Heilbrigðisstofnanir úti á landi vilja skrá sjúkraskrár

Tekist var á um það á Alþingi í dag hvort útvistun á ritun sjúkraskráa væri liður í einkavæðingu heilbrigðiskerfisins. Fram kom í svari ráðherra að heilbrigðisstofanir úti á landi væru meðal þeirra sem boðið hefðu í þessa þjónustu.

Menn gætu verið dregnir til ábyrgðar

Ólafur Friðrik Magnússon borgarstjóri útilokar ekki að menn verði dregnir ábyrgðar vegna REI málsins. Svört skýrsla um REI málið var kynnt á fundi borgarráðs í dag og stendur fundur borgarráðs enn yfir. Svandís Svavarsdóttir borgarfulltrúi VG tók í sama streng og borgarstjóri en hvorugt þeirra vildi nefna nein nöfn.

Millilandaflug hefur ekki fallið niður þrátt fyrir illviðri

Millilandaflug hefur ekki fallið niður vegna illviðrisins sem gengur nú yfir landsins en þó gætti áhrifa á flugumferðina í morgun.

Fjölmargir vegir á landinu lokaðir og víða ekkert ferðaveður

Fjölmargir vegir á landinu eru nú ófærir vegna mikillar ofankomu og eru vegfarendur hvattir til þess að kanna færð áður en þeir leggja á vegi landsins.

Vill svör um skipan héraðsdómara

Árni Þór Sigurðsson, þingmaður Vinstri – grænna, hefur lagt fram fyrirspurn til dómsmálaráðherra á Alþingi vegna skipanara í embætti héraðsdómarar.

Kveikt á Friðarsúlu Yoko Ono

Í tilefni af Vetrarhátíð í Reykjavík verður kveikt á Friðarsúlu Yoko Ono í kvöld, 7. febrúar kl. 19:00 og mun ljósið loga yfir hátíðina; fimmtudag, föstudag og laugardag frá kl. 19:00 -01:00.

Vilhjálmur segir fullkomna sátt um REI skýrsluna

Þrjú snjóflóð hafa fallið í Súðavíkurhlíð

Myndband: Unglingaslagsmálin í Kringlunni

Vísir sagði frá unglingaslagsmálum í Kringlunni í gær. Þar söfnuðust tveir hópar unglinga saman og slógust. Lögreglan var kölluð á staðinn. Tveir ungir piltar voru handteknir.

Ekki menntamálaráðherra sem semur við kennara

Ekki er hægt að líta svo á að Þorgerður Katrín Gunnarsdóttir menntamálaráðherra hafi talað fyrir sjónarmiðum ríkisstjórnarinnar þegar hún lýsti því yfir að hækka þyrfti verulega laun kennara á fundi á dögunum.

Ökumaður keyrði inn í snjóflóð í Súðarvíkurhlíð

Snjóflóð féll úr Kirkjubólshlíð og Súðavíkurhlíð fyrir stundu. Einn ökumaður keyrði inn í flóðið og er hann ómeiddur. Lögreglan er nýkomin á staðinn en búið er að loka veginum.

Ekki góður bragur á því að hafa reykherbergi á þingi

Guðlaugur Þór Þórðarsons heilbrigðisráðherra sagði ekki góðan brag á því að heimila reykingar í herbergi í Alþingishúsinu í ljósi þess að þingið hefði samþykkt lög um að banna reykingar á opinberum stöðum. Lagði hann til að herberginu yrði lokað.

Maður dæmdur fyrir að bíta mann

Karlmaður var í gær dæmdur í tveggja ára skilorðsbundið fangelsi fyrir líkamsárás. Maðurinn réðst að öðrum karlmanni í heimahúsi í Vestmannaeyjum þann 1.apríl árið 2006.

Vont veður í allan dag

Umferð komin í samt lag á Reykjanesbrautinni

Ökumenn hundrað bíla aðstoðaðir í morgun

Flugsamgöngur lamaðar í morgun

Öllu innanlandsflugi hefur verið frestað vegna veðurs í dag en kannað verður með flug klukkan tvö. Flugi sem átti að fara til Grænlands í dag hefur verið aflýst vegna ókyrrðar í lofti.

Annríki hjá lögreglu og björgunarsveitum

Mikið annríki er nú hjá björgunarsveitum og lögreglu víða á landinu. Á Hellisheiði sitja bílar fastir en björgunarsveitir eru á leiðinni til hjálpar fólki. Bílar sem þar sitja fastir verða skildir eftir.

