Fleiri fréttir

Ný gjaldeyrislög leggja hömlur á flutning fjár úr landi

Stjórnendur útflutningsfyrirtækja eiga yfir höfði sér allt að tveggja ára fangelsi ef þeir skila ekki heim gjaldeyri, sem aflað er erlendis og hömlur verða lagðar á flutning fjármuna úr landi, samkvæmt frumvarpi, sem samþykkt var á Alþingi á fimmta tímanum í nótt og öðlast þegar gildi.

550 milljóna niðurskurður hjá RÚV

Skorið verður niður um 550 til 600 milljónir króna í rekstri Ríkisútvarpsins ohf. vegna aðstæðna í efnahagslífinu. Á milli tuttugu og þrjátíu starfsmönnum verður sagt upp störfum, samkvæmt heimildum Fréttablaðsins.

Vonar að eignir gangi upp í skuldirnar

„Sjóðurinn gerir ráð fyrir ýmsum breytum í sinni áætlun sem hann segir að sé ekki endilega víst að gangi eftir. Þeir taka þessa tölu sjálfsagt til að vera ekki um of bjartsýnir og gera kannski ráð fyrir hinu versta,“ segir Björgvin G. Sigurðsson viðskiptaráðherra.

Óvissa um umsamið lán OR vegna kreppu

Þróunarbanki Evrópu neitar að greiða lokagreiðslu umsamins láns til Orkuveitu Reykjavíkur (OR) þrátt fyrir að framkvæmdum sé lokið og úttekt hafi verið gerð á þeim. Lánið, sem tekið var vegna Hellisheiðarvirkjunar, greiðist eftir framvindu verksins. Vegna slæms efnahagsástands hér á landi vill bankinn ekki afhenda féð, rúmlega 6 milljarða króna.

Reyna að stela upp í fíkniefnaskuldir

Miklar annir hafa verið hjá auðgunarbrotadeild lögreglunnar á höfuðborgarsvæðinu að undanförnu við að rannsaka og upplýsa tíð innbrot og þjófnaði, að sögn Ómars Smára Ármannssonar yfirlögregluþjóns. Hann segir aukningu hafa orðið í innbrotum síðastliðna þrjá mánuði, einkum innbrotum í bíla, en tíðnin sveiflist upp og niður milli missera.

Staða tryggingafélaga ágæt

Staða tryggingar­félaganna er ágæt að mati Fjármálaeftirlitsins. Þetta kom fram í máli fulltrúa eftirlitsins þegar þeir mættu á fund viðskiptanefndar Alþingis í gær.

Tryggingarsjóðurinn efldur vegna Icesave

Leggja á Tryggingarsjóði innstæðueigenda til peninga svo sjóðurinn geti staðið skil á greiðslum til eigenda innlánsreikninga í íslensku bönkunum í útlöndum.

Svíarnir neita um afgreiðslu

Íslendingar, sem verða uppiskroppa með lyfin sín, geta farið með íslenska lyfseðla í apótek á Norðurlöndum og fengið lyfin sín en í Svíþjóð er það ekki hægt. Ástæðan er sú að þeir sem framvísa lyfseðli í apóteki í Svíþjóð verða að hafa sænska kennitölu til að geta fengið lyfin afgreidd.

Bankaleynd ekki skálkaskjól

„Hugtakið bankaleynd má ekki verða skálkaskjól,“ segir Björgvin G. Sigurðsson, viðskiptaráðherra.

Samgöngur til Eyja í algjöru uppnámi

Hætt hefur verið tímabundið við útboð á smíði nýrrar Vestmannaeyjaferju og Flug­félag Vestmannaeyja er hætt að fljúga á milli lands og Eyja. Bæjarráð Vestmannaeyja lýsir yfir miklum vonbrigðum með stöðu mála.

Fólki fjölgar í Eyjum

„Nú hefur það gerst í fyrsta sinn í sautján ár að íbúum hefur fjölgað hér í Vestmannaeyjum,“ segir Elliði Vignisson bæjarstjóri. „Í fyrra vorum við 4.040 en síðast þegar ég gáði 4.080.“

Höft á fjármagnshreyfingar og skilaskylda sett á gjaldeyri

Björgvin G. Sigurðsson viðskiptaráðherra mælti nú í kvöld fyrir breytingum á lögum um gjaldeyrismál. Í frumvarpinu eru ákvæði til bráðabirgða sem gera Seðlabanka heimild til að takmarka eða stöðva tímabundið fjármagnshreyfingar og gjaldeyrisviðskipti sem þeim tengjast til og frá landinu ef slíkar hreyfingar valda að mati bankans „alvarlegum og verulegum óstöðugleika í gengis- og peningamálum. Fyrsta umræða tók fljótt af og fer málið nú fyrir viðskiptanefnd. Þingfundi hefur verið frestað til klukkan 22:15.

Blásið til Þjóðfundar 1. desember á Arnarhóli

Borgarahreyfing um Þjóðfund 1. des. blæs til Þjóðfundar á Arnarhóli þann fyrsta desember næstkomandi. Fólk er hvatt til að leggja niður störf og mæta á fundinn klukkan þrjú næstkomandi mánudag. Um er að ræða regnhlífarsamtök þeirra hópa og einstaklinga sem hafa haft sig í frammi opinberlega undanfarnar vikur vegna þess „gjörningaveðurs sem fjármálamenn, stjórnvöld og embættismenn hafa kallað yfir þjóðina,“ eins og segir í tilkynningu.

Vilhjálmur deilir hart á frumvarp um gjaldeyrismál

Vilhjálmur Egilsson, framkvæmdastjóri Samtaka atvinnulífsins, er mjög óhress með nýtt lagafrumvarp um breytingar á lögum um gjaldeyrismarkaði. Hann krefst þess að frumvarpið verði dregið til baka og segir það í andstöðu við tilmæli Alþjóðagjaldeyrissjóðsins. Að sögn Vilhjálms mun frumvarpið, sem gerir ráð fyrir því að Seðlabankinn geti beitt takmörkunum á gjaldeyrisviðskipti, stórskaða íslenskt viðskiptalíf. Þetta sagði Vilhjálmur í samtali við mbl.is.

Framkvæmdir við tónlistarhúsið líklega að stöðvast

Allt útlit er fyrir að framkvæmdir við tónlistarhúsið við Reykjavíkurhöfn stöðvist í næstu viku eftir að Portus gafst upp á verkefninu í dag og sagði öllum starfsfólki sínu upp. Félagið hefur verið í viðræðum við ríki og borg um yfirtöku verkefnisins sem kallar á útgjöld upp á níu til tíu milljarða króna.

Aðgerðir Breta gegn Landsbanka ræddar á Evrópuþinginu

Aðgerðir breskra stjórnvalda gegn Landsbankanum í Bretlandi verða teknar til umræðu hjá Evrópuráðsþinginu. Í tilkynningu frá Alþingi segir að á fundi framkvæmdastjórnar Evrópuráðsþingsins í dag hafi verið samþykkt beiðni þingmannasendinefndar Íslands um að taka til umræðu á stjórnarnefndarfundi Evrópuráðsþingsins, sem fer fram á morgun, aðgerðir breskra stjórnvalda gagnvart íslenskum bönkum þar í landi og tilheyrandi yfirlýsingar breskra ráðamanna í fjölmiðlum.“

Orkuveitan heiðrar hugvitskonur

Í dag hlutu tvær hugvitskonur viðurkenningu Orkuveitu Reykjavíkur og KVENN, félags kvenna í nýsköpun, fyrir framlag þeirra til nýsköpunar. „Það voru þær Guðrún Guðrúnardóttir og Margrét Ragnarsdóttir, sem tóku við viðurkenningunum úr hendi Guðlaugs G. Sverrissonar, stjórnarformanns Orkuveitu Reykjavíkur við athöfn í höfuðstöðvum fyrirtækisins," segir í tilkynningu frá OR.

Vegagerðin vill 2 + 1 veg yfir Hellisheiði

Áform um að fjármagna tvöföldun Suðurlandsvegar með einkaframkvæmd eru í algerri óvissu eftir hrun lánsfjármarkaða. Vegamálastjóri segir að vegna efnahagsástands ætti að skoða að leggja tveir plús einn veg til Hveragerðis en vill að kaflinn þaðan til Selfoss verði tveir plús tveir.

Skilaskylda sett á gjaldeyri

Það á ekki að fleyta krónunni að fullu eins og við var búist og áfram verða einhver gjaldeyrishöft. Þetta kom fram í viðtali við Björgvin G. Sigurðsson, iðnaðarráðherra í Íslandi í dag, en hann mælir fyrir frumvarpi um gjaldeyrisviðskipti á þingi í kvöld. Þá stendur einnig til að setja skilaskyldu á útflytjendur til þess að tryggja að gjaldeyrir sem fæst fyrir íslenskan varning skili sér til landsins.

Þolinmæðin á þrotum

Þolinmæði okkar er á þrotum og nú verður að stokka upp í ríkisstjórn, seðlabankanum og fjármálaeftirlitinu, segir Gylfi Arnbjörnsson, forseti ASÍ.

Leyniskýrslur um Drekasvæðið afhjúpaðar

Orkustofnun tilkynnti í dag að leynd hefði verði aflétt af nærri tuttugu ára gömlum rannsóknarskýrslum sem sýndu fram á olíu og gas á Drekasvæðinu. Leynd var höfð yfir skýrslunum að ósk norskra stjórnvalda en einnig vegna þess að þær voru taldar verðmæt söluvara til olíufélaga.

Tæp sextíu prósent vilja flýta kosningum

Tæp sextíu prósent landsmanna vilja kjósa til Alþingis í vetur eða í vor ef marka má skoðannakönnun sem Capacent Gallup hefur gert fyrir vefritið Smuguna. Um er að ræða netkönnun sem gerð var á vikutímabili 20. nóvembert til 27. nóvember. Úrtak var 1100 manns hvaðanæva að á landinu og á aldrinum 18 til 75 ára.

Dæmdur í átta mánaða fangelsi fyrir þrjár líkamsárásir

Hæstiréttur dæmdi í dag karlmann í 8 mánaða fangelsi fyrir þrjár líkamsárásir gagnvart fyrrverandi eiginkonu sinni og tvo húsbrot hjá henni, sem áttu sér stað á tímabilinu janúar 2005 til mars 2006. Konan hlaut minniháttar meiðsl í árásunum.

Færeysk fiskiskip grunuð um ólöglegar veiðar

Tvö færeysk fiskiskip eru grunuð um að hafa veitt ólöglega í íslenskri lögsögu. Ákæruvaldið í Færeyjum rannsakar málið. Rökstuddur grunur er um að skipin hafi veitt innan íslenskrar lögsögu með slökkt á fjareftirlitsbúnaði sem sýnir hvar skipin eru stödd. Einnig að skipstjóri annars skipsins kastað siglingartölvu þess í sjóinn á leið í land.

Níu mánaða fangelsi fyrir að hóta og kýla lögreglumann

Hæstiréttur staðfesti í dag dóm Héraðsdóms yfir 25 ára gömlum karlmanni sem rauf skilorð með því að hóta og kýla lögreglumann árið 2005. Héraðsdómur hafði áður dæmt hann í níu mánaða fangelsi sem maðurinn áfrýjaði til Hæstaréttar. Honum var einnig gert að greiða áfrýjunarkostnað og kostnað verjanda síns, um 500.000 krónur.

Þrjú og hálft ár fyrir nauðgun

Hæstiréttur staðfesti í dag þriggja og hálfs árs fangelsisdóm yfir Gunnari Rúnari Gunnarssyni. Héraðsdómur Reykjavíkur dæmdi Gunnar í desember í fyrra fyrir tvö skjalafalsmál, umferðarlagabrot og nauðgun,

Vinstri beygja frá Bústaðavegi lögð niður

Borgarráð samþykkti í dag að loka til reynslu í sex mánuði vinstri beygju af Bústaðavegi inn á Reykjanesbraut í Elliðaárdal. Breytingunni er ætlað að draga úr álagi við gatnamótin og verður á reynslutímanum kannað hvort biðraðir á annatíumum styttist.

Kynbundinn launamunur er 19,5 prósent

Kynbundinn launamunur á heildarlaunum, þegar tekið hefur verið tillit til vinnutíma, starfs, menntunar, aldurs, atvinnugreinar, ábyrgðar í starfi og hvort fólk er sjálfstætt starfandi eða launþegar, er 19,5%, samkvæmt launarannsókn, sem Félagsvísindastofnun gerði fyrir félagsmálaráðuneyti. Þetta kemur fram á heimasíðu Jafnréttisstofu.

Skortur á bílum til útflutnings

Svo vel hefur gengið að selja bíla á Evrópumarkað að Höfðahöllin og Diesel.is hyggjast ráðast í sérstakt markaðsátak til að fá fleiri bíla á skrá hjá sér. Hlynur Gylfason, hjá Höfðahöllinni, segir að bílarnir séu fluttir til Þýskalands en séu síðan seldir um alla Evrópu. Hann segir fyrirtækið þurfa fleiri bíla á skrá.

Opið allan sólarhringinn í Hagkaupi

Hægt verður að versla jólagjafirnar, steikina og skrautið um miðjar nætur í desember. Verslun Hagkaups í Skeifunni verður opin allan sólarhringinn frá og með deginum í dag og fram að jólum hið minnsta.

Séð og heyrt mátti ekki birta mynd af Tarantino

Alti már Gylfason blaðamaður Séð og heyrt og Birtíngur útgáfufélag ehf voru í Héraðsdómi Reykjavíkur í dag dæmd til þess að greiða Ingu Birnu Dungal 180.000 krónur ásamt vöxtum. Einnig voru hvor um sig gert að greiða 80.000 krónur í sekt til ríkissjóðs ásamt 600.000 krónum í málskostnað.

Lýsir vanþóknun yfir leynd, spillingu og græðgi meirihlutans

Ólafur F. Magnússon, fyrrum borgarstjóri, lýsir yfir vanþóknun sinni á þeirri leynd, spillingu og græðgi sem einkenna störf borgarstjórnarmeirihluta Sjálfstæðisflokks og Framsóknarflokks. Þetta kemur fram í bókun sem Ólafur lagði fyrir í borgarráði í dag.

Strætófarþegum fjölgar í kreppunni

Merkja má fjölgun á farþegum hjá Strætó á álagstímum að undanförnu og telur Jórunn Frímannsdóttir, stjórnarformaður Strætó bs. að rekja megi fjölgunina til efnahagsástandsins.

Heimdallur vill mannabreytingar í Seðlabankanum

Von er á yfirlýsingu frá stjórn Heimdallar, félags ungra sjálfstæðismanna í Reykjavík, síðar í dag. Þar er þeim tilmælum meðal annars beint til Ríkisstjórnarinnar að mannabreytinga sé þörf í Seðlabanka Íslands og Fjármálaeftirlitinu.

Varað við ferðalögum til Taílands

Utanríkisráðuneytið ráðleggur Íslendingum frá ferðalögum til Taílands vegna mótmæla og átaka að undanförnu. Þeim sem nú eru í landinu er ráðlagt að halda sig fjarri mótmælaðgerðum.

Allt að 2 ára fangelsi óhlýðnist fólk rannsóknarnefndinni

Það varðar allt að 2 ára fangelsi að neita að gefa upplýsingar, spilla gögnum eða gefa villandi upplýsingar fyrir rannsóknarnefnd um bankahrunið samkvæmt frumvarpi um sérstaka rannsóknarnefnd sem Sturla Böðvarsson, forseti Alþingis, mælti fyrir í morgun.

Á brjóstunum á leið til Bandaríkjanna

Tvær léttklæddar og föngulegar stúlkur frá bandarísku dýraverndarsamtökunum PETA eru komnar til Íslands til þess að krefjast mannúðlegrar meðferðar á dýrum og hvetja fólk til þess að klæðast ekki dýrafeldi

Ekki flatur niðurskurður í heilbrigðiskerfinu

Tveir ráðherrar fullyrtu á Alþingi í morgun að ekki yrði flatur 10 prósenta niðurskurður í heilbrigðiskerfinu, þrátt fyrir nýleg tilmæli fjármálaráðuneytis um að lækka útgjöld sem því nemur.

Útifundur ASÍ færður inn vegna veðurs

Vegna veðurs hefur fyrirhugaður útifundur ASÍ og stéttarfélaganna á höfuðborgasvæðinu verið færður inn í Listasafn Reykjavíkur, Hafnarhúsinu við Tryggvagötu. Fundurinn hefst kl. 17 eins og áður hafði verið auglýst. Ræðumenn verða Gylfi Arnbjörnsson forseti ASÍ, Sigurður Bessason formaður Eflingar og Finnbjörn A. Hermannsson formaður Samiðnar. Fundarstjóri verður Ingibjörg R. Guðmundsdóttir varaforseti ASÍ. Tríóið Guitar Islancio mun leika nokkur lög fyrir fundinn.

Borgin styður Alþjóðahúsið í eitt ár

Borgarráð Reykavíkur samþykkti á fundi sínum í morgun að gera þjónustusamning við Alþjóðahús til eins árs. Mannréttindaskrifstofu Reykjavíkurborgar hefur verið falið að sjá um samningsgerðina af hálfu borgarinnar.

Rætt um rannsóknarnefnd Alþingis

Sturla Böðvarsson, forseti Alþingis, mælti í morgun fyrir frumvarpi um rannsókn á aðdraganda og orsökum falls íslensku bankanna. Frumvarpið er lagt fram af forseta Alþingis og formönnum allra stjórnmálaflokka sem eiga þar sæti.

Sjá næstu 50 fréttir

Mest lesið