostum öryggisins vegna.

Unnið að fjórða meirihlutanum í Grindavík - farsakennd bæjarpólitík

Samfylkingin, Vinstrihreyfingin grænt framboð og Sjálfstæðisflokkurinn í Grindavík hittast í kvöld til þess að semja um nýjan meirihluta í bæjarstjórn eftir að VG sleit samstarfinu á föstudaginn síðasta. Þá sendu þeir út tilkynningu þar sem þeir sögðust ekki geta stutt meirihluta Samfylkingar, Framsóknar og VG vegna ágreinings um bæjarstjóra.

Hálka og hálkublettir víða á landinu

Vegir eru að mestu auðir á Suðurlandi en hálkublettir eru þó sumstaðar á útvegum. Á Vesturlandi er hálka á Holtavörðuheiði en annarsstaðar hálkublettir eða alveg autt.

Landhelgisgæslan hyggst skila björgunarþyrlu

Landhelgisgæslan mun aðeins reka tvær björgunarþyrlur á næsta ári og verður minni þyrlu Landhelgisgæslunnar, TF-EIR, skilað samkvæmt heimildum Víkurfrétta úr Stjórnarráðinu.

Skíðasvæðið í Skarðsdal opið í dag

Skíðasvæðið í Skarðsdal á Siglufirði opnar klukkan ellefu í dag og verður opið til fjögur. Þar er austan átt og um fimm til sex metrar á sekúndu og nægur snjór í fjallinu.

Tvö innbrot í grunnskóla í nótt

Fjórir menn á tvítugsaldrinum voru gripnir glóðvolgir í nótt þegar þeir brutust inn í Háteigsskóla. Einn piltanna var handtekinn inn í skólanum en hinir í bíl sem beið eftir honum. Í fórum piltanna fannst skjávarpi. Allir piltarnir fengu að gista fangageymslur lögreglunnar.

Þrjár alvarlegar líkamsárásir í nótt

Lögreglan var þrívegis kölluð út vegna líkamsárása á höfuðborgarsvæðinu í nótt. Sú fyrst átti sér stað fyrir utan skemmtistaðinn Spot í Kópavogi. Þar gekk karlmaður í skrokk á konu sinni. Lögreglan var kvödd á staðinn sem skarst í leikinn. Konan var í kjölfarið færð á spítala þar sem gert var að sárum hennar.

Öryrkjum mismunað

Atvinnulausir eru með sjöfalt hærra frítekjumark en öryrkjar og ellilífeyrisþegar. Örorkubætur hjá tvítugri fjölfatlaðri stúlku skerðast verulega vegna skaðabóta sem hún fékk eftir bílslys. Klár mismunun segir framkvæmdastjóri Öryrkjabandalagsins.

Snittur í stað bólusetningar

Bólusetja mætti 80 prósent tólf ára stúlkna á Íslandi við leghálskrabbameini fyrir það fé sem ráðuneytin hafa varið í veitingar á þessu ári.

UMFÍ lýsir eftir mótshöldurum

Á stjórnarfundi Ungmennafélags Íslands, sem haldinn var í Reykjavík í dag, var ákveðið að auglýsa eftir nýjum mótshaldara fyrir Unglingalandsmót UMFÍ 2010

Fagna endalokum Varnarmálastofnunnar

Stjórn Ungra vinstri grænna fagnar þeirri ákvörðun ríkisstjórnarinnar að leggja niður Varnarmálastofnun. Stofnun hennar hafi verið ein af þeim slæmu mistökum sem ríkisstjórn Sjálfstæðisflokks og Samfylkingar hafi komið í verk.

Skattafrumvörpum vísað í nefnd

Fyrstu umræðu um skattafrumvörp ríkisstjórnarinnar er lokið á Alþingi. Skattafrumvörpin, sem eru þrjú, hafa því verið send til efnahags- og skattanefndar.

109 látnir í Perm - klúbbaeigendur hugsanlega ákærðir

Alls hafa 109 manns látist í eldsvoðanum í Perm í Rússlandi. Sprengingin varð í miðri flugeldasýningu sem haldin var til að fagna átta ára afmæli skemmtistaðar í borginni. Það var í raun ekki sprengingin sem banaði fólkinu heldur varð hún til þess að eldur kviknaði í veislutjaldi.

Tæplega tvö þúsund á kröfufundi

„Þegar best lét voru örugglega um 1500 til 1800 manns hérna,“ segir Marinó G. Njálsson, ritari Hagsmunasamtaka Heimilanna en fjölmenni mætti á kröfufund á Austurvelli á vegum samtakanna og Nýs Íslands.

Fjölmenni á kröfufundi á Austurvelli

Á fjórða hundrað manns hafa safnast saman á Austurvelli þar sem kröfufundur Hagsmunasamtaka heimilanna og Nýs Íslands hófst nú klukkan þrjú.

Gylfi Magnússon: Icesave-frumvarpið verður samþykkt

Viðskiptaráðherra Íslands, Gylfi Magnússon, sagði í viðtali við Reuters í Danmörku í gær, eftir að hann hafði setið fund með fjármálaráðherrum Norðurlandanna í Kaupmannahöfn, að Icesave frumvarpið yrði samþykkt.

Telur óbeina skatta hækka skuldir heimila um milljarða

Skuldir heimilanna munu hækka um tugi milljarða með óbeinum sköttum verði farið út í fyrirhugaðar skattahækkanir að mati Þórs Saari, þingmanns Hreyfingarinnar, en skattafrumvarp ríkisstjórnar er nú til umræðu á þingi. Hann leggur til að auðlindir eins og fiskur og orka verði skattlögð frekar.

Niðurskurður mun bitna verulega á barnafjölskyldum

Barnafjölskyldur munu finna verulega fyrir þeim niðurskurði sem Reykjavíkurborg hefur boðað á næsta ári að sögn borgarfulltrúa Vinstri grænna. Seinka á inntöku barna í leikskóla og þá verða frístundaheimili lokuð fyrir hádegi - sextán daga á ári.

Icesave-umræðu frestað

Samkomulag hefur náðst milli ríkisstjórnar og stjórnarandstöðu um að ljúka annarri umræðu um Icesave frumvarp ríkisstjórnarinnar á þriðjudag. Umræða um málið hefur staðið tæplega eitt hundrað klukkustundir.

Búpeningur og áfengi helsta slysaorsök bænda

Búpeningur er áberandi orsök vinnuslysa íslenskra bænda. Notkun áfengis í tengslum við vinnu eru einnig skýr. Þeir bændur sem lent hafa í vinnuslysum meta líkamlega og andlega líðan verri og hafa meiri geðræn einkenni, en þeir sem sloppið hafa við slys.

Lífsýni tekið úr dóttur Fischers

Lífsýni úr Bobby Fischer verður borið saman úr lífsýni sem tekið var úr filippseyskri stúlku í vikunni en hún er sögð dóttir skákmeistarans. Móðir stúlkunnar hefur fyrir hönd dóttur sinnar gert kröfu í dánarbúið sem er metið á 270 milljónir.

Dóttir Fischers komin til Íslands og farin

Marilyn Young, fyrrum ástkona skákmannsins Bobby Fischer,var stödd hér á landi ásamt dóttir sinni Jinky, en hún er sögð dóttir skákmeistarans. Marilyn hyggst gera kröfu í dánarbú Fischers fyrir hönd dóttur sinnar.

Á annað hundrað milljónir söfnuðust fyrri Unicef

Yfir hundrað og fimmtíu milljónir króna hafa safnast fyrir barnahjálparsamtökin Unicef hér á landi. Söfnunarátakið hófst 20. nóvember á afmæli barnasáttmálans og lauk svo með stórri sjónvarpsútsendingu í Borgarleikhúsinu á degi rauða nefsins í gær.

Samkomulag búið að nást um Icesave

Samkomulag hefur náðst á Alþingi um að ljúka annarri umræðu um Icesave frumvarp ríkisstjórnarinnar á þriðjudag. Málið fer þá í nefnd en meðal annars stendur til að láta enska lögfræðistofu meta Icesave samningana.

Sjá næstu 50 fréttir

Mest lesið