Fundur hafinn hjá borgarráði

Borgarráðsfundur hófst nú klukkan hálftíu. Þar var ætlunin að fara yfir skýrslu stýrihóps um málefni Reykjavik Energy Invest. Ekki liggur fyrir hversu langur fundurinn verður en unnið hefur verið að því að leggja lokahönd á skýrsluna síðustu daga

Björgunarsveitir kallaðar út - Reykjanesbraut lokuð

Vegurinn undir Hafnarfjalli er nú lokaður vegna þess hve færðin er slæm en það á við víða á landinu. Lögreglan á Akranesi segir í tilkynningu að ekkert ferðaveður sé nú á Vesturlandsvegi og vegunum kring um Akrakfjall.

Rafmagnsleysi í Miðdal um stund

Miðdalslínu leysti út í morgun sem leiddi til þess að rekstrartruflun varð á háspennu á níunda tímanum. Það leiddi til þess að rafmagnslaust varð í Miðdal og á Hafravatnssvæðinu.

Ófærð í Reykjavík og nágrenni

Það hefur snjóað talsvert í Reykjavík og nágrenni í nótt og þung færð færð á öllu höfuðborgarsvæðinu og austur í sveitir.

Blæs nýju lífi í glæsivillu

Ingunn Wernersdóttir fjárfestir er að breyta Þingholtstræti 29a aftur í fjölskylduhús. „Það er verið að endurnýja húsið og gera það í eins upprunalegri mynd og hægt er,“ segir Ingunn.

Tekinn með rúmt kíló af kókaíni í Leifsstöð

Hollenskur karlmaður á fimmtugsaldri var í gær tekinn í Leifsstöð með 1,2 kíló af meintu kókaíni. Hollendingurinn var að koma frá Amsterdam og fannst efnið í farangri hans.

REI skýrslan í heild sinni

Hér fyrir neðan má nálgast lokaskýrslu stýrihópsins sem fjallaði um málefni Orkuveitunnar og REI. Vísir hefur í kvöld sagt frá efni skýrslunnar en samkvæmt heimildum Vísis hyggst Svandís Svavarsdóttir leggja skýrsluna fyrir borgarráð á morgun. Heimildir herma einnig að sjálfstæðismenn í Reykjavík hafi fundað í kvöld vegna skýrslunnar en ekki munu allir vera á eitt sáttir um innihaldið.

REI skýrslan: Aðkoma FL Group ráðandi

Vísir hefur undir höndum skýrslu stýrihóps sem falið var að fjalla um REI málið. Borgarstjórnarflokkur Sjálfstæðisflokks fundar nú um innihald hennar en skýrslan verður lögð fyrir borgarráð á morgun.

Sigríður Lillý nýr forstjóri TR

Jóhanna Sigurðardóttir, félags- og tryggingamálaráðherra, hefur skipað Sigríði Lillý Baldursdóttur í embætti forstjóra Tryggingastofnunar ríkisins til fimm ára frá og með 6. febrúar

Obba með mestu nytin í fyrra

Kýrin Obba á bænum Brakanda í Hörgárdal mjólkaði mest allra íslenskra kúa á síðasta ári eða rúmlega 12.200 kíló af mjólk.

Hnúfubak rak á land við Garðskaga

Stóreflis hnúfubakstarfur fannst í fjöru við Garðskaga í dag. Á vef Víkurfrétta kemur fram að dýrið sé rúmir 10 metrar á lengd hið minnsta og liggi á bakinu í fjöruborðinu.

Göturnar meira saltaðar en fyrri ár

Meira hefur verið borið af salti á götur höfuðborgarinnar í vetur en síðustu ár. Í janúar kom það að minnsta kosti einu sinni fyrir að saltbílar voru á ferðinni samfellt í sólarhring.

Listaverk Ólafs kostar tvo milljarða

Kostnaður við nýtt tónlistar- og ráðstefnuhús er áætlaður fjórtán milljarða króna, en var í upphafi áætlaður tólf milljarðar. Listaverk Ólafs Elíassonar á húsinu kostar tvo milljarða, en smíði þess er hafin í Kína.

FL tjáir sig ekki um REI skýrslu

Halldór Kristmannsson upplýsingafulltrúi FL Group segst ekki hafa séð REI skýrsluna og vill kynna sér efni hennar áður en hann tjáir sig um hana.

Tillögur REI stýrihópsins

Í skýrslu stýrihópsins sem Vísir hefur undir höndum kemur fram að nýrri stjórn OR ásamt fulltrúum eigenda verði falið að vinna að tillögum um frekari framtíðarstefnumótun fyrir Orkuveitu Reykjavíkur í anda skýrslunnar.

Beðið eftir úttekt Ríkisendurskoðunar

Gunnar Svavarsson, formaður fjárlaganefndar, segir að nefndin muni bíða eftir stjórnsýsluúttekt á Þróunarfélagi Keflavíkurflugvallar áður en skoðað verði hvort endurskoða þurfi forsendur fjárlaga.

Byggingakrani alelda í Borgartúni

Byggingakrani er illa farinn eftir að eldur kom upp í honum á vinnusvæði í Borgartúni á fimmta tímanum.

Unglingagengi slógust í Kringlunni

Öryggisverðir í Kringlunni hafa átt erfiðan dag þar sem hópur unglinga safnaðist saman í verslunarmiðstöðinni fyrir stundu. Svo virðist sem tvö gengi unglinga hafi mæst í Kringlunni og áttu þau greinilega eitthvað sökótt hvort við annað.

Heitavatnsrör gefa sig í þíðu

Slökkvilið höfuðborgarsvæðisins var kallað að fjölbýlishúsi í Flétturima í Grafarvogi um eittleytið í dag en þar hafði ofn sprungið og flæddi vatn úr honum.

Byggingarstofnun í stað Brunamálastofnunar

Byggingarstofnun mun taka við hlutverki Brunamálastofnunar og hlutverk slökkviliðs verður betur skilgreint í lögum samkvæmt frumvarpi um breytingar á lögum um brunavarnir sem Þórunn Sveinbjarnardóttir umhverfisráðherra hefur lagt fram á Alþingi.

Mikil óánægja með stjórnendur Sláturfélagsins

Mikil óánægja er á meðal margra starfsmanna Sláturfélags Suðurlands en á síðustu dögum hafa sex starfsmenn sölu og markaðsdeildar, þar af þrír stjórnendur, sagt upp störfum hjá fyrirtækinu.

Beðið eftir skýrslu starfshóps um uppbyggingu í heilsugæslu

Starfshópur á vegum heilbrigðsráðherra fer nú yfir stöðuna í heilsugæslu á höfuðborgarsvæðinu og hyggst ráðherra bíða eftir skýrslu hans áður en frekari áform um uppbyggingu verða tekin. Þetta sagði Guðlaugur Þór Þórðarson heilbrigðisráðherra í fyrirspurnartíma á Alþingi í dag.

Skimun vegna ristilkrabbameins hefst í byrjun næsta árs

Reiknað er með að skimun á krabbameini í ristli hefjist í upphafi næsta árs. Þetta kom fram í svari Guðlaugs Þórs Þórðarsonar heilbrigðisráðherra við fyrirspurn Álfheiðar Ingadóttur, þingmanns Vinstri - grænna, á Alþingi í dag.

Virkjanir í neðri hluta Þjórsár hafa forgang á Búðarhálsvirkjun

Þrjár virkjanir í neðri hluta Þjórsár eru enn í forgangi hjá Landsvirkjun þrátt fyrir að fyrirtækið hafi tekið aftur til skoðunar áform um byggingu Búðarhálsvirkjunar.

Milljörðum minni afborganir en gert var ráð fyrir

Ríkisendurskoðun áformar að ljúka stjórnsýsluúttekt á starfsemi Þróunarfélagsins á Keflavíkurflugvelli fyrir miðja febrúar. Þetta kemur fram í tilkynningu frá formanni fjárlaganefndar, Gunnari Svavarssyni, en nefndin fjallaði um málið á fundi sínum í morgun.

Óskar segir nýjan meirihluta ýta málum á undan sér

"Þetta staðfestir það sem ég óttaðist að deiluskipulag miðborgarinnar væri í uppnámi," segir Óskar Bergsson borgarfulltrúi Framsóknarflokks eftir að meirihlutinn samþykkti á fundi Skipulagsráðs í dag að skipa vinnuhóp og stofna miðborgarteymi vegna endurskoðunar á deiliskipulagi Laugavegsreits.

Fordæmdu pyntingar Bandaríkjamanna

Þingmenn allra flokka fordæmdu í dag pyntingar Bandaríkjamanna í Guantanamo-búðunum og farið var fram á að tillaga Vinstri - grænna um yfirlýsingar frá Alþingi þessa efnis yrði hraðað í gegnum þingið.