Kaupþing í eigu erlendra kröfuhafa

Meiri líkur en minni eru á að Kaupþing verði í eigu erlendra kröfuhafa í lok vikunnar. Fundir fara nú fram með fulltrúum kröfuhafanna, fjármálaráðuneytisins, skilanefndarinnar og erlendra ráðgjafa ríkisstjórnarinnar. Viðræðurnar munu vera á viðkvæmu stigi en þeim á að vera lokið fyrir 17. júlí. Nánar verður sagt frá málinu í kvöldfréttum Stöðvar 2.

Utanríkismálanefnd vill afrit af samtali bankastjóranna

Utanríkismálanefnd Alþingis hefur óskað eftir útskrift af samtali Davíðs Oddssonar, þáverandi Seðlabankastjóra og bankastjóra Englandsbanka sem á að hafa sagt að ekki væri ríkisábyrgð á Icesave reikningunum.

Eignaumsýsla ríkisins lögfest

Frumvarp fjármálaráðherra til laga um eignaumsýslufélag ríkisins var samþykkt fyrir helgi. Í lögunum er kveðið á um heimild fjármálaráðherra til að stofna opinbert hlutafélag utan um rekstrarhæf atvinnufyrirtæki í eigu ríkisins.

Kafbátaferðir hafa ekki verið ræddar við rússnesk stjórnvöld

Utanríkisráðherra hefur ekki rætt umferð rússneskra kafbáta við Ísland við rússnesk stjórnvöld eða fulltrúa þeirra, samkvæmt upplýsingum sem fréttastofa hefur frá utanríkisráðuneytinu.

Ekki mannvonska sem ræður lokun öldrunarheimilis

„Það er ekki mannvonska sem ræður," segir Einar Rafn Haraldsson, forstjóri Heilbrigðisstofnun Austurlands, um lokun öldrunarheimilisins á Djúpavogi í gær. Eins og Vísir greindi frá var aðstandendum vistmanna greint frá því að þeir gætu ekki snúið aftur á heimilið eftir sumarlokun þess. Stofnuninni yrði tafarlaust lokað vegna fjárskorts.

ESB mál áfram á dagskrá í dag

Þingsályktunartillaga ríkisstjórnarinnar um aðildarumsókn að Evrópusambandinu verður til umræðu á Alþingi í dag en þingfundur hefst klukkan hálftvö.

Innbrot í skartgripaverslun

Brotist var inn í skartgripaverslun í Hafnarfirði í nótt og þaðan stolið verðmætum. Ekki er enn ljóst hversu miklu var stolið.

Segja verksmiðjubændur brjóta rétt á kúm

Dýraverndarsamband Íslands grunar að bændur, sem reka stór og sjálfvirk kúabú, fari á svig við reglur um útivist og hagbeit kúa á sumrin, og hefur sent Matvælastofnun fyrirspurn um málið.

Vilja að framsóknarmenn hafni ESB-umsókn

Ungir framsóknarmenn í Skagafirði skora á þingmenn Framsóknarflokksins að greiða atkvæði gegn þingsályktunartillögu ríkisstjórnarinnar um aðildarumsókn að Evrópusambandinu.

Vegurinn yfir Spengisand skraufþurr

Vegurinn yfir Sprengisand er orðinn svo þurr að mikill rykmökkur stígur upp í kjölfar bíla sem aka þar um. Kveður svo rammt að rykinu að þar drapst á bíl í gær því loftsían að vélinni var orðin mettuð af ryki.

Hlaut brunasár um borð í skipi

Maður brenndist um borð í íslensku skipi djúpt út af Faxaflóa í gærkvöldi. Þyrla Landhelgisgæslunnar var send eftir honum og flutti hún hann á slysadeild Landspítalans.

Kveikt í hjólabrettapalli við Árbæjarskóla

Kveikt var í hjólabrettapalli við Árbæjarskóla á tíunda tímanum í gærkvöldi og logaði þar eldur þegar slökkviliðið kom á vettvang. Greiðlega gekk að slökkva eldinn og nálæg mannvirki voru ekki í hættu.

Birkir Jón kýs með tillögu stjórnarinnar

Alþingi Þriðji þingmaður Framsóknarflokksins hefur bæst í hóp þeirra sem hyggjast greiða atkvæði með tillögu meirihluta utanríkismálanefndar um aðildarumsókn að Evrópusambandinu. Birkir Jón Jónsson, varaformaður flokksins, upplýsti samflokksmenn sína um það í gær að hann hygðist fylgja fordæmi Guðmundar Steingrímssonar og Sivjar Friðleifsdóttur í þeim efnum, samkvæmt heimildum Fréttablaðsins.

Fékk blóðeitrun eftir leik á lóð borgarinnar

Mikil slysahætta hefur myndast á stórri lóð í Norðlingaholti. Miklu byggingarusli hefur verið komið fyrir á lóðinni sem er í eigu Reykjavíkur­borgar. Þá stendur hálfkláruð blokk með stillönsum á svæðinu. Nokkur börn í hverfinu hafa slasast á svæðinu, meðal annars lá ungur drengur á spítala í nokkra daga með blóð­eitrun eftir að hafa stigið þar á nagla.

Gengur vel þrátt fyrir álag

Mikið álag er á embætti ríkissaksóknara. Fjöldi ákærumála tvöfaldaðist á árunum 2005 til 2008. Þau voru 243 árið 2005 en 486 árið 2008. Fjöldi starfsmanna við embættið, fjórtán, hefur verið nánast óbreyttur síðastliðin tíu ár, þrátt fyrir þetta aukna álag.

Hótelkeðja hefur áhuga á Þingvöllum

Fosshótel hefði mikinn áhuga á því að reisa hótel á Þingvöllum ef það stæði til boða, að sögn Þórðar B. Sigurðssonar, framkvæmdastjóra Fosshótela.

Íslenskt nautakjöt selst betur

Alls seldust 320 tonn af íslensku nautakjöti í síðasta mánuði. Það er tæpum sex prósentum meira en á sama tíma í fyrra.

Menntun í loftslagsmálum

Efnt verður til samkeppni um athyglisverð verkefni á sviði loftslagsmála hjá leik- og grunnskólabörnum á Norðurlöndunum í tengslum við Norræna loftslagsdaginn sem haldinn verður 10. október.

Mikilvægt að kjósa

Samkvæmt könnun Capacent Gallup þá skiptir það miklu máli fyrir 76,3 prósent landsmanna að fram fari þjóðaratkvæðagreiðsla um að sækja um aðild að Evrópusambandinu, 17,4 prósentum fannst það skipta litlu máli og 5,8 prósent svöruðu hvorki né.

Minnst áhrif af 2+1 vegi

Skipulagsstofnun hefur gefið það út að minnst umhverfisáhrif verði vegna breikkunar Suðurlandsvegar, verði vegurinn þrjár akreinar; svokallaður 2+1 vegur. Þetta kemur fram í mati stofnunarinnar sem kom út í gær.

Sjálfboðaliðar fegra Hverfisgötu

Um fjörutíu manna hópur sjálfboðaliða vinnur þessa dagana að því að taka húsin við Hverfisgötu 88 í gegn, að innan sem utan. Það eru samtökin Veraldarvinir sem hafa tekið húsin, sem eru þrjú talsins, á leigu og standsetja þau nú.

Nýjum banka fagnað með veisluhöldum

Nýr banki hefur tekið við Kaupþingi í Lúxemborg. Bankinn mun bera nafnið Banque Havilland. Bankinn er í eigu Rowland-fjölskyldunnar sem á meðal annars fjármálafyrirtækið Blackfish Group. Þetta kemur fram í fréttatilkynningu frá hinum nýstofnaða banka.

Slitastjórn greiðir launin í dag

Slitastjórn SPRON er nú heimilt að borga laun starfsmanna sinna á uppsagnarfresti. Þetta var samþykkt á Alþingi í gær með öllum greiddum atkvæðum viðstaddra þingmanna. Frumvarpið, sem flutt var af viðskiptanefnd Alþingis, var afgreitt á mettíma. Var það tekið til þriggja umræðna og samþykkt á aðeins tuttugu mínútum.

Hæstiréttur klofinn í kynferðisbrotamáli

Hæstiréttur Íslands klofnaði varðandi farbannsúrskurð yfir bandarískum karlmanni sem er gefið að sök að hafa haft samræði við konu með blekkingum.

Davíð Oddsson útilokar ekki endurkomu í stjórnmál

Í viðtali í Málefnunum á Skjá Einum fyrr í kvöld var Davíð Oddsson spurðurt hvort hann hyggði á endurkomu í stjórnmál. Hann aftók ekki að hann myndi snúa aftur í stjórnmálin.

Lét fjórtán ára stúlku fróa sér

Tuttugu og þrigga ára karlmaður var í dag dæmdur í eins árs skilorðsbundið fangelsi í héraðsdómi norðurlands eystra fyrir kynferðisbrot gegn fjórtán ára stúlku. Hann var einnig dæmdur til greiðslu 200.000 króna í miskabætur til fórnarlambsins.

Viðgerð lokið á Álftanesi

Viðgerð er lokið á kaldavatnslögn á Álftanesi sem bilaði um tvöleytið í dag og hefur vatni verið hleypt aftur á, samkvæmt tilkynningu frá Orkuveitu Reykjavíkur.

Fékk að kaupa krónur sem Svíi en ekki sem Íslendingur

Íslendingur skipti í dag erlendum gjaldeyri í íslenskar krónur án nokkurrar fyrirhafnar þar sem hann talaði sænsku en átti í meiri vandræðum með það sem Íslendingur. Í hvert sinn sem Íslendingar kaupa gjaldeyri, þurfa þeir að framvísa flugmiða og viðskipti þeirra eru umsvifalaust skráð niður á viðkomandi einstakling með því að tengja kennitölu hans við viðskiptin.

Forsætisráðherra brýndi mikilvægi ESB fyrir þingheimi

„Mér heyrist að háttvirtur þingmaður beri mikla virðingu fyrir áframhaldandi stjórnarsamstarf þannig að við skulum vona að atkvæðagreiðslan verði með þeim hætti að þessi stjórn sitji áfram," sagði Jóhanna Sigurðardóttir forsætisráðherra á Alþingi í dag.

Búast við mikilvægum áfanga á föstudag

Enn er stefnt að því að kröfuhafar í gömlu bönkunum eignist hluti í nýju ríkisbönkunum eða eignist þá alla. Þetta sagði Gylfi Magnússon viðskiptaráðherra í upphafi þingfundar í dag. Gylfi gerir ráð fyrir að töluverður áfangi náist við endurreisn bankakerfisins í vikulok.

ASÍ staðfestir stöðugleikasáttmálann

Víðtæk samstaða er innan Alþýðusambands Íslands um bæði niðurstöðu samningsaðila sem og gerð stöðuleikasáttmálans milli aðila vinnumarkaðarins og ríkisstjórnarinnar sem gerður var 25. júní síðastliðinn.

Lokað fyrir kalda vatnið

Loka þurfti fyrir kalda vatnið í Bessastaðarhreppi þegar grafið var í aðalkaldavatnsæð klukkan tuttugu mínútur í tvö í dag. Unnið er að viðgerð og mun það taka einhverja klukkutíma.

Reyndi að brjótast inn vopnaður dúkahníf

Maður vopnaður dúkahníf reyndi að brjótast inn hjá Terr Security öryggisþjónustunni á Hverfisgötu um klukkan sjö í morgun. Stefán Stefánsson, starfsmaður fyrirtækisins, hafði samband við fréttastofu eftir að hafa lesið frétt um ótta íbúa við innbrot á Vísi.

Meiri ótti við innbrot en áður

Ríflega helmingur íbúa, eða um 56%, telur innbrot vera mesta vandamálið í sínu hverfi, ef marka má niðurstöður nýrrar skoðanakönnunar sem Capacent Gallp gerði fyrir lögregluna á höfuðborgarsvæðinu.

Segir ríkisborgaraprófin mismuna á margan hátt

„Þegar ráðuneyti segir að prófin eigi að vera hjálpartæki fyrir innflytjendur til að aðlaga sig en ekki sía, þá fellur það náttúrulega um sjálft sig," segir Ingibjörg Hafstað, yfirmaður íslenskukennslu í Alþjóðahúsinu. Hún er afar óánægð með ríkisborgaraprófin í íslensku sem lögð voru fyrir í fyrsta sinn í júní og ætlar að fá þá sem féllu til að kæra prófin.

Óttast var um menn á Þingvallavatni

Lögreglunni á Selfossi barst aðstoðarbeiðni rétt fyrir klukkan sex á laugardag vegna tveggja manna sem höfðu farið á bát út á Þingvallavatn frá landi Miðfells um hádegið.

Lítið barn féll tvo metra

Barn á öðru ári féll tvo metra af svefnlofti niður á gólf í sumarbústað í landi Úthlíðar í Biskupstungum í morgun. Barnið var flutt með sjúkrabíl á slysadeild Landspítala til skoðunar. Barnið mun hafa hlotið höfuðhögg en meiðslin eru ekki talin alvarleg.

Um 6% söluaukning á nautakjöti í júní

Alls seldust 320 tonn af nautakjöti í nýliðnum júnímánuði, sem er 5,9% aukning miðað við júní í fyrra. Undanfarna 12 mánuði hafa selst 3.640 tonn af nautakjöti og er það 2,1% samdráttur frá árinu á undan, eftir því sem fram kemur á vefsíðu Landssambands kúabænda. Innflutningur á nautakjöti hefur dregist verulega saman að undanförnu. Fyrstu 5 mánuði þessa árs hafa verið flutt inn 49 tonn af nautakjöti, á móti 197 tonnum á sama tímabili í fyrra.

Stíft fundað um Icesave

Stíft var fundað um Icesave málið á Alþingi í morgun. Haldin var sameiginlegur fundur í efnhags- og skattanefnd og fjárlaganefnd klukkan hálf níu en um klukkan hálf ellefu kom utanríkismálanefnd saman.

Nærri fjórðungur atvinnulausra á aldrinum 16-24

Rúmlega 3500 manns á aldrinum 16-24 ára eru skráðir atvinnulausir hjá Vinnumálastofnun. Það er um 23% prósent af heildarfjölda atvinnulausra samkvæmt nýjustu tölum frá því í lok júní. Námsmenn sem unnið hafa að minnsta kosti þrjá mánuði í fyrra eiga rétt á 25% atvinnuleysisbótum. Atvinnuleysi mælist nú 8,1% en rúmlega fimmtán þúsund og fimm hundruð manns eru á atvinnleysisskrá.

Bólusetningarlyf gegn H1N1 munu kosta allt að 400 milljónum

Áætlað er að kostnaður við kaup á bólusetningarlyfjum gegn svínaflensu verði á bilinu 300 - 400 milljónir að sögn sóttvarnarlæknis. Keyptir verða um þrjú hundruð skammtar en búist er við að bólusetja þurfi hvern einstakling tvisvar.

Á batavegi eftir flugslys

Karlmaðurinn sem komst lífs af þegar Cessna flugvél brotlenti í Vopnafirði 2. júlí síðastliðinn er á batavegi og var útskrifaður af gjörgæsludeild Landspítalans í gærkvöldi, að sögn vakthafandi læknis þar. Flugvélin sem brotlenti var af gerðinni Cessna 180 og var fjögurra sæta einkaflugvél. Annar karlmaður, sem var um borð í vélinni lést í slysinu.

Bjarni svarar Össuri fullum hálsi

„Það er skýlaus stefna utanríkisráðherra að hafa þarna hús sem ekki verður opið almenningi. Ég mun berjast á móti henni," segir Bjarni Harðarson, fyrrum þingmaður Framsóknar í samtali við fréttastofu. Hann og Össur Skarphéðinsson hafa munnhöggvist á opinberum vetvangi eftir að Valhöll á þingvöllum brann, en þeir eru á öndverðum meiði um framtíð Valhallarreitsins.

Útvarpsgjaldið innheimt með nýjum hætti í næsta mánuði

Um næstu mánaðamót munu allir skattskyldir einstaklingar fá sendan innheimtuseðil vegna útvarpsgjaldsins í fyrsta skipti, samkvæmt lögum um Ríkisútvarpið sem samþykkt voru árið 2007, en áður höfðu eigendur sjónvarpstækja og útvarpstækja greidd af hendi útvarpsgjöldin.

Áfram tekist á um ESB í dag

Þingsályktunartillaga ríkisstjórnarinnar um aðildarumsókn að Evrópusambandinu verður áfram til umræðu í þinginu í dag á þingfundi sem hefst klukkan 15. Þá er ályktunartillaga stjórnarandstöðunnar um undirbúning mögulegrar umsóknar um aðild að Evrópusambandinu jafnframt á dagskrá